അ​പാ​യ സ​ന്ദേ​ശം കൈ​മാ​റാ​ൻ പോ​ലും പൈ​ല​റ്റി​ന് സാ​ധി​ച്ചില്ല; കോ​പ്റ്റ​റി​ന്റെ നി​യ​ന്ത്ര​ണ സം​വി​ധാ​നം ത​ക​രാ​റിൽ?

തെ​ഹ്റാ​ൻ: ഇറാൻ പ്രസിഡന്റ് ഇബ്രാഹിം റഈസി അടക്കം എട്ടുപേർ സഞ്ചരിച്ച ഹെലികോ​പ്റ്റ​റി​ന്റെ നി​യ​ന്ത്ര​ണ സം​വി​ധാ​നം ത​ക​രാ​റി​ലാ​യി​രു​ന്നു എ​ന്ന​നി​ല​യി​ലാ​ണ് ല​ഭ്യ​മാ​യ വി​വ​ര​ങ്ങ​ൾ ന​ൽ​കു​ന്ന സൂ​ച​ന​യെ​ന്ന് വി​മാ​ന രം​ഗ​ത്തെ വി​ദ​ഗ്ധ​നാ​യ കെ​യ്ൽ ബെ​യ്‍ലി​യെ ഉ​ദ്ധ​രി​ച്ച് ‘അ​ൽ ജ​സീ​റ’ റി​പ്പോ​ർ​ട്ട് ചെ​യ്തു. അ​തു​കൊ​ണ്ടാ​കാം അ​പാ​യ സ​ന്ദേ​ശം പോ​ലും കൈ​മാ​റാ​ൻ പൈ​ല​റ്റി​ന് സാ​ധി​ക്കാ​തി​രു​ന്ന​ത്.

പ​റ​ക്ക​ലി​നി​ടെ കോ​പ്റ്റ​റി​ന് സാ​​ങ്കേ​തി​ക ത​ക​രാ​റു​ണ്ടാ​യാ​ൽ, ​പൈ​ല​റ്റി​ന്റെ ആ​ദ്യ ദൗ​ത്യം കോ​പ്റ്റ​ർ പ​റ​ത്തു​ക​യെ​ന്ന​താ​ണ്. ആ​ശ​യ​വി​നി​മം ര​ണ്ടാ​മ​ത്തെ പ​രി​ഗ​ണ​ന​യാ​ണ്. ഈ ​കേ​സി​ൽ ആ​ശ​യ​വി​നി​മ​മൊ​ന്നും ല​ഭ്യ​മ​ല്ല. പൈ​ല​റ്റ് കോ​പ്റ്റ​ർ ലാ​ന്റ് ചെ​യ്യി​ക്കാ​നോ പ​റ​ത്താ​നോ വേ​ണ്ടി ശ്ര​ദ്ധ മു​ഴു​വ​ൻ ന​ൽ​കി​യ​താ​കാം കാ​ര​ണം.

പ​ങ്ക ത​ക​ർ​ന്ന​ത് പൈ​ല​റ്റ് ലാ​ൻ​ഡ് ചെ​യ്യാ​ൻ ​ശ്ര​മി​ച്ച​പ്പോ​ഴോ സാ​​ങ്കേ​തി​ക ത​ക​രാ​ർ മൂ​ല​മോ ആ​കാം. അ​ല്ലെ​ങ്കി​ൽ പി​ൻ​ഭാ​ഗ​ത്തെ പ​ങ്ക പ്ര​വ​ർ​ത്തി​ക്കാ​തെ വ​ന്ന​തും അ​പ​ക​ട​ത്തി​ലേ​ക്ക് ന​യി​ച്ചി​രി​ക്കാം.

ചു​ഴി​യി​ൽ​പെ​ട്ട പോ​ലെ കോ​പ്റ്റ​ർ ക​റ​ങ്ങി​യി​ട്ടു​​ണ്ടെ​ങ്കി​ൽ പി​ൻ ഭാ​ഗ​ത്തെ പ​ങ്ക​യു​ടെ പ്ര​വ​ർ​ത്ത​നം നി​ല​ച്ചി​ട്ടു​ണ്ടാ​കും. മോ​ശം കാ​ലാ​വ​സ്ഥ, പ​ർ​വ​ത പ്ര​ദേ​ശ​ത്തി​ന്റെ സ​വി​ശേ​ഷ സ്വ​ഭാ​വം തു​ട​ങ്ങി​യ​വ​യും അ​പ​ക​ട​ത്തി​ന് കാ​ര​ണ​മാ​കാം.

