രണ്ട് ഫലസ്തീനികളെ വധിച്ച് ഇസ്രായേൽ
text_fieldsവെസ്റ്റ് ബാങ്കിലെ തുൽക്കറെമിന് സമീപമുള്ള നൂർ ഷംസ് അഭയാർത്ഥി ക്യാമ്പിൽ ഇസ്രായേൽ നടത്തിയ ആക്രമണത്തിന് ശേഷമുള്ള കാഴ്ച (Issam Rimawi)
വെസ്റ്റ് ബാങ്ക്: അധിനിവിഷ്ട വെസ്റ്റ് ബാങ്കിൽ രണ്ട് ഫലസ്തീനികളെ വധിച്ച് ഇസ്രായേൽ സൈന്യം. തുൽകരീമിലെ നൂർ ശംസ് അഭയാർഥി ക്യാമ്പിൽ റെയ്ഡിനെത്തിയ സൈനികരെ ഫലസ്തീനികൾ ചെറുക്കുകയും സൈന്യം വെടിവെക്കുകയുമായിരുന്നു.
ആസിദ് അബൂ അലി (21), അബ്ദുറഹ്മാൻ അബൂ ദഗാഷ് (32) എന്നിവരാണ് കൊല്ലപ്പെട്ടത്. അഭയാർഥി ക്യാമ്പിലെ അടിസ്ഥാന സൗകര്യങ്ങൾ വലിയ തോതിൽ ഇസ്രായേൽ സൈന്യം നശിപ്പിച്ചു. 2006നുശേഷമുള്ള ഏറ്റവും വലിയ സംഘർഷാവസ്ഥയിലൂടെയാണ് മേഖല കടന്നുപോകുന്നത്.
ഈ വർഷം ഇതുവരെ 200ലേറെ ഫലസ്തീനികളും 35 ഇസ്രായേൽ പൗരന്മാരും കൊല്ലപ്പെട്ടു. അഭയാർഥി ക്യാമ്പുകളിൽ അടക്കം സ്ഥിരമായി ഇസ്രായേൽ സൈന്യം നടത്തുന്ന റെയ്ഡുകളും കുടിയേറ്റ വ്യാപനവും ഇതിനോടുള്ള ഫലസ്തീനികളുടെ ചെറുത്തുനിൽപുമാണ് സംഘർഷത്തിനിടയാക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.