ഇറാനെതിരെ ഇസ്രായേൽ വൻ ആക്രമണത്തിന് തയാറെടുക്കുന്നുവെന്ന് റിപ്പോർട്ട്

തെൽ അവീവ്: ഇറാനെതിരെ ഇസ്രായേൽ വൻ ആക്രമണത്തിന് തയാറെടുക്കുന്നതായി റിപ്പോർട്ട്. ഒക്ടോബർ ഒന്നിലെ ബാലിസ്റ്റിക് മിസൈൽ ആക്രമണത്തിന് ഉടൻ ഇസ്രായേൽ മറുപടി നൽകുമെന്നാണ് റിപ്പോർട്ട്. ഇസ്രായേൽ മാധ്യമമാണ് ഒരു ഉദ്യോഗസ്ഥനെ ഉദ്ധരിച്ച് വാർത്ത റിപ്പോർട്ട് ചെയ്തത്.

പ്രതിരോധരംഗത്ത് ആക്രമണത്തിനുള്ള ഒരുക്കങ്ങൾ തുടങ്ങിയെന്നാണ് റിപ്പോർട്ട്. അതേസമയം, ഇതുസംബന്ധിച്ച് കൂടുതൽ വിവരങ്ങൾ വെളിപ്പെടുത്തിയിട്ടില്ല. ഇറാൻ ആക്രമണത്തിന് പിന്നാലെ ഉടൻ ഇസ്രായേൽ തിരിച്ചടിയുണ്ടാവുമെന്ന് റിപ്പോർട്ടുകളുണ്ടായിരുന്നുവെങ്കിലും അതുണ്ടായില്ല.ആക്രമണം നടത്തുന്നത് സംബന്ധിച്ച ഇസ്രായേൽ യു.എസുമായി നിരന്തരം ചർച്ച നടത്തുന്നുണ്ട്.

നേരത്തെ ഇ​റാ​നെ ആ​ക്ര​മി​ക്കാ​നു​ള്ള ഇ​സ്രാ​യേ​ലി​ന്റെ പ​ദ്ധ​തി യു.എസിൽ നിന്നും ചോ​ർ​ന്നു​വെ​ന്ന റി​പ്പോ​ർ​ട്ടുകൾ പുറത്ത് വന്നിരുന്നു. യു.​എ​സ് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ൽ​നി​ന്നാ​ണ് രേ​ഖ​ക​ൾ ചോ​ർ​ന്ന​ത്. ഇ​തു​സം​ബ​ന്ധി​ച്ച് യു.​എ​സ് അ​ന്വേ​ഷ​ണം ആ​രം​ഭി​ച്ചു​വെ​ന്നും സി.​എ​ൻ.​എ​ൻ റി​പ്പോ​ർ​ട്ട് ചെ​യ്തു. ചോ​ർ​ന്ന വി​വ​ര​ങ്ങ​ളു​ടെ ആ​ധി​കാ​രി​ക​ത സ്ഥി​രീ​ക​രി​ച്ചി​ട്ടു​ണ്ടെ​ന്നും സം​ഭ​വം ഏ​റെ ആ​ശ​ങ്ക​യു​ള്ള​താ​ണെ​ന്നും യു.​എ​സ് ഉ​ദ്യോ​ഗ​സ്ഥ​ൻ പ​റ​ഞ്ഞിരുന്നു.

ഒ​ക്ടോ​ബ​ർ 15, 16 തീ​യ​തി​ക​ളി​ൽ ത​യാ​റാ​ക്കി​യ രേ​ഖ​ക​ളാ​ണ് ചോ​ർ​ന്ന​ത്. വെ​ള്ളി​യാ​ഴ്ച മു​ത​ൽ ഈ ​രേ​ഖ​ക​ൾ ടെ​ലി​ഗ്രാ​മി​ലൂ​ടെ പു​റ​ത്തു​വി​ട്ടി​രു​ന്നു. മി​ഡി​ൽ ഈ​സ്റ്റ് സ്പെ​ക്ടേ​റ്റ​ർ എ​ന്ന അ​ക്കൗ​ണ്ടി​ലൂ​ടെ​യാ​ണ് രേ​ഖ​ക​ൾ ചോ​ർ​ന്ന​ത്. അ​തി​ര​ഹ​സ്യ സ്വ​ഭാ​വ​മു​ള്ള രേ​ഖ​ക​ളെ​ന്ന് പ​റ​യു​ന്ന വി​വ​ര​ങ്ങ​ളാ​ണ് ചോ​ർ​ന്ന​ത്. യു.​എ​സി​ന് പു​റ​മെ സ​ഖ്യ​ക​ക്ഷി​ക​ളാ​യ ആ​സ്ട്രേ​ലി​യ, കാ​ന​ഡ, ന്യൂ​സി​ല​ൻ​ഡ്, യു.​കെ തു​ട​ങ്ങി​യ രാ​ജ്യ​ങ്ങ​ൾ​ക്ക് മാ​ത്ര​മേ രേ​ഖ​ക​ളെ​ക്കു​റി​ച്ച് വി​വ​ര​മു​ള്ളൂ​വെ​ന്ന സൂ​ച​നകളും വന്നിരുന്നു.

നേരത്തെ യു.എസ് ഇസ്രായേലിൽ താഡ് എയർ ഡിഫൻസ് സിസ്റ്റം വിന്യസിച്ചിരുന്നു. രാജ്യത്തിന് സുരക്ഷയൊരുക്കുന്നതിന്റെ ഭാഗമായാണ് എയർ ഡിഫൻസ് സിസ്റ്റം വിന്യസിച്ചത്. അതേസമയം, ഇറാന്റെ എണ്ണ, ആണവശാലകളെ ഇസ്രായേൽ ലക്ഷ്യമിടുമെന്ന് ചില മാധ്യമങ്ങൾ റിപ്പോർട്ട് ചെയ്യുന്നുണ്ട്. അങ്ങനെയുണ്ടായാൽ അത് മേഖലയെയാകെ ബാധിക്കുന്ന യുദ്ധമായി മാറിയേക്കുമെന്നും ആശങ്കയുണ്ട്.