ഇറാൻ പ്രസിഡന്റ് തെരഞ്ഞെടുപ്പ്: സ്പീക്കർ മുഹമ്മദ് ഖാലിബഫും രംഗത്ത്

ദു​ബൈ: ഇ​റാ​ൻ പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ പാ​ർ​ല​മെ​ന്റ് സ്പീ​ക്ക​ർ മു​ഹ​മ്മ​ദ് ബാ​ഖി​ർ ഖാ​ലി​ബ​ഫും രംഗത്ത്. ജൂ​ൺ 28നാ​ണ് ​തെ​ര​ഞ്ഞെ​ടു​പ്പ്. പേ​ര് ര​ജി​സ്​​റ്റ​ർ ചെ​യ്യാ​നു​ള്ള അ​വ​സാ​ന ദി​ന​മാ​യി​രു​ന്ന തി​ങ്ക​ളാ​ഴ്ച​യാ​ണ് ഖാ​ലി​ബ​ഫ് നാ​മ​നി​ർ​ദേ​ശം ന​ൽ​കി​യ​ത്. അഹ്മദീ നജാദ്, അലി ലാറിജാനി, അബ്ദുൽ നാസർ ഹിമ്മതി തുടങ്ങിയവരും രംഗത്തുണ്ട്. പ്ര​സി​ഡ​ന്റാ​യി​രു​ന്ന മു​ഹ​മ്മ​ദ് റ​ഈ​സി മേ​യ് 19ന് ​ഹെ​ലി​കോ​പ്ട​ർ ദു​ര​ന്ത​ത്തി​ൽ മരിച്ചതിനെ തുടർന്നാണ് രാ​ജ്യ​ത്ത് തെ​ര​ഞ്ഞെ​ടു​പ്പ് ആ​വ​ശ്യ​മാ​യി വ​ന്ന​ത്.

ഖാ​ലി​ബ​ഫ് 2005, 2013 വർഷങ്ങളിലും പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ മ​ത്സ​രി​ച്ചി​ട്ടു​ണ്ടെ​ങ്കി​ലും വി​ജ​യി​ച്ചി​രു​ന്നി​ല്ല. 2017ൽ ആദ്യം രംഗത്തുവന്നെങ്കിലും പിന്നീട് പിന്മാറി. അ​ടു​ത്തി​ടെ​യാ​ണ് പാ​ർ​ല​മെ​ന്റ് സ്പീ​ക്ക​റാ​യ​ത്. 1980കളിൽ ഇറാഖുമായി യുദ്ധത്തിനിടെ അർധ സൈനിക വിഭാഗത്തിൽ സേവനം തുടങ്ങിയ അദ്ദേഹം റ​വ​ലൂ​ഷ​ന​റി ഗാ​ർ​ഡ് ജ​ന​റ​ലും രാ​ജ്യ​​ത്തെ പൊ​ലീ​സ് മേ​ധാ​വി​യു​മ​ട​ക്കം വി​വി​ധ പ​ദ​വി​ക​ൾ വ​ഹി​ച്ചി​ട്ടു​ണ്ട്.