യു.എൻ വനിതാ സംഘടനയിൽനിന്ന് ഇറാനെ പുറത്താക്കി, വോട്ടെടുപ്പിൽനിന്ന് ഇന്ത്യ വിട്ടുനിന്നു

യു​നൈ​റ്റ​ഡ് നാ​ഷ​ൻ​സ്: ലിം​ഗ​സ​മ​ത്വ​വും സ്ത്രീ​ശാ​ക്തീ​ക​ര​ണ​വും പ്രോ​ത്സാ​ഹി​പ്പി​ക്കു​ന്ന യു.​എ​ന്നി​ന്റെ ക​മീ​ഷ​നി​ൽ​നി​ന്ന് ഇ​റാ​നെ പു​റ​ത്താ​ക്കി. ഐ​ക്യ​രാ​ഷ്ട്ര​സ​ഭ സാ​മ്പ​ത്തി​ക സാ​മൂ​ഹി​ക കൗ​ൺ​സി​ൽ അം​ഗ​ത്വ​ത്തി​ൽ​നി​ന്ന് ഇ​റാ​നെ പു​റ​ത്താ​ക്കാ​ൻ യു.​എ​സ് അ​വ​ത​രി​പ്പി​ച്ച ക​ര​ട് പ്ര​മേ​യ​ത്തെ 29 രാ​ജ്യ​ങ്ങ​ൾ അ​നു​കൂ​ലി​ച്ചു. എ​ട്ടു​പേ​ർ എ​തി​ർ​ത്തു. 54 അം​ഗ കൗ​ൺ​സി​ലി​ൽ ഇ​ന്ത്യ​യ​ട​ക്കം 16 രാ​ജ്യ​ങ്ങ​ൾ വോ​ട്ടെ​ടു​പ്പി​ൽ​നി​ന്ന് വി​ട്ടു​നി​ന്നു. ബൊ​ളീ​വി​യ, ചൈ​ന, ക​സാ​ഖ്സ്താ​ൻ, നി​ക്ക​രാ​ഗ്വ, നൈ​ജീ​രി​യ, ഒ​മാ​ൻ, റ​ഷ്യ, സിം​ബാ​ബ്‌​വെ, ബം​ഗ്ലാ​ദേ​ശ്, ഇ​ന്തോ​നേ​ഷ്യ, മൊ​റീ​ഷ്യ​സ്, മെ​ക്‌​സി​ക്കോ, താ​യ്‌​ല​ൻ​ഡ് എ​ന്നി​വ​യാ​ണ് വി​ട്ടു​നി​ന്ന മ​റ്റ് രാ​ജ്യ​ങ്ങ​ൾ.

ഇ​റാ​ൻ സ്ത്രീ​ക​ളു​ടെ​യും പെ​ൺ​കു​ട്ടി​ക​ളു​ടെ​യും അ​വ​കാ​ശ​ങ്ങ​ൾ ലം​ഘി​ക്കു​ന്ന​താ​യി ചൂ​ണ്ടി​ക്കാ​ട്ടി​യാ​യി​രു​ന്നു ന​ട​പ​ടി. സ്ത്രീ​ക​ളു​ടേ​യും പെ​ൺ​കു​ട്ടി​ക​ളു​ടേ​യും മ​നു​ഷ്യാ​വ​കാ​ശ​ങ്ങ​ൾ​ക്ക് വി​രു​ദ്ധ​മാ​യ ന​യ​ങ്ങ​ൾ ന​ട​പ്പാ​ക്കി, പ​ല​പ്പോ​ഴും അ​മി​ത​മാ​യ ബ​ല​പ്ര​യോ​ഗ​ത്തി​ലൂ​ടെ, അ​ഭി​പ്രാ​യ​സ്വാ​ത​ന്ത്ര്യം ഉ​ൾ​പ്പെ​ടെ​യു​ള്ള സ്ത്രീ​ക​ളു​ടെ​യും പെ​ൺ​കു​ട്ടി​ക​ളു​ടെ​യും മ​നു​ഷ്യാ​വ​കാ​ശ​ങ്ങ​ളെ ഇ​റാ​ൻ തു​ട​ർ​ച്ച​യാ​യി തു​ര​ങ്കം​വെ​ക്കു​ക​യും അ​ടി​ച്ച​മ​ർ​ത്തു​ക​യും ചെ​യ്യു​ന്ന​താ​യി പ്ര​മേ​യ​ത്തി​ൽ പ​റ​യു​ന്നു.

