ബന്ദികൾ, കര ആ​ക്രമണം: ഇസ്രായേലിന്‍റെ സാധ്യതകളും പ്രതിസന്ധിയും

ശ​ത്രു​വി​ന്‍റെ പി​ടി​യി​ലാ​കു​ന്ന​ത്​ സൈ​നി​ക​നാ​യാ​ലും സി​വി​ലി​യ​നാ​യാ​ലും എ​ത്ര വ​ലി​യ വി​ല ന​ൽ​കി​യും മോ​ചി​പ്പി​ക്കു​ക​യാ​ണ്​ ഇ​സ്രാ​യേ​ലി​ന്‍റെ എ​ക്കാ​ല​ത്തെ​യും ന​യം. അ​തി​നാ​യി ച​തു​രു​പാ​യ​ങ്ങ​ളും അ​വ​ർ പ്ര​യോ​ഗി​ക്കും. ശ​ത്രു​വി​നെ സ​മ്മ​ർ​ദ​ത്തി​ലാ​ക്കാ​നു​ള്ള ത​ന്ത്ര​ങ്ങ​ളൊ​ന്നും വി​ജ​യി​ക്കു​ന്നി​ല്ലെ​ങ്കി​ൽ മാ​ത്രം അ​വ​രു​ടെ ആ​വ​ശ്യ​ങ്ങ​ൾ അം​ഗീ​ക​രി​ക്കും. ജീ​വ​നോ​ടെ ഉ​​ണ്ടെ​ന്ന്​ ഉ​റ​പ്പു​ള്ള​വ​ർ​ക്കു​വേ​ണ്ടി മാ​ത്ര​മ​ല്ല, മൃ​ത​ദേ​ഹ ഭാ​ഗ​ങ്ങ​ൾ​ക്കു​വേ​ണ്ടി പോ​ലും ഇ​ത്ത​രം വി​ട്ടു​വീ​ഴ്ച​ക​ൾ ഇ​സ്രാ​യേ​ൽ ന​ട​ത്തി​യി​ട്ടു​ണ്ട്. ഓ​രോ പൗ​ര​ന്‍റെ​യും ജീ​വ​ന്​ ത​ങ്ങ​ൾ അ​ത്ര​യും വി​ല​മ​തി​ക്കു​ന്നു​വെ​ന്ന്​ രാ​ഷ്ട്ര​ത്തി​നും സൈ​ന്യ​ത്തി​നും ന​ൽ​കു​ന്ന സ​​​ന്ദേ​ശ​മാ​ണ​ത്.

