റെ​ഡ് ക്രോ​സ് മെ​ഡി​ക്ക​ൽ ട്ര​ക്കി​നു​നേ​രെ ഇ​സ്രാ​യേ​ൽ ആ​ക്ര​മ​ണം

ഗ​സ്സ: ദ​ക്ഷി​ണ ഗ​സ്സ​യി​ൽ റെ​ഡ് ക്രോ​സ് മെ​ഡി​ക്ക​ൽ ട്ര​ക്കി​നു​നേ​രെ ഇ​സ്രാ​യേ​ൽ ആ​ക്ര​മ​ണം. അ​ൽ ഖു​ദ്സ് ആ​ശു​പ​ത്രി​യി​ലേ​ക്കു​ള്ള മെ​ഡി​ക്ക​ൽ ഉ​പ​ക​ര​ണ​ങ്ങ​ളു​മാ​യി പോ​കു​ന്ന ത​ങ്ങ​ളു​ടെ ​വാ​ഹ​ന​ങ്ങ​ൾ​ക്കു​നേ​രെ​യാ​ണ് ഇ​സ്രാ​യേ​ൽ വ്യോ​മാ​ക്ര​മ​ണ​മു​ണ്ടാ​യ​തെ​ന്ന് റെ​ഡ്ക്രോ​സ് അ​റി​യി​ച്ചു.

• ഗ​സ്സ​യി​ൽ ക​ര​യാ​ക്ര​മ​ണം തു​ട​ങ്ങി​യ ശേ​ഷം 130 തു​ര​ങ്ക ക​വാ​ട​ങ്ങ​ൾ ത​ക​ർ​ത്ത​താ​യി ഇ​സ്രാ​യേ​ൽ അ​വ​കാ​ശ​പ്പെ​ട്ടു.

• ഗ​സ്സ​യി​ൽ സാ​ധാ​ര​ണ​ക്കാ​രെ കൊ​ന്നൊ​ടു​ക്കു​ന്ന ഇ​സ്രാ​യേ​ൽ ക്രൂ​ര​ത തു​ട​ർ​ന്നാ​ൽ പ​ശ്ചി​മേ​ഷ്യ​യാ​കെ വ്യാ​പി​ക്കു​ന്ന യു​ദ്ധ​മാ​കും അ​ന​ന്ത​ര​ഫ​ല​മെ​ന്ന് ല​ബ​നാ​നി​ലെ ഹി​സ്ബു​ല്ല മു​ന്ന​റി​യി​പ്പ് ന​ൽ​കി. വ​ള​രെ അ​പ​ക​ട​ക​ര​മാ​യ സാ​ഹ​ച​ര്യ​മാ​യി​രി​ക്കും ഇ​ത് സൃ​ഷ്ടി​ക്കു​ക​യെ​ന്നും സം​ഘ​ട​ന​യു​ടെ ര​ണ്ടാ​മ​നാ​യ ശൈ​ഖ് ന​ഈം ഖാ​സിം ബൈ​റൂ​ത്തി​ൽ ബി.​ബി.​സി​യോ​ട് പ​റ​ഞ്ഞു.

• ഒ​ക്ടോ​ബ​ർ ഏ​ഴി​​നു​ശേ​ഷം ത​ങ്ങ​ളു​ടെ 99 ജീ​വ​ന​ക്കാ​ർ കൊ​ല്ല​പ്പെ​ട്ട​താ​യി ഗ​സ്സ​യി​ലെ അ​ഭ​യാ​ർ​ഥി​ക​ൾ​ക്കാ​യു​ള്ള യു.​എ​ൻ റി​ലീ​ഫ് ആ​ൻ​ഡ് വ​ർ​ക്സ് ഏ​ജ​ൻ​സി അ​റി​യി​ച്ചു.

• റാ​മ​ല്ല​യി​ലെ അ​മാ​റി ക്യാ​മ്പി​ൽ ഇ​സ്രാ​യേ​ൽ സൈ​ന്യം അ​തി​ക്ര​മം ന​ട​ത്തി. നി​ര​വ​ധി പേ​ർ​ക്ക് പ​രി​ക്കേ​റ്റു.

• ബ​ത്​​ല​ഹേ​മി​ൽ ഫ​ല​സ്തീ​നി​​യെ ഇ​സ്രാ​യേ​ൽ സേ​ന വെ​ടി​വെ​ച്ചു കൊ​ന്നു.

• പി​ടി​കൂ​ടു​ന്ന ഫ​ല​സ്തീ​നി​ക​ളെ മ​ർ​ദി​ക്കു​ന്ന​തി​ന്റെ​യും അ​വ​ഹേ​ളി​ക്കു​ന്ന​തി​ന്റെ​യും ദൃ​ശ്യ​ങ്ങ​ൾ ഇ​സ്രാ​യേ​ൽ സൈ​നി​ക​ർ​ത​ന്നെ പ​ക​ർ​ത്തി പ്ര​ച​രി​പ്പി​ക്കു​ന്നു.

• ഗ​സ്സ​യി​ൽ വെ​ടി​നി​ർ​ത്ത​ൽ ആ​വ​ശ്യ​പ്പെ​ട്ട് യു.​എ​സ് ഏ​ജ​ൻ​സി ഫോ​ർ ഇ​ന്റ​ർ​നാ​ഷ​ന​ൽ ഡെ​വ​ല​പ്മെ​ന്റി​ന്റെ (യു.​എ​സ് എ​യ്ഡ്) ആ​യി​ര​ത്തി​ലേ​റെ ജീ​വ​ന​ക്കാ​ർ ഒ​പ്പി​ട്ട ക​ത്ത് പു​റ​ത്തി​റ​ക്കി.

• ഇ​സ്രാ​യേ​ൽ ആ​ക്ര​മ​ണ​ത്തി​ൽ ജോ ​ബൈ​ഡ​ന്റെ നി​ല​പാ​ടി​നെ എ​തി​ർ​ക്കു​ന്ന യു​വ ഡെ​മോ​ക്രാ​റ്റ് വോ​ട്ട​ർ​മാ​രു​ടെ എ​ണ്ണം ഇ​ര​ട്ടി​യാ​യ​താ​യി മേ​രി​ലാ​ൻ​ഡ് സ​ർ​വ​ക​ലാ​ശാ​ല ന​ട​ത്തി​യ സ​ർ​വേ. ഇ​സ്രാ​യേ​ലി​ന് പി​ന്തു​ണ ന​ൽ​കു​ന്ന ബൈ​ഡ​ന്റെ പി​ന്തു​ണ യു.​എ​സിൽ കു​റ​ഞ്ഞു​വ​രു​ക​യാ​ണ്.