ഇറാൻ പ്രസിഡന്റ് ഇബ്രാഹിം റഈസിയും വിദേശകാര്യ മന്ത്രി ഹുസൈൻ അമീർ അബ്ദുല്ലഹിയാനുമടക്കം എട്ടുപേർ സഞ്ചരിച്ച ഹെലികോപ്ടർ അസർബൈജാൻ അതിർത്തിയിലെ ജുൽഫയിൽ വനമേഖലയിലെ മലമുകളിൽ തകർന്നുവീണതായി തിങ്കളാഴ്ച രാവിലെയാണ് രക്ഷാപ്രവർത്തകർ ക​ണ്ടെത്തിയത്.

കനത്ത മഞ്ഞിൽ നിയന്ത്രണം നഷ്‍ടമായ യു.എസ് നിർമിത ബെൽ 212 ഹെലികോപ്ടർ ഇടിച്ചിറങ്ങുകയായിരുന്നുവെന്നാണ് ഇറാൻ അധികൃതരുടെ വിശദീകരണം. രാജ്യത്ത് അഞ്ചുദിവസം ദുഃഖാചരണം പ്രഖ്യാപിച്ച ഇറാൻ പരമോന്നത നേതാവ് ആയത്തുല്ല അലി ഖാംനഈ, ഇടക്കാല പ്രസിഡന്റായി വൈസ് പ്രസിഡന്റ് മുഹമ്മദ് മുഖ്ബറിനെ നിയമിച്ചു. ഉപവിദേശകാര്യ മ​​ന്ത്രി അലി ബാഖിരി കനിക്ക് വിദേശകാര്യ മന്ത്രിയുടെ താൽക്കാലിക ചുമതല നൽകി. 50 ദിവസത്തിനകം തെരഞ്ഞെടുപ്പ് നടത്തി പുതിയ പ്രസിഡന്റിനെ പ്രഖ്യാപിക്കും. തിങ്കളാഴ്ച രാവിലെ അടിയന്തര മന്ത്രിസഭ യോഗം ചേർന്ന് സ്ഥിതിഗതികൾ വിലയിരുത്തി.

മൃതദേഹങ്ങൾ പോസ്റ്റ്മോർട്ടത്തിനായി തബ്രീസ് നഗരത്തിലേക്ക് മാറ്റി. റഈസിയുടെ ഭൗതികദേഹം രാജ്യ തലസ്ഥാനത്തെത്തിച്ച് ജനങ്ങൾക്ക് അന്തിമോപചാരമർപ്പിക്കാൻ അവസരം നൽകിയശേഷം ജന്മദേശമായ മശ്ഹദിലേക്ക് കൊണ്ടുപോകും. അവിടെയാകും ഖബറടക്കം.

റ​ഈ​സി​യു​ടെ കൂ​ടെ​ ഹെലികോ​പ്റ്റ​റി​ൽ ഉ​ണ്ടാ​യി​രു​ന്ന​വ​ർ

(എ​ല്ലാ​വ​രും മ​രി​ച്ചു)

● ഹു​സൈ​ൻ അ​ബ്ദു​ല്ല​ഹി​യാ​ൻ

(വി​ദേ​ശ​കാ​ര്യ മ​ന്ത്രി)

● മാ​ലി​ക് റ​ഹ്മ​ത്തി

(ഇ​റാ​ന്റെ ഈ​സ്റ്റ് അ​സ​ർ​ബൈ​ജാ​ൻ പ്ര​വി​ശ്യ ഗ​വ​ർ​ണ​ർ)

● ആ​യ​ത്തു​ല്ല മു​ഹ​മ്മ് അ​ലി അ​ൽ ഹാ​ഷിം

(പ​ര​മോ​ന്ന​ത നേ​താ​വ് അ​ലി ഖാം​ന​ഇ​യു​ടെ പ്ര​തി​നി​ധി)

● സ​ർ​ദാ​ർ സ​യ്യി​ദ് മ​ഹ്ദി മൂ​സ​വി

(പ്ര​സി​ഡ​ന്റി​ന്റെ സു​ര​ക്ഷ സം​ഘം മേ​ധാ​വി)

● കേ​ണ​ൽ സ​യ്യി​ദ് താ​ഹി​ർ മു​സ്ത​ഫാ​വി

(ഹെ​ലി​കോ​പ്ട​ർ പൈ​ല​റ്റ്)

● കേ​ണ​ൽ മു​ഹ്സി​ൻ ദ​ർ​യാ​നു​ഷ്

(സ​ഹ പൈ​ല​റ്റ്)

● മേ​ജ​ർ ബ​ഹ്റു​സ് ഗാ​ദി​മി

(വി​മാ​ന സാ​​ങ്കേ​തി​ക വി​ദ​ഗ്ധ​ൻ)