നാ​ലു ബ​ന്ദി​ക​ളെ മോ​ചി​പ്പി​ക്കാ​ൻ മൂ​ന്നു ബ​ന്ദി​ക​ളെ ഇ​സ്രാ​യേ​ൽ കൊ​ന്നു - ഹ​മാ​സ് നേതാവ് ഉസാമ ഹംദാൻ

ബെ​യ്റൂ​ത്: ത​ങ്ങ​ൾ ബ​ന്ദി​ക​ളാ​ക്കി​യ​വ​രി​ൽ എ​ത്ര​പേ​ർ ഇ​സ്രാ​യേ​ൽ സൈ​ന്യ​ത്തി​ന്റെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടു​​വെ​ന്നും ബാ​ക്കി എ​ത്ര​പേ​ർ ഇ​പ്പോ​ഴും ജീ​വ​നോ​ടെ അ​വ​ശേ​ഷി​ക്കു​ന്നു​ണ്ടെ​ന്നും വ്യ​ക്ത​മ​ല്ലെ​ന്ന് ഹ​മാ​സ് വ​ക്താ​വും പൊ​ളി​റ്റി​ക്ക​ൽ ബ്യൂ​റോ അം​ഗ​വു​മാ​യ ഉ​സാ​മ ഹം​ദാ​ൻ. സ്ത്രീ​ക​ളെ​യും കു​ട്ടി​ക​ളെ​യും കൂ​ട്ട​ത്തോ​ടെ കൊ​ല​പ്പെ​ടു​ത്തു​ന്ന ഇ​സ്രാ​യേ​ൽ സേ​ന​യു​ടെ ആ​ക്ര​മ​ണ​ത്തി​ൽ നി​ര​വ​ധി ബ​ന്ദി​ക​ൾ​ക്കും ജീ​വ​ൻ ന​ഷ്ട​മാ​യ​താ​യി അ​ദ്ദേ​ഹം ല​ബ​നീ​സ് ത​ല​സ്ഥാ​ന​മാ​യ ബെ​യ്‌​റൂ​ത്തി​ൽ സി.​എ​ൻ.​എ​ൻ ചാ​ന​ലി​ന് ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞു.

ക​ഴി​ഞ്ഞ ശ​നി​യാ​ഴ്ച ഗ​സ്സ​യി​ലെ നു​സൈ​റാ​ത്തി​ൽ​നി​ന്ന് നാ​ല് ബ​ന്ദി​ക​ളെ മോ​ചി​പ്പി​ക്കാ​ൻ ഇ​സ്രാ​യേ​ൽ ന​ട​ത്തി​യ ഓ​പ​റേ​ഷ​നി​ടെ അ​മേ​രി​ക്ക​ൻ പൗ​ര​ൻ ഉ​ൾ​പ്പെ​ടെ മൂ​ന്ന് ബ​ന്ദി​ക​ൾ കൊ​ല്ല​പ്പെ​ട്ട​താ​യും അ​ദ്ദേ​ഹം പ​റ​ഞ്ഞു. കു​ഞ്ഞു​ങ്ങ​ളും സ്ത്രീ​ക​ളു​മ​ട​ക്കം 260ലേ​റെ ഫ​ല​സ്തീ​നി​ക​ളെ​യും ഇ​സ്രാ​യേ​ൽ സേ​ന അ​ന്ന് കൊ​ല​പ്പെ​ടു​ത്തി​യി​രു​ന്നു. നോ​ആ അ​റ​ഗാ​മി (25), ആ​ൽ​മോ​ങ് മെ​യ​ർ (21), ആ​ന്ദ്രേ കോ​സ്ലോ​വ് (27), ഷ​ലോ​മി സി​വ് (40) എ​ന്നി​വ​രെ​യാ​ണ് ക​ര, നാ​വി​ക, വ്യോ​മ സൈ​നി​ക നീ​ക്ക​ത്തി​ലൂ​ടെ ഇ​സ്രാ​യേ​ൽ മോ​ചി​പ്പി​ച്ച​ത്. ഗ​സ്സ​യി​ൽ ക​ഴി​യു​ന്ന 100ല​ധി​കം ബ​ന്ദി​ക​ളി​ൽ 70ലേ​റെ പേ​ർ ജീ​വ​നോ​ടെ​യു​ണ്ടെ​ന്നാ​ണ് ഇ​സ്രാ​യേ​ൽ ക​രു​തു​ന്ന​ത്. എ​ന്നാ​ൽ, എ​ത്ര​പേ​ർ ജീ​വി​ച്ചി​രി​പ്പു​ണ്ടെ​ന്ന് ത​നി​ക്ക് അ​റി​യി​ല്ലെ​ന്ന് സി.​എ​ൻ.​എ​ന്നി​നോ​ട് സം​സാ​രി​ക്ക​വെ ഹം​ദാ​ൻ പ​റ​ഞ്ഞു. മൂ​ന്നു ഘ​ട്ട വെ​ടി​നി​ർ​ത്ത​ലി​ൽ ശാ​ശ്വ​ത യു​ദ്ധ​വി​രാ​മം നി​ർ​ദേ​ശി​ക്കു​ന്ന ര​ണ്ടാം​ഘ​ട്ടം ന​ട​പ്പാ​ക്കാ​ൻ ഇ​സ്രാ​യേ​ൽ ഉ​ദ്ദേ​ശി​ക്കു​ന്നി​ല്ലെ​ന്നും അ​തി​ന് അ​വ​രെ അം​ഗീ​ക​രി​പ്പി​ക്കാ​ൻ അ​മേ​രി​ക്ക ഇ​തു​വ​രെ ശ്ര​മി​ച്ചി​ട്ടി​ല്ലെ​ന്നും ഹം​ദാ​ൻ പ​റ​ഞ്ഞു.