1976 ജൂ​ലൈ​യി​ൽ തെ​ൽ​അ​വീ​വി​ൽ​നി​ന്ന്​ പാ​രി​സി​ലേ​ക്ക്​ പ​റ​ന്ന എ​യ​ർ ഫ്രാ​ൻ​സി​ന്‍റെ വി​മാ​നം പോ​പു​ല​ർ ഫ്ര​ണ്ട്​ ഫോ​ർ ദ ​ലി​ബ​റേ​ഷ​ൻ ഓ​ഫ്​ ഫ​ല​സ്തീ​ൻ (പി.​എ​ഫ്.​എ​ൽ.​പി) എ​ന്ന സാ​യു​ധ സം​ഘ​ട​ന ഹൈ​ജാ​ക്​ ചെ​യ്തു. ഈ ​വി​മാ​ന​ത്തി​ലെ 246 യാ​ത്ര​ക്കാ​രി​ൽ ബ​ഹു​ഭൂ​രി​പ​ക്ഷ​വും ഇ​സ്രാ​യേ​ലി​ക​ളാ​യി​രു​ന്നു. ഇ​സ്രാ​യേ​ലി​ലും മ​റ്റു​രാ​ജ്യ​ങ്ങ​ളി​ലും ത​ട​വി​ൽ ക​ഴി​യു​ന്ന 40ലേ​റെ ഫ​ല​സ്തീ​ൻ നേ​താ​ക്ക​ളെ വി​ട്ട​യ​ക്ക​ണ​മെ​ന്നാ​യി​രു​ന്നു പി.​എ​ഫ്.​എ​ൽ.​പി​യു​ടെ ആ​വ​ശ്യം. യു​ഗാ​ണ്ട​യി​ലെ എ​ന്‍റ​ബി വി​മാ​ന​ത്താ​വ​ള​ത്തി​ൽ ഇ​റ​ക്കി​യ വി​മാ​ന​ത്തി​ലേ​ക്ക്​ ഇ​സ്രാ​യേ​ലി​ന്‍റെ പ്ര​ത്യേ​ക ക​മാ​​ൻ​ഡോ യൂ​നി​റ്റ്​ ഇ​​ര​ച്ചു​ക​യ​റി. മൂ​ന്നു ബ​ന്ദി​ക​ൾ ഒ​ഴി​കെ എ​ല്ലാ​വ​രെ​യും ര​ക്ഷി​ച്ചെ​ടു​ത്തു. ഒ​രേ​യൊ​രു ക​മാ​ൻ​ഡോ മാ​ത്ര​മാ​ണ്​ ഓ​പ​റേ​ഷ​നി​ടെ കൊ​ല്ല​പ്പെ​ട്ട​ത്. 30 വ​യ​സ്സു​കാ​ര​നാ​യ യോ​നാ​ത​ൻ. യോ​നാ​ത​ന്‍റെ ഇ​ള​യ സ​ഹോ​ദ​ര​നെ എ​ല്ലാ​വ​രും അ​റി​യും -ബി​ന്യ​മി​ൻ നെ​ത​ന്യാ​ഹു.

ബ​ന്ദി​ക​ളി​ൽ അ​വ്യ​ക്ത​ത, പു​ക​യു​ന്ന പ്ര​തി​ഷേ​ധം

സ​ഹോ​ദ​ര​നെ ന​ഷ്ട​പ്പെ​ട്ട എ​ന്‍റ​ബി ഓ​പ​റേ​ഷ​നേ​ക്കാ​ളും ഇ​സ്രാ​യേ​ൽ ഇ​തു​വ​രെ നേ​രി​ട്ട ഏ​തു ബ​ന്ദി പ്ര​തി​സ​ന്ധി​യെ​ക്കാ​ളും ദു​ർ​ഘ​ട​മാ​യ ദി​വ​സ​ങ്ങ​ളാ​ണ്​ ​നെ​ത​ന്യാ​ഹു​വി​നെ കാ​ത്തി​രി​ക്കു​ന്ന​ത്. കൃ​ത്യ​മാ​യ എ​ണ്ണം വ്യ​ക്ത​മ​ല്ലെ​ങ്കി​ലും 150 ഓ​ളം ബ​ന്ദി​ക​ൾ ഹ​മാ​സി​ന്‍റെ പി​ടി​യി​ലു​ണ്ടെ​ന്നാ​ണ്​ സൂ​ച​ന. ഇ​തി​ൽ സൈ​നി​ക​രും സ്​​ത്രീ​ക​ളും വ​യോ​ധി​ക​രും അ​ട​ങ്ങു​ന്ന സി​വി​ലി​യ​ന്മാ​രും അ​മേ​രി​ക്ക ഉ​ൾ​പ്പെ​ടെ രാ​ജ്യ​ങ്ങ​ളി​ലെ പൗ​ര​ന്മാ​രു​മു​ണ്ട്​. ഓ​രോ ബ​ന്ദി​ക​ളെ​യും ഏ​തൊ​ക്കെ ത​ര​ത്തി​ലാ​ണ്​ പ​രി​ഗ​ണി​ക്കു​ക​യെ​ന്ന്​ ഇ​തു​വ​രെ ഹ​മാ​സ്​ വ്യ​ക്ത​മാ​ക്കി​യി​ട്ടി​ല്ല.

