വെ​സ്റ്റ് ബാ​ങ്കി​ൽ അ​തി​ക്ര​മം തു​ട​ർ​ന്ന് ഇ​സ്രാ​യേ​ൽ

ജെ​നി​ൻ: ഗ​സ്സ​യി​ൽ യു​ദ്ധം പു​ന​രാ​രം​ഭി​ക്കു​മെ​ന്ന ഭീ​ഷ​ണി​ക്കി​ടെ അ​ധി​നി​വി​ഷ്ട വെ​സ്റ്റ് ബാ​ങ്കി​ൽ അ​തി​ക്ര​മം വ്യാ​പി​പ്പി​ച്ച് ഇ​സ്രാ​യേ​ൽ. നാ​ലു ദി​വ​സ​മാ​യി ഉ​പ​രോ​ധ​ത്തി​ൽ ക​ഴി​യു​ന്ന നൂ​ർ ശം​സ് അ​ഭ​യാ​ർ​ഥി ക്യാ​മ്പി​ൽ ക​ഴി​യു​ന്ന​വ​രോ​ട് ഒ​ഴി​ഞ്ഞു​പോ​കാ​ൻ ഇ​സ്രാ​യേ​ൽ സൈ​ന്യം നി​ർ​ദേ​ശം ന​ൽ​കി. അ​ൽ അ​യാ​ദ​യി​ലെ പ​ള്ളി​യു​ടെ ഉ​ച്ച​ഭാ​ഷി​ണി​യി​ലൂ​ടെ​യാ​ണ് ഉ​ത്ത​ര​വ് പു​റ​പ്പെ​ടു​വി​ച്ച​ത്. അ​തി​നി​ടെ, കെ​ട്ടി​ട​ങ്ങ​ളും വീ​ടു​ക​ളും ത​ക​ർ​ക്ക​ലും താ​മ​സ​ക്കാ​രെ ആ​ക്ര​മി​ക്ക​ലും അ​റ​സ്റ്റും തു​ട​രു​ക​യാ​ണ്.

ന​ബ്‍ലു​സി​ന് സ​മീ​പം ഹു​വാ​ര പ​ട്ട​ണ​ത്തി​ലെ മൂ​ന്ന് വി​ദ്യാ​ർ​ഥി​ക​ളെ ഇ​സ്രാ​യേ​ൽ സൈ​നി​ക​ർ ആ​ക്ര​മി​ച്ചു. ബെ​ത്‌​ല​ഹേ​മി​ന് തെ​ക്ക് അ​ൽ ഖാ​ദ​ർ പ​ട്ട​ണ​ത്തി​ൽ ക​ണ്ണീ​ർ​വാ​ത​ക​വും ശ​ബ്ദ​ബോം​ബും പ്ര​യോ​ഗി​ച്ച​തി​നെ​ത്തു​ട​ർ​ന്ന് നി​ര​വ​ധി വി​ദ്യാ​ർ​ഥി​ക​ൾ​ക്ക് പ​രി​ക്കേ​റ്റു.

തു​ബാ​സി​ന് വ​ട​ക്കു​ള്ള അ​ക്കാ​ബ പ​ട്ട​ണ​ത്തി​ലും സൈ​ന്യം അ​തി​ക്ര​മി​ച്ചു​ക​യ​റി. ബു​ൾ​ഡോ​സ​റു​ക​ളും യ​ന്ത്ര​ങ്ങ​ളും ഉ​പ​യോ​ഗി​ച്ച് കൃ​ഷി​ഭൂ​മി ന​ശി​പ്പി​ക്കു​ക​യും ഗ്രാ​മ​ത്തി​ലെ സം​ര​ക്ഷ​ണ ഭി​ത്തി ത​ക​ർ​ക്കു​ക​യും ചെ​യ്തു. കി​ഴ​ക്ക​ൻ ജ​റൂ​സ​ല​മി​ന് വ​ട​ക്കു​കി​ഴ​ക്കു​ള്ള അ​ൽ​ഇ​സാ​വി​യ പ​ട്ട​ണ​ത്തി​ലും പ​ട്ടാ​ള​ക്കാ​ർ വീ​ടു​ക​ളി​ൽ അ​തി​ക്ര​മി​ച്ചു​ക​യ​റി പ​രി​ശോ​ധ​ന ന​ട​ത്തി. അ​ദ്ദ​ഹ്‍രി​യ​യി​ൽ ഇ​​സ്രാ​യേ​ൽ ന​ട​ത്തി​യ വെ​ടി​വെ​പ്പി​ൽ യു​വാ​വി​ന് പ​രി​ക്കേ​റ്റു. ഗ​സ്സ​യി​ൽ ഡ്രോ​ൺ പ​റ​ത്തി​യ ര​ണ്ടു​പേ​രെ ആ​ക്ര​മി​ച്ച​താ​യി സൈ​ന്യം അ​റി​യി​ച്ചു. 24 മ​ണി​ക്കൂ​റി​നി​ടെ ഗ​സ്സ​യി​ൽ ഒ​രു ഫ​ല​സ്തീ​നി കൊ​ല്ല​പ്പെ​ടു​ക​യും ഒ​മ്പ​തു​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

