ഖാൻ യൂനുസിലെ 30 കേന്ദ്രങ്ങളിൽ ഇസ്രായേൽ ആക്രമണം

ദാ​ർ അ​ൽ ബ​ലാ​ഹ്: ഒ​​ഴി​ഞ്ഞു​പോ​ക​ണ​മെ​ന്ന് വീ​ണ്ടും ഉ​ത്ത​ര​വി​ട്ട​തി​ന് പി​ന്നാ​ലെ ഗ​സ്സ​യി​ലെ ഏ​റ്റ​വും വ​ലി​യ ര​ണ്ടാ​മ​ത്തെ പ​ട്ട​ണ​മാ​യ ഖാ​ൻ യൂ​നു​സി​ൽ ക​ന​ത്ത ആ​ക്ര​മ​ണം ന​ട​ത്തി ഇ​സ്രാ​യേ​ൽ സേ​ന. ഹ​മാ​സ് പോ​രാ​ളി​ക​ളെ​യും ആ​യു​ധ സം​ഭ​ര​ണ കേ​ന്ദ്ര​ങ്ങ​ളും ല​ക്ഷ്യ​മി​ട്ടാ​ണ് ആ​ക്ര​മ​ണം ന​ട​ത്തു​​ന്ന​തെ​ന്നാ​ണ് വി​ശ​ദീ​ക​ര​ണം. മ​ണി​ക്കൂ​റു​ക​ൾ​ക്കു​ള്ളി​ൽ 30 പ്ര​ദേ​ശ​ങ്ങ​ളി​ൽ ഇ​സ്രാ​യേ​ൽ സേ​ന ഷെ​ൽ ആ​ക്ര​മ​ണം ന​ട​ത്തി. ഹ​മാ​സി​ന്റെ കെ​ട്ടി​ട​ങ്ങ​ളി​ലും തു​ര​ങ്ക​ങ്ങ​ളി​ലും പ​രി​ശോ​ധ​ന ന​ട​ത്തി​യ​താ​യും വ്യോ​മ, ക​ര ആ​ക്ര​മ​ണ​ങ്ങ​ൾ ന​ട​ത്തി​യ​താ​യും സൈ​ന്യം അ​റി​യി​ച്ചു. ഇ​സ്മാ​ഈ​ൽ ഹ​നി​യ്യ​ക്കു​ശേ​ഷം ഹ​മാ​സി​ന്റെ ചു​മ​ത​ല ​ഏ​റ്റെ​ടു​ത്ത യ​ഹ്‍യ സി​ൻ​വാ​ർ ഖാ​ൻ യൂ​നു​സി​ൽ തു​ര​ങ്ക​ത്തി​ൽ ഒ​ളി​വി​ൽ ക​ഴി​യു​ന്നു​ണ്ടെ​ന്നാ​ണ് ഇ​സ്രാ​യേ​ലും യു.​എ​സും ആ​രോ​പി​ക്കു​ന്ന​ത്.

ക​ഴി​ഞ്ഞ ദി​വ​സം എ​ക്സി​ലാ​ണ് ഇ​സ്രാ​യേ​ൽ സേ​ന ഖാ​ൻ യൂ​നു​സ് വാ​സി​ക​ൾ​ക്ക് ഒ​ഴി​പ്പി​ക്ക​ൽ ഉ​ത്ത​ര​വ് ന​ൽ​കി​യ​ത്. മൊ​ബൈ​ൽ ഫോ​ണി​ൽ മെ​സേ​ജ് ല​ഭി​ച്ച​തോ​ടെ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ സം​ര​ക്ഷി​ത മേ​ഖ​ല​യാ​യ അ​ൽ മ​വാ​സി​യി​ലേ​ക്ക് പ​ലാ​യ​നം ചെ​യ്തു. നി​ല​വി​ൽ അ​ഭ​യാ​ർ​ഥി​ക​ൾ തി​ങ്ങി​പ്പാ​ർ​ക്കു​ന്ന സ്ഥ​ല​മാ​ണ് അ​ൽ മ​വാ​സി. ര​ണ്ടാ​ഴ്ച മു​മ്പ് ഖാ​ൻ യൂ​നു​സി​ൽ തി​രി​ച്ചെ​ത്തി​യ അ​ഭ​യാ​ർ​ഥി​ക​ളാ​ണ് വീ​ണ്ടും പ​ലാ​യ​നം ചെ​യ്ത​ത്. ഇ​സ്രാ​യേ​ൽ സൈ​നി​ക ന​ട​പ​ടി​യി​ൽ വി​ല​പ്പെ​ട്ട​തെ​ല്ലാം ന​ഷ്ട​പ്പെ​ട്ട ഇ​വ​രി​ൽ ഭൂ​രി​ഭാ​ഗ​വും ഇ​തി​ന​കം ആ​റ് ത​വ​ണ​യി​ലേ​റെ പ​ലാ​യ​നം ചെ​യ്തു.

ഗ​സ്സ​യി​ലെ അ​ഞ്ചു​ല​ക്ഷ​ത്തി​ലേ​റെ അ​ഭ​യാ​ർ​ഥി​ക​ൾ ക​ടു​ത്ത ഭ​ക്ഷ്യ​ക്ഷാ​മം നേ​രി​ടു​ന്ന​താ​യാ​ണ് ഐ​ക്യ​രാ​ഷ്ട്ര സ​ഭ ഏ​ജ​ൻ​സി പ​റ​യു​ന്ന​ത്. മാ​ലി​ന്യ ശു​ചീ​ക​ര​ണ സം​വി​ധാ​നം താ​റു​മാ​റാ​കു​ക​യും രോ​ഗ​ങ്ങ​ൾ പ​ര​ക്കു​ക​യും ചെ​യ്ത​തോ​ടെ ഗു​രു​ത​ര പ്ര​തി​സ​ന്ധി​യാ​ണ് മേ​ഖ​ല നേ​രി​ടു​ന്ന​ത്. ഗ​സ്സ​യി​ൽ ഇ​തു​വ​രെ 39,699 പേ​ർ കൊ​ല്ല​പ്പെ​ടു​ക​യും 91,722 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്.