ഡ​സ​ൻ​ക​ണ​ക്കി​ന്​ ബ​ന്ദി​ക​ളെ സു​ര​ക്ഷി​ത താ​വ​ള​ങ്ങ​ളി​ലും ട​ണ​ലു​ക​ളി​ലും ഒ​ളി​പ്പി​ച്ച്​ പാ​ർ​പ്പി​ച്ചി​ട്ടു​ണ്ടെ​ന്നു​മാ​ത്രം ഹ​മാ​സ്​ സാ​യു​ധ​വി​ഭാ​ഗം വ​ക്താ​വ്​ അ​ബൂ ഉ​ബൈ​ദ വ്യ​ക്ത​മാ​ക്കി. ഗ​സ്സ​യി​ലെ ജ​ന​വാ​സ കേ​ന്ദ്ര​ങ്ങ​ൾ​ക്ക്​ കീ​ഴി​ലും മ​റ്റു​മാ​യി കി​ലോ​മീ​റ്റ​റു​ക​ൾ നീ​ള​മു​ള്ള വി​പു​ല​മാ​യ ട​ണ​ൽ നെ​റ്റ്​​വ​ർ​ക്​ ഹ​മാ​സ്​ സം​വി​ധാ​നി​ച്ചി​ട്ടു​ണ്ട്. ത​ങ്ങ​ളു​ടെ പി​ടി​യി​ലു​ണ്ടാ​യി​രു​ന്ന നാ​ലു ഇ​സ്ര​യേ​ലി​ക​ളും അ​വ​രു​​ടെ കാ​വ​ൽ​ക്കാ​രും ഞാ​യ​റാ​ഴ്ച രാ​ത്രി ഇ​സ്രാ​യേ​ൽ ന​ട​ത്തി​യ ബോം​ബി​ങ്ങി​ൽ കൊ​ല്ല​പ്പെ​ട്ട​താ​യി ഹ​മാ​സ്​ അ​റി​യി​ച്ചി​രു​ന്നു.

ഹ​മാ​സ്​ ആ​ക്ര​മ​ണം ഉ​ണ്ടാ​യി നാ​ലു​ദി​വ​സം ക​ഴി​ഞ്ഞി​ട്ടും ബ​ന്ദി​ക​ളെ കു​റി​ച്ച് കൃ​ത്യ​മാ​യ വി​വ​ര​ങ്ങ​ൾ ല​ഭ്യ​മാ​കാ​ത്ത​തി​ൽ ഇ​സ്രാ​യേ​ൽ സ​ർ​ക്കാ​ർ വ​ലി​യ പ്ര​തി​ഷേ​ധം നേ​രി​ടു​ന്നു​ണ്ട്. ഈ ​സാ​ഹ​ച​ര്യ​ത്തി​ൽ കാ​ണാ​താ​യ ബ​ന്ധു​ക്ക​ളെ കു​റി​ച്ചു​ള്ള വി​വ​ര​ങ്ങ​ൾ ര​ജി​സ്റ്റ​ർ ചെ​യ്യാ​ൻ സൈ​ന്യ​വും പൊ​ലീ​സും സെ​ന്‍റ​റു​ക​ൾ സ്ഥാ​പി​ച്ചി​ട്ടു​ണ്ട്. കാ​ണാ​താ​യ​വ​രു​ടെ ഫോ​ട്ടോ​ക​ളും ഡി.​എ​ൻ.​എ സാ​മ്പി​ൾ ക​ണ്ടെ​ത്താ​ൻ സ​ഹാ​യി​ക്കു​ന്ന വ​സ്തു​ക്ക​ളു​മാ​യി സെ​ന്‍റ​റു​ക​ളി​ലെ​ത്താ​ൻ പൗ​ര​ന്മാ​രോ​ട്​ നി​ർ​​ദേ​ശി​ച്ചി​രി​ക്കു​ന്നു.