ഈ​മാ​സം ഇ​ന്ന​ലെ വ​രെ 414 രോ​ഗി​ക​ളെ​യും 588 സ​ഹാ​യി​ക​ളെ​യും ഗ​സ്സ​യി​ൽ​നി​ന്ന് ഒ​ഴി​പ്പി​ച്ച​താ​യി ലോ​കാ​രോ​ഗ്യ സം​ഘ​ട​ന അ​റി​യി​ച്ചു. അ​തി​നി​ടെ ഇ​സ്രാ​യേ​ലി കു​ടി​യേ​റ്റ​ക്കാ​ർ മു​സ്‍ലിം​ക​ൾ​ക്കു മാ​ത്രം പ്രാ​ർ​ഥ​ന​ക്ക് അ​നു​വാ​ദ​മു​ള്ള ജ​റൂ​സ​ല​മി​ലെ അ​ൽ​അ​ഖ്‌​സ മ​സ്ജി​ദ് വ​ള​പ്പി​ൽ ക​ട​ന്ന് ജൂ​ത ആ​ചാ​ര​ങ്ങ​ൾ ന​ട​ത്തി. അ​തേ​സ​മ​യം, വെ​ടി​നി​ർ​ത്ത​ൽ ക​രാ​ർ ന​ട​പ്പാ​ക്കു​ന്ന​ത് സം​ബ​ന്ധി​ച്ച് ച​ർ​ച്ച ചെ​യ്യാ​ൻ ഖ​ലീ​ൽ അ​ൽ ഹ​യ്യ​യു​ടെ നേ​തൃ​ത്വ​ത്തി​ലു​ള്ള ഹ​മാ​സ് പ്ര​തി​നി​ധി സം​ഘം ഈ​ജി​പ്ഷ്യ​ൻ ത​ല​സ്ഥാ​ന​മാ​യ കൈ​റോ​യി​ൽ എ​ത്തി.

ഗ​സ്സ: ട്രം​പി​ന്റെ കു​ടി​യൊ​ഴി​പ്പി​ക്ക​ൽ നി​ർ​ദേ​ശം ത​ള്ളി ജോ​ർ​ഡ​ൻ രാ​ജാ​വ്

വാ​ഷി​ങ്ട​ൺ: ഗ​സ്സ പി​ടി​ച്ചെ​ടു​ക്കാ​നും ഫ​ല​സ്തീ​നി​ക​ളെ കു​ടി​യൊ​ഴി​പ്പി​ക്കാ​നു​മു​ള്ള അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ നി​ർ​ദേ​ശം ത​ള്ളി ജോ​ർ​ഡ​ൻ രാജാവ് അ​ബ്​​ദു​ല്ല രണ്ടാമൻ. വൈ​റ്റ് ഹൗ​സി​ൽ ട്രം​പു​മാ​യി ന​ട​ന്ന കൂ​ടി​ക്കാ​ഴ്ച​ക്കു ശേ​ഷം എ​ക്സി​ൽ എ​ഴു​തി​യ കു​റി​പ്പി​ലാ​ണ് അ​ബ്ദു​ല്ല രാ​ജാ​വ് നി​ല​പാ​ട് ആ​വ​ർ​ത്തി​ച്ച​ത്.

ഗ​സ്സ​യി​ൽ​നി​ന്നും വെ​സ്റ്റ് ബാ​ങ്കി​ൽ​നി​ന്നും ഫ​ല​സ്തീ​നി​ക​ളെ കു​ടി​യി​റ​ക്കാ​നു​ള്ള നീ​ക്ക​ത്തി​ന് എ​തി​രാ​യ നി​ല​പാ​ടി​ൽ ജോ​ർ​ഡ​ൻ ഉ​റ​ച്ചു​നി​ൽ​ക്കു​ന്ന​താ​യും ഇ​താ​ണ് അ​റ​ബ് ലോ​ക​ത്തി​ന്റെ നി​ല​പാ​ടെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം, ഗ​സ്സ​യി​ൽ​നി​ന്ന് വൈ​ദ്യ​സ​ഹാ​യം ആ​വ​ശ്യ​മു​ള്ള 2000 ഫ​ല​സ്തീ​ൻ കു​ട്ടി​ക​ളെ സ്വീ​ക​രി​ക്കാ​ൻ അ​ദ്ദേ​ഹം സ​ന്ന​ദ്ധ​ത പ്ര​ക​ടി​പ്പി​ച്ചു. ഗ​സ്സ പു​ന​ർ​നി​ർ​മി​ക്കു​ന്ന​തി​നും മാ​നു​ഷി​ക പ്ര​തി​സ​ന്ധി പ​രി​ഹ​രി​ക്കു​ന്ന​തി​നു​മാ​ണ് മു​ൻ​ഗ​ണ​ന ന​ൽ​കേ​ണ്ട​തെ​ന്നും അ​ദ്ദേ​ഹം പ​റ​ഞ്ഞു. അ​ധി​കാ​ര​മേ​റ്റ ശേ​ഷം ട്രം​പി​നെ സ​ന്ദ​ർ​ശി​ക്കു​ന്ന ആ​ദ്യ അ​റ​ബ് നേ​താ​വാ​ണ് അ​ബ്ദു​ല്ല രാ​ജാ​വ്.