കള്ളപ്പണം വെളുപ്പിക്കാൻ ഇടനിലക്കാരായി അന്താരാഷ്​ട്ര സംഘങ്ങൾ

ഓട്ടവ: സമ്പന്നർക്ക്​ കള്ളപ്പണം പൂഴ്​ത്തിവെക്കാൻ സഹായം നൽകുന്ന അന്താരാഷ്​ട്ര സംഘങ്ങൾ സജീവമാണെന്നും അവർക്ക്​ ലക്ഷക്കണക്കിന്​ ഡോളറുകൾ പ്രതിഫലമായി ലഭിക്കുന്നുണ്ടെന്നും​ റിപ്പോർട്ട്​. ഇത്തരം സംഘങ്ങളെ നിയമത്തിനു മുന്നിൽ കൊണ്ടുവരാൻ നടപടികളുണ്ടാകുന്നില്ല. നോട്ടറിമാരും ബാങ്ക്​ ജീവനക്കാരും അക്കൗണ്ടൻറുകളും അഭിഭാഷകരും മറ്റുമടങ്ങുന്ന ഈ അന്താരാഷ്​ട്ര ഗൂഢസംഘം വിദേശ രാജ്യങ്ങളിലെ കടലാസുകമ്പനികൾ വഴിവ്യാജ പേരിൽ ഓഫിസുകളും ട്രസ്​റ്റുകളും തുടങ്ങിയാണ്​ അതിസമ്പരുടെ പണം പൂഴ്​ത്തിവെക്കുന്നത്​.

ഇത്തരം സംഘങ്ങളാണ്​ ലോകവ്യാപകമായി ഏകാധിപതികളെയും പ്രഭുക്കൻമാരെയും ക്രിമിനലുകളെയും സംരക്ഷിക്കുന്നത്​. ഇങ്ങനെ നികുതിവെട്ടിപ്പു നടത്താൻ ഇടനിലക്കാരായി നിൽക്കുന്ന സംഘങ്ങളെ കുറിച്ച്​ ഒരുതരത്തിലുമുള്ള അന്വേഷണം ഉണ്ടാകാറില്ല.

സാധാരണ രീതിയിൽ നടക്കുന്ന കുറ്റകൃത്യങ്ങളെ കുറിച്ച്​ മാധ്യമങ്ങൾ റിപ്പോർട്ട്​ ചെയ്യും. ഒരുതരത്തിലുള്ള നിയമനടപടികളും ഇത്തരക്കാർ ഇതുവ​െര നേരിട്ടിട്ടില്ല. ജനാധിപത്യ തത്വങ്ങൾ ലംഘിച്ച്​ നിലവിലെ നിയമവ്യവസ്​ഥയെ ചോദ്യം ചെയ്​ത്​ ഇതേ രീതിയിലുള്ള സംഘങ്ങൾ അതിസമ്പന്നരുടെ കള്ളപ്പണം വെളുപ്പിച്ച സംഭവങ്ങളുമുണ്ട്​. ഇങ്ങനെ പൂഴ്​ത്തി​െവച്ച ഒരു വർഷത്തെ സമ്പത്തി​െൻറ കണക്കുപരിശോധിച്ചാൽ ആഗോള ജി.ഡി.പിയുടെ രണ്ടു മുതൽ അഞ്ചു ശതമാനം വരെ വരും. ലോകവ്യാപകമായുള്ള അതിസമ്പന്നരുടെ അനധികൃത നിക്ഷേപങ്ങളെ കുറിച്ച്​ വെളിപ്പെടുത്തിയ പാൻഡോറ രേഖകളിലും ഇത്തരം സംഘങ്ങളെ കുറിച്ച്​ പരാമർശിക്കുന്നില്ല.