യു​ദ്ധാ​ന​ന്ത​രം ഇ​സ്രാ​യേ​ലി​ൽ ത​ട​വി​ലു​ള്ള ഫ​ല​സ്തീ​നി​ക​ളെ മോ​ചി​പ്പി​ക്കു​ന്ന​തി​നു​ള്ള വി​ല​പേ​ശ​ൽ വ​സ്തു​ക്ക​ളാ​യി ഈ ​ബ​ന്ദി​ക​ളെ ഹ​മാ​സ്​ ഉ​പ​യോ​ഗി​ക്കും. ശ​നി​യാ​ഴ്ച ആ​​ക്ര​മ​ണം ആ​​രം​ഭി​ക്കു​ക​യാ​ണെ​ന്ന പ്ര​ഖ്യാ​പ​ന​വു​മാ​യി ഹ​മാ​സ്​ നേ​താ​വ്​ മു​ഹ​മ്മ​ദ്​ ദൈ​ഫ്​ പു​റ​ത്തി​റ​ക്കി​യ പ്ര​സ്താ​വ​ന​യി​ൽ ഇ​സ്രാ​യേ​ലി ജ​യി​ലു​ക​ളി​ൽ ക​ഴി​യു​ന്ന ആ​യി​ര​ക്ക​ണ​ക്കി​ന്​ ഫ​ല​സ്തീ​നി​ക​ളു​ടെ കാ​ര്യം എ​ടു​ത്തു​പ​റ​ഞ്ഞി​രു​ന്നു.

​ ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന സാ​ഹ​ച​ര്യ​ത്തി​ൽ ത​ട​വു​കാ​രു​ടെ കൈ​മാ​റ്റം ഉ​ട​നു​ണ്ടാ​കി​​ല്ലെ​ന്ന്​ ഹ​മാ​സ്​ നേ​താ​വ്​ ഇ​സ്മാ​യി​ൽ ഹ​നി​യ്യ വ്യ​ക്ത​മാ​ക്കി. യു​ദ്ധം അ​വ​സാ​നി​ക്കാ​തെ ഈ ​ഫ​യ​ൽ തു​റ​ക്കാ​ൻ ഉ​ദ്ദേ​ശി​ക്കു​ന്നി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അ​തി​നി​ടെ, മു​ന്ന​റി​യി​പ്പി​ല്ലാ​തെ ഗ​സ്സ​യി​ലെ വീ​ടു​ക​ൾ​ക്ക്​ നേ​രെ ഇ​ടു​ന്ന ഓ​രോ ബോം​ബി​നും പ​ക​ര​മാ​യി ഓ​രോ സി​വി​ലി​യ​ൻ ബ​ന്ദി​ക​ളെ വീ​തം വ​ധി​ക്കു​മെ​ന്ന്​ ഹ​മാ​സ്​ ഭീ​ഷ​ണി മു​ഴ​ക്കി​യി​ട്ടു​മു​ണ്ട്.

ബ​ന്ദി​ക​ളു​ടെ ജീ​വ​നോ പ​ക​രം വീ​ട്ട​ലോ?

ഹ​മാ​സി​നെ തു​ട​ച്ചു​നീ​ക്കു​ന്ന നി​ല​യി​ലു​ള്ള ആ​ക്ര​മ​ണം ന​ട​ത്തു​മെ​ന്ന്​ പ​റ​യു​മ്പോ​ഴും ഇ​സ്രാ​യേ​ലി​നെ ത​ട​യു​ന്ന​ത്​ ബ​ന്ദി​ക​ളു​ടെ സാ​ന്നി​ധ്യ​മാ​ണ്. മൂ​ന്നു​ല​ക്ഷം റി​സ​ർ​വ്​ ​​സൈ​നി​ക​രെ വി​ളി​ച്ചു​വ​രു​ത്തി​യ​തി​ലൂ​ടെ ക​ര​യാ​​ക്ര​മ​ണ​ത്തി​ന്​ ഒ​രു​ങ്ങു​ക​യാ​ണെ​ന്ന സൂ​ച​ന​ത​ന്നെ​യാ​ണ്​ വ​രു​ന്ന​ത്. ക​ര​യാ​ക്ര​മ​ണ​ത്തി​ന്‍റെ മു​ഖ്യ​ല​ക്ഷ്യം ഹ​മാ​സി​നെ ത​ക​ർ​ക്കു​ക എ​ന്ന​താ​ണോ ബ​ന്ദി​ക​ളു​ടെ മോ​ച​ന​മാ​ണോ എ​ന്ന​തി​ൽ വ്യ​ക്ത​ത​യി​ല്ല. ഇ​പ്പോ​ൾ നേ​രി​ട്ട കൊ​ടി​യ അ​പ​മാ​ന​ത്തി​ന്​ പ​ര​മാ​വ​ധി പ​ക​രം വീ​ട്ടു​​ക​യെ​ന്ന​തു​മാ​ത്ര​മാ​ണ്​ ഇ​​സ്രാ​യേ​ലി​ന്‍റെ ല​ക്ഷ്യ​മെ​ങ്കി​ൽ ബ​ന്ദി​ക​ളു​ടെ കാ​ര്യം മ​റ​ക്കേ​ണ്ടി​വ​രും. ​

