ബന്ദികളിൽ ഒരാൾ കൊല്ലപ്പെട്ടെന്ന് ഇസ്രായേൽ; മരിച്ചത് ജർമൻ-ഇസ്രായേൽ വംശജ

തെൽഅവീവ്: ഇസ്രായേലിൽനിന്ന് ഹമാസ് ബന്ദികളാക്കിയവരിൽ ഒരാൾ കൊല്ലപ്പെട്ടതായി ഇസ്രായേൽ. ജർമൻ-ഇസ്രായേൽ വംശജയായ ഷാനി നിക്കോൾ ലൂക്ക് ആണ് മരിച്ചത്. ഒക്‌ടോബർ 7 ന് ഇസ്രായേലിൽ നടന്ന സംഗീതോത്സവത്തിൽ നിന്ന് ബന്ദിയാക്കപ്പെട്ട ഷാനിയുടെ മരണവിവരം ഇസ്രായേൽ പ്രസിഡന്റ് ഐസക് ഹെർസോഗാണ് സ്ഥിരീകരിച്ചത്.

അതേസമയം, എങ്ങ​നെയാണ് കൊല്ല​പ്പെട്ടതെന്ന കാര്യത്തിൽ വ്യക്തതയില്ലെന്ന് അൽജസീറ ചാനൽ റിപ്പോർട്ട് ചെയ്തു. നേരത്തെ, തങ്ങൾ ബന്ദിയാക്കിയവരിൽ 50 ഓളം പേർ ഗസ്സയിൽ ഇസ്രായേൽ നടത്തിയ വ്യാപക വ്യോമാക്രമണത്തിൽ കൊല്ലപ്പെട്ടതായി ഹ​മാ​സ് അറിയിച്ചിരുന്നു. ഹ​മാ​സി​ന്‍റെ സാ​യു​ധ​വി​ഭാ​ഗ​മാ​യ ഖ​സ്സാം ബ്രി​ഗേ​ഡ് ടെലിഗ്രാം അക്കൗണ്ടിലെ പ്രസ്താവനയിലാണ് ഇക്കാര്യം വ്യക്തമാക്കിയത്. ഹമാസ് 224 പേരെ ബന്ദികളാക്കിയതായി കഴിഞ്ഞ ദിവസം ഇസ്രായേൽ സൈന്യം വ്യക്തമാക്കിയിരുന്നു.

“ഷാനി നിക്കോൾ ലൂക്ക് കൊല്ലപ്പെട്ടതായി സ്ഥിരീകരിച്ച വാർത്ത ഞങ്ങൾക്ക് ലഭിച്ചുവെന്ന് അറിയിക്കുന്നതിൽ എനിക്ക് അതിയായ ഖേദമുണ്ട്” -ഇസ്രായേൽ പ്രസിഡന്റ് ഐസക് ഹെർസോഗ് ജർമനിയിലെ ബിൽഡ് പത്രത്തോട് പറഞ്ഞു. തങ്ങളുടെ ഒരു പൗര മരിച്ചതായി ജർമനിയും സ്ഥിരീകരിച്ചിട്ടുണ്ട്. എന്നാൽ, വിശദാംശങ്ങൾ പുറത്തുവിട്ടിട്ടില്ല.

ഇ​സ്രാ​യേ​ൽ സൈ​ന്യം ഗ​സ്സ മു​ന​മ്പി​ൽ ആ​ക്ര​മ​ണം ശ​ക്ത​മാ​ക്കി​യാ​ൽ ഹ​മാ​സ് ബ​ന്ദി​ക​ളാ​ക്കി​യ​വ​രു​ടെ ജീ​വ​ൻ അ​പ​ക​ട​ത്തി​ലാ​കു​മെ​ന്ന് ബന്ദികളുടെ കുടുംബങ്ങൾ ആ​ശ​ങ്ക അറിയിച്ചിരുന്നു. അതേസമയം, ഇ​സ്രാ​യേ​ൽ ജ​യി​ലു​ക​ളി​ൽ അന്യായമായി തടവിലിട്ട ഫ​ല​സ്തീ​നി​ക​ളെ വി​ട്ട​യ​ച്ചാ​ൽ ബ​ന്ദി​ക​ളെ മോ​ചി​പ്പി​ക്കാ​മെ​ന്നാണ് ഹ​മാ​സി​ന്റെ വാ​ഗ്ദാ​നം. ഇ​ക്കാ​ര്യ​ത്തി​ൽ ഇ​സ്രാ​യേ​ൽ സ​ർ​ക്കാ​ർ വ്യ​ക്ത​മാ​യ ഉ​ത്ത​രം ന​ൽ​ക​ണ​മെ​ന്നും ഈ വാഗ്ദാനം സ്വീ​ക​രി​ച്ച് തങ്ങളുടെ പ്രിയപ്പെട്ടവരുടെ ജീവൻ രക്ഷിക്കണമെന്നുമാണ് ബന്ദികളുടെ കു​ടും​ബാം​ഗ​ങ്ങ​ളു​ടെ ആ​വ​ശ്യം.

ബ​ന്ദി​ക​ളു​ടെ കാ​ര്യ​ത്തി​ൽ വ്യ​ക്ത​ത വേ​ണ​മെ​ന്നാ​വ​ശ്യ​പ്പെ​ട്ട് നി​ര​വ​ധി ബ​ന്ധു​ക്ക​ൾ ശ​നി​യാ​ഴ്ച തെ​ൽ അ​വീ​വി​ൽ റാ​ലി ന​ട​ത്തിയിരുന്നു. കു​ടും​ബാം​ഗ​ങ്ങ​ൾ​ക്ക് പി​ന്തു​ണ പ്ര​ഖ്യാ​പി​ച്ച് ഹൈ​ഫ, അ​ത്‍ലി​ത്, കേ​സ​റി​യ, ബേ​ർ​ഷേ​വ, എ​യ്‍ലാ​ത് എ​ന്നി​വി​ട​ങ്ങ​ളി​ൽ നി​ര​വ​ധി പേ​ർ പ്ര​ക​ട​നം ന​ട​ത്തി. ഇ​തി​നു​പി​ന്നാ​ലെ, യു​ദ്ധ ആ​സൂ​ത്ര​ണ ച​ർ​ച്ച​ക്ക് ഇ​ട​വേ​ള ന​ൽ​കി പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു ബ​ന്ദി​ക​ളു​ടെ കു​ടും​ബാം​ഗ​ങ്ങ​ളു​മാ​യി കൂ​ടി​ക്കാ​ഴ്ച ന​ട​ത്തി​. കൂ​ടി​ക്കാ​ഴ്ച ന​ട​ക്കു​ന്ന​തി​നി​ടെ​യാ​ണ്, ബ​ന്ദി​ക​ളെ മോ​ചി​പ്പി​ക്ക​ണ​മെ​ങ്കി​ൽ ഇ​സ്രാ​യേ​ൽ ജ​യി​ലു​ക​ളി​ൽ ക​ഴി​യു​ന്ന ഫ​ല​സ്തീ​ൻ​കാ​രെ വി​ട്ട​യ​ക്ക​ണ​മെ​ന്ന ആ​വ​ശ്യ​വു​മാ​യി ഹ​മാ​സ് രം​ഗ​ത്തെ​ത്തി​യ​ത്. ഇ​സ്രാ​യേ​ലി​ലെ 19 ജ​യി​ലു​ക​ളി​ലും അ​ധി​നി​വേ​ശ വെ​സ്റ്റ് ബാ​ങ്കി​ലെ ഒ​രു ജ​യി​ലി​ലു​മാ​യി ആ​യി​ര​ക്ക​ണ​ക്കി​ന് ഫ​ല​സ്തീ​നി​ക​ളാ​ണ് ത​ട​വു​കാ​രാ​യി ക​ഴി​യു​ന്ന​ത്.

അ​തേ​സ​മ​യം, എ​ന്തെ​ങ്കി​ലും ധാ​ര​ണ​ക​ളെ​ക്കു​റി​ച്ച് നെ​ത​ന്യാ​ഹു കു​ടും​ബാം​ഗ​ങ്ങ​ൾ​ക്ക് വ്യ​ക്ത​മാ​യ മ​റു​പ​ടി ന​ൽ​കി​യി​ല്ല. ബ​ന്ദി​ക​ളെ തി​രി​കെ​യെ​ത്തി​ക്കു​ന്ന​തി​ന് സാ​ധ്യ​മാ​യ എ​ല്ലാ വ​ഴി​ക​ളും തേ​ടു​മെ​ന്ന ഉ​റ​പ്പ് ന​ൽ​കു​ക​യാ​ണ് അ​ദ്ദേ​ഹം ചെ​യ്ത​ത്. ഏ​താ​നും മാ​സം മു​ത​ൽ 80 വ​രെ പ്രാ​യ​മു​ള്ള​വ​ർ ബ​ന്ദി​ക​ളു​ടെ കൂ​ട്ട​ത്തി​ലു​ണ്ട്. ഇ​വ​രെ ക​ണ്ടെ​ത്തു​ക​യാ​ണ് സൈ​നി​ക ന​ട​പ​ടി​യു​ടെ പ്ര​ധാ​ന ഭാ​ഗ​മെ​ന്നും അ​ദ്ദേ​ഹം പ​റ​ഞ്ഞു.

ത​ട​വു​കാ​രു​ടെ കൈ​മാ​റ്റ​ത്തെ അ​നു​കൂ​ലി​ക്കു​ന്ന​താ​യി ബ​ന്ദി​ക​ളു​​ടെ കു​ടും​ബാം​ഗ​ങ്ങ​ളു​ടെ പ്ര​തി​നി​ധി മെ​ൽ​റാ​വ് ഗോ​നെ​ൻ നെ​ത​ന്യാ​ഹു​വി​നോ​ട് പ​റ​ഞ്ഞു. ഇ​വ​രു​ടെ മ​ക​ൾ റോ​മി​യും ബ​ന്ദി​ക​ളി​ലൊ​രാ​ളാ​ണ്. സ​ർ​ക്കാ​റു​മാ​യി ബ​ന്ധ​പ്പെ​ടാ​ൻ ക​ഴി​യു​ന്നി​ല്ലെ​ന്ന് ബ​ന്ദി​ക​ളു​ടെ കു​ടും​ബാം​ഗ​ങ്ങ​ൾ പ​റ​ഞ്ഞു.

രണ്ടുദിവസങ്ങളിലായി നാലുബന്ദികളെ ഹമാസ് മോചിപ്പിച്ചിരുന്നു. ബന്ദികളായ യോഷെവെദ് ലിഫ്ഷിറ്റ്‌സ് (85), നൂറ് കൂപ്പർ (79), അമേരിക്കൻ പൗരത്വമുള്ള ജൂഡിത്ത് റാണൻ, മകൾ നതാലി എന്നിവരെയാണ് ഖത്തറിന്റെ മധ്യസ്ഥ ശ്രമങ്ങളെത്തുടർന്ന് ഹമാസ് മോചിപ്പിച്ചത്.