ജെനിനിൽ വീണ്ടും ചോര ചിന്താൻ ഇസ്രായേൽ

ജ​റൂ​സ​ലം: പ​തി​റ്റാ​ണ്ട് മു​മ്പ് ചോ​ര വീ​ഴ്ത്തി​യ ജെ​നി​ൻ അ​ഭ​യാ​ർ​ഥി ക്യാ​മ്പി​ൽ വീ​ണ്ടും ചോ​ര​ക്കൊ​തി​യു​മാ​യി ഇ​സ്രാ​യേ​ൽ. അ​ധി​നി​വി​ഷ്ട വെ​സ്റ്റ് ബാ​ങ്ക് ന​ഗ​ര​മാ​യ ജെ​നി​നി​ലെ അ​ഭ​യാ​ർ​ഥി ക്യാ​മ്പി​ൽ ഡ്രോ​ൺ ബോം​ബി​ങ് അ​ട​ക്കം ന​ട​ത്തി വ്യാ​ഴാ​ഴ്ച ഇ​സ്രാ​യേ​ൽ തേ​ർ​വാ​ഴ്ച​യാ​യി​രു​ന്നു. 2002ൽ ​ജെ​നി​ൻ ക്യാ​മ്പ് ആ​ക്ര​മി​ച്ച് 52 ഫ​ല​സ്തീ​നി​ക​ളെ ഇ​സ്രാ​യേ​ൽ സേ​ന കൊ​ല​പ്പെ​ടു​ത്തി​യി​രു​ന്നു. അ​ന്ന് 23 സൈ​നി​ക​രെ ഇ​സ്രാ​യേ​ലി​ന് ന​ഷ്ട​മാ​വു​ക​യും ചെ​യ്തി​രു​ന്നു.

അ​ധി​നി​വി​ഷ്ട വെ​സ്റ്റ് ബാ​ങ്കി​ലെ വ​ട​ക്ക​ൻ പ്ര​ദേ​ശ​ത്തു​ള്ള ജെ​നി​ൻ ന​ഗ​ര​ത്തി​ൽ അ​തേ പേ​രി​ലാ​ണ് 14,000 ​ഫ​ല​സ്തീ​നി​ക​ൾ അ​ധി​വ​സി​ക്കു​ന്ന അ​ഭ​യാ​ർ​ഥി ക്യാ​മ്പു​ള്ള​ത്. 1948ൽ ​ഇ​സ്രാ​യേ​ൽ രാ​ഷ്ട്ര​പ്ര​ഖ്യാ​പ​നം ന​ട​ത്തി​യ​പ്പോ​ൾ പു​റം​ത​ള്ളി​യ ഫ​ല​സ്തീ​നി​ക​ൾ അ​ഭ​യം തേ​ടി​യ​ത് ഇ​വി​ടെ​യാ​യി​രു​ന്നു.

ഇ​വ​രു​ടെ അ​ടു​ത്ത ത​ല​മു​റ​യാ​ണ് ഇ​പ്പോ​ഴു​ള്ള​ത്. ജെ​നി​ൻ ക്യാ​മ്പി​ലെ ആ​ക്ര​മ​ണ​ത്തെ ഹ​മാ​സും ഇ​സ്‍ലാ​മി​ക് ജി​ഹാ​ദും അ​പ​ല​പി​ച്ചു. ഗ​സ്സ​യി​ൽ പ​രാ​ജ​യം അ​നു​ഭ​വി​ക്കു​ന്ന അ​ധി​നി​വേ​ശ​ക്കാ​ർ ജെ​നി​നി​ലും അ​തേ അ​നു​ഭ​വം നേ​രി​ടേ​ണ്ടി വ​രും. ഗ​സ്സ മു​ത​ൽ വെ​സ്റ്റ് ബാ​ങ്ക് വ​രെ​യു​ള്ള ഫ​ല​സ്തീ​നി​ക​ളു​ടെ മ​നോ​വീ​ര്യ​ത്തെ ജ​യി​ക്കാ​ൻ അ​വ​ർ​ക്ക് ക​ഴി​യി​ല്ല -ഹ​മാ​സ് പ​റ​ഞ്ഞു. ഇ​സ്രാ​യേ​ലി​ലെ അ​റ​ബ് പൗ​ര​സ​മി​തി ത​ല​വ​നും പാ​ർ​ല​മെ​ന്റ് അം​ഗ​വു​മാ​യ മു​ഹ​മ്മ​ദ് ബ​റ​ക​യെ ഇ​സ്രാ​യേ​ൽ അ​റ​സ്റ്റ് ചെ​യ്തു.