ഇ​റാ​ൻ ധാ​ർ​മി​ക പൊ​ലീ​സ് പ്ര​വ​ർ​ത്ത​നം നി​ർ​ത്തി

തെ​ഹ്റാ​ൻ: ര​ണ്ടു​മാ​സ​മാ​യി തു​ട​രു​ന്ന പ്ര​ക്ഷോ​ഭ​ത്തി​നൊ​ടു​വി​ൽ ഇ​റാ​ൻ ധാ​ർ​മി​ക പൊ​ലീ​സ് പ്ര​വ​ർ​ത്ത​നം നി​ർ​ത്തി​വെ​ച്ചു. ധാ​ർ​മി​ക പൊ​ലീ​സി​ന് ജു​ഡീ​ഷ്യ​റി​യു​മാ​യി ബ​ന്ധ​മി​ല്ലെ​ന്നും അ​ത് പ്ര​വ​ർ​ത്ത​നം തു​ട​ങ്ങി​യി​ട​ത്തു​ത​ന്നെ അ​വ​സാ​നി​പ്പി​ക്കു​ന്ന​താ​യും പ്രോ​സി​ക്യൂ​ട്ട​ർ ജ​ന​റ​ൽ മു​ഹ​മ്മ​ദ് ജാ​ഫ​ർ മു​ൻ​ത​സ​രി മാ​ധ്യ​മ​ങ്ങ​ളോ​ട് പ​റ​ഞ്ഞു. അ​തേ​സ​മ​യം, വ​സ്ത്ര​ധാ​ര​ണ നി​യ​മം റ​ദ്ദാ​ക്കു​ന്ന​ത് സം​ബ​ന്ധി​ച്ച് സൂ​ച​ന​യി​ല്ല. കാ​മ​റ ദൃ​ശ്യ​ത്തി​ന്റെ അ​ടി​സ്ഥാ​ന​ത്തി​ൽ പി​ഴ ചു​മ​ത്തു​ന്ന രീ​തി അ​ധി​കൃ​ത​ർ പ​രി​ഗ​ണി​ക്കു​ന്ന​താ​യി സൂ​ച​ന​യു​ണ്ട്. വ​സ്ത്ര​ധാ​ര​ണ മ​ര്യാ​ദ പാ​ലി​ച്ചി​ല്ലെ​ന്ന് ആ​രോ​പി​ച്ച് ധാ​ർ​മി​ക പൊ​ലീ​സ് ക​സ്റ്റ​ഡി​യി​ലെ​ടു​ത്ത മ​ഹ്സ അ​മീ​നി​യെ​ന്ന യു​വ​തി മ​രി​ച്ച​തി​നെ തു​ട​ർ​ന്നാ​ണ് രാ​ജ്യ​വ്യാ​പ​ക പ്ര​ക്ഷോ​ഭം ആ​രം​ഭി​ച്ച​ത്.

400ലേ​റെ പേ​ർ കൊ​ല്ല​പ്പെ​ടു​ക​യും പ്ര​മു​ഖ​ർ അ​ട​ക്കം 14000ത്തി​ലേ​റെ പേ​ർ അ​റ​സ്റ്റി​ലാ​കു​ക​യും ചെ​യ്ത​താ​യാ​ണ് മ​നു​ഷ്യാ​വ​കാ​ശ സം​ഘ​ട​ന​ക​ളും മാ​ധ്യ​മ​ങ്ങ​ളും പ​റ​യു​ന്ന​ത്. 200ലേ​റെ പേ​രാ​ണ് മ​രി​ച്ച​തെ​ന്നാ​ണ് ഇ​റാ​ൻ സു​ര​ക്ഷ ഉ​ദ്യോ​ഗ​സ്ഥ​ർ വി​ശ​ദീ​ക​രി​ക്കു​ന്ന​ത്. അ​മേ​രി​ക്ക​യും ഇ​സ്രാ​യേ​ലു​മാ​ണ് സ​മ​ര​ക്കാ​ർ​ക്ക് പി​​ന്നി​ലെ​ന്നാ​ണ് ഇ​റാ​ൻ ഭ​ര​ണ​കൂ​ട​ത്തി​ന്റെ ആ​രോ​പ​ണം.

ക​ർ​ശ​ന ന​ട​പ​ടി സ്വീ​ക​രി​ച്ചി​ട്ടും രാ​ജ്യ​ത്തി​ന​ക​ത്തും പു​റ​ത്തും തു​ട​രു​ന്ന പ്ര​തി​ഷേ​ധ​ത്തി​ന് അ​യ​വി​ല്ലാ​ത്ത സാ​ഹ​ച​ര്യ​ത്തി​ലാ​ണ് ധാ​ർ​മി​ക പൊ​ലീ​സ് പി​രി​ച്ചു​വി​ടാ​ൻ അ​ധി​കൃ​ത​ർ തീ​രു​മാ​നി​ച്ച​ത്. ശി​രോ​വ​സ്‍ത്രം ധ​രി​ക്കാ​തെ തെ​രു​വി​ൽ പ്ര​ത്യ​ക്ഷ​പ്പെ​ടു​ന്ന സ്ത്രീ​ക​ളെ നേ​ര​ത്തേ ധാ​ർ​മി​ക പൊ​ലീ​സ് ക​സ്റ്റ​ഡി​യി​ലെ​ടു​ത്ത് 'പു​ന​ർ​വി​ദ്യാ​ഭ്യാ​സ' കേ​ന്ദ്ര​ത്തി​ൽ പാ​ർ​പ്പി​ച്ചി​രു​ന്നു. ഇ​ത്ത​ര​ത്തി​ൽ ക​സ്റ്റ​ഡി​യി​ലെ​ടു​ത്ത മ​ഹ്സ അ​മീ​നി​യെ (22) പ​ക്ഷാ​ഘാ​ത​ത്തെ തു​ട​ർ​ന്ന് അ​ടു​ത്ത ആ​ശു​പ​ത്രി​യി​ലേ​ക്ക് മാ​റ്റു​ക​യും മൂ​ന്നു​ദി​വ​സ​ത്തി​ന് ശേ​ഷം മ​രി​ക്കു​ക​യു​മാ​യി​രു​ന്നു. നേ​ര​ത്തേ​യു​ള്ള അ​സു​ഖം കാ​ര​ണ​മാ​ണ് മ​രി​ച്ച​തെ​ന്ന് അ​ധി​കൃ​ത​ർ പ​റ​യു​ന്നു​വെ​ങ്കി​ലും ക​സ്റ്റ​ഡി​യി​ൽ ക്രൂ​ര​മ​ർ​ദ​ന​ത്തി​ന് ഇ​ര​യാ​യെ​ന്നാ​ണ് കു​ടും​ബ​ത്തി​ന്റെ ആ​രോ​പ​ണം.