അ​തി​നി​ടെ, വ​ട​ക്കു​പ​ടി​ഞ്ഞാ​റ​ൻ ഗ​സ്സ​യി​ലെ ഹ​മാ​സി​ന്‍റെ ഭൂ​ഗ​ർ​ഭ ട​ണ​ലു​ക​ൾ ല​ക്ഷ്യ​മി​ട്ട്​ ‘ബ​ങ്ക​ർ ബ​സ്റ്റ​ർ’ ബോം​ബു​ക​ൾ ഇ​സ്രാ​യേ​ൽ വ​ർ​ഷി​ച്ച​താ​യി സ്ഥി​രീ​ക​രി​ക്കാ​ത്ത റി​​പ്പോ​ർ​ട്ടു​ക​ളു​ണ്ട്. അ​ത് ശ​രി​യാ​ണെ​ങ്കി​ൽ ബ​ന്ദി​ക​ളു​ടെ കാ​ര്യ​ത്തി​ൽ ഇ​സ്രാ​യേ​ൽ വ​ലി​യ താ​ൽ​പ​ര്യം എ​ടു​ക്കു​ന്നി​ല്ലെ​ന്ന വാ​ദം ഉ​റ​പ്പി​ക്ക​പ്പെ​ടും.

അ​തി​നി​ടെ, ബ​ന്ദി​ക​ളെ ര​ക്ഷ​പ്പെ​ടു​ത്തു​ന്ന​തി​നു​ള്ള ത​ന്ത്ര​ങ്ങ​ൾ രൂ​പ​പ്പെ​ടു​ത്തു​ന്ന​തി​ൽ ഇ​സ്രാ​യേ​ലി​നെ സ​ഹാ​യി​ക്കാ​മെ​ന്ന്​ പെ​ന്‍റ​ഗ​ൺ വാ​ഗ്ദാ​നം ചെ​യ്ത​താ​യി സൂ​ച​ന​യു​ണ്ട്. ബ​ന്ദി​ക​ളി​ൽ അ​മേ​രി​ക്ക​ൻ പൗ​ര​ന്മാ​രും ഉ​ണ്ടെ​ന്ന​തി​നാ​ൽ പെ​ന്‍റ​ഗ​ണി​ന്‍റെ ഇ​ട​പെ​ട​ലി​ന്​ വ​ലി​യ മാ​ന​ങ്ങ​ളു​ണ്ട്. പ​ശ്ചി​മേ​ഷ്യ​യി​ലെ പ്ര​ശ്ന​ങ്ങ​ളി​ൽ സൈ​നി​ക​പ​ര​മാ​യി നേ​രി​ട്ട്​ ഇ​ട​പെ​ടു​ന്നു​വെ​ന്ന​ത്​ മാ​ത്ര​മ​ല്ല, ബ​ന്ദി പ്ര​തി​സ​ന്ധി​ക​ളി​ൽ യു.​എ​സി​നും ഇ​സ്രാ​യേ​ലി​നും വ്യ​ത്യ​സ്ത ന​യ​ങ്ങ​ളാ​ണെ​ന്ന​തും ശ്ര​ദ്ധേ​യ​മാ​ണ്.