തീ​രു​മാ​ന​ത്തെ 'ച​രി​ത്ര​പ​രം' എ​ന്ന് യു.​എ​സ് വി​ശേ​ഷി​പ്പി​ച്ച​പ്പോ​ൾ കെ​ട്ടി​ച്ച​മ​ച്ച ആ​രോ​പ​ണ​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് ന​ട​പ​ടി​യെ​ന്ന് ഇ​റാ​ൻ ആ​രോ​പി​ച്ചു. ഇ​റാ​ന്റെ അം​ഗ​ത്വം ക​മീ​ഷ​ന്റെ വി​ശ്വാ​സ്യ​ത​ക്ക് ക​ള​ങ്ക​മാ​ണെ​ന്ന് വോ​ട്ടെ​ടു​പ്പി​ന് മു​ന്നോ​ടി​യാ​യി സം​സാ​രി​ച്ച യു.​എ​സ് അം​ബാ​സ​ഡ​ർ ലി​ൻ​ഡ തോ​മ​സ് ഗ്രീ​ൻ​ഫീ​ൽ​ഡ് ആ​രോ​പി​ച്ചു. ക​മീ​ഷ​നി​ൽ​നി​ന്ന് ഇ​റാ​നെ നീ​ക്കാ​ൻ യു.​എ​സ് മ​നു​ഷ്യാ​വ​കാ​ശ​ങ്ങ​ളു​ടെ മ​റ​വി​ൽ ഇ​റാ​ൻ ജ​ന​ത​യോ​ടു​ള്ള ദീ​ർ​ഘ​കാ​ല ശ​ത്രു​ത ഉ​പ​യോ​ഗി​ക്കു​ക​യാ​ണെ​ന്ന് ഇ​റാ​ന്റെ യു.​എ​ൻ അം​ബാ​സ​ഡ​ർ അ​മീ​ർ സ​ഈ​ദ് ഇ​ര​വാ​നി ബു​ധ​നാ​ഴ്ച​ത്തെ വോ​ട്ടെ​ടു​പ്പി​ന് മു​മ്പ് ആ​രോ​പി​ച്ചു. മ​ത​കാ​ര്യ പൊ​ലീ​സ് ക​സ്റ്റ​ഡി​യി​ൽ 22കാ​രി​യാ​യ കു​ർ​ദ് യു​വ​തി മ​ഹ്സ അ​മി​നി മ​രി​ച്ച​തി​നെ​തി​രാ​യ പ്ര​തി​ഷേ​ധം ഇ​റാ​ൻ അ​ടി​ച്ച​മ​ർ​ത്തി​യ​താ​ണ് യു.​എ​സ് നേ​തൃ​ത്വ​ത്തി​ൽ പ്ര​മേ​യം കൊ​ണ്ടു​വ​രാ​ൻ കാ​ര​ണം.

1946ൽ ​സ്ഥാ​പി​ത​മാ​യ​താ​ണ് ഇ​ക്കോ​സോ​ക്ക് എ​ന്ന​റി​യ​പ്പെ​ടു​ന്ന ക​മീ​ഷ​ൻ. ലോ​ക​ത്തെ എ​ല്ലാ​യി​ട​ങ്ങ​ളി​ൽ​നി​ന്നു​മു​ള്ള 45 അം​ഗ​ങ്ങ​ളെ നാ​ല് വ​ർ​ഷ​ത്തേ​ക്ക് തെ​ര​ഞ്ഞെ​ടു​ക്കു​ന്നു. 43 വോ​ട്ടു​ക​ൾ​ക്കാ​ണ് ഇ​റാ​ൻ തെ​ര​ഞ്ഞെ​ടു​ക്ക​പ്പെ​ട്ട​ത്. 2026ലാ​ണ് ഇ​റാ​ന്റെ കാ​ലാ​വ​ധി അ​വ​സാ​നി​ക്കു​ക.