ബ​ന്ദി​ക​ളെ വി​ട്ട​യ​ക്ക​ണ​മെ​ങ്കി​ൽ ശാ​ശ്വ​ത വെ​ടി​നി​ർ​ത്ത​ലും ഗ​സ്സ​യി​ൽ​നി​ന്ന് ഇ​സ്രാ​യേ​ൽ സേ​ന​യെ പൂ​ർ​ണ​മാ​യി പി​ൻ​വ​ലി​ക്കു​ന്ന​തും ഫ​ല​സ്തീ​നി ത​ട​വു​കാ​രു​ടെ മോ​ച​ന​വും ഉ​റ​പ്പാ​ക്ക​ണം. ത​ട​വു​കാ​രു​ടെ കൈ​മാ​റ്റം, ഗ​സ്സ​യി​ൽ​നി​ന്ന് പൂ​ർ​ണ​മാ​യി പി​ൻ​വാ​ങ്ങ​ൽ, ഗ​സ്സ പു​ന​ർ​നി​ർ​മാ​ണം, ഉ​പ​രോ​ധം അ​വ​സാ​നി​പ്പി​ക്ക​ൽ, ഗ​സ്സ​യു​ടെ ഭ​ര​ണ​ത്തി​ൽ ഫ​ല​സ്തീ​നി​ക​ൾ​ക്ക് സ്വ​യം നി​ർ​ണ​യാ​വ​കാ​ശം എ​ന്നീ കാ​ര്യ​ങ്ങ​ളി​ൽ ഇ​സ്രാ​യേ​ൽ നി​ല​പാ​ട് വ്യ​ക്ത​മാ​ക്കി​യാ​ൽ മാ​​ത്ര​മേ ബ​ന്ദി​മോ​ച​ന ച​ർ​ച്ച ഫ​ല​വ​ത്താ​കൂ. എ​ന്നാ​ൽ, ക​ഴി​ഞ്ഞ മാ​സം അ​വ​സാ​നം യു.​എ​സ് പ്ര​സി​ഡ​ൻ​റ് ജോ ​ബൈ​ഡ​ൻ പ്ര​ഖ്യാ​പി​ച്ച പ​ദ്ധ​തി​യി​ൽ ഹ​മാ​സ് ഉ​ന്ന​യി​ച്ച ആ​വ​ശ്യ​ങ്ങ​ൾ ഉ​ൾ​പ്പെ​ട്ടി​ട്ടി​​ല്ലെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി.