ഇസ്രായേൽ ആക്രമണം; ഗസ്സയിൽ 53 പേർകൂടി കൊല്ലപ്പെട്ടു

ഗ​സ്സ സി​റ്റി: ഫ​ല​സ്തീ​നെ​തി​രാ​യ ഇ​​സ്രാ​യേ​ൽ ആ​ക്ര​മ​ണ​ത്തി​ൽ 24 മ​ണി​ക്കൂ​റി​നി​ടെ ഗ​സ്സ​യി​ൽ കൊ​ല്ല​പ്പെ​ട്ട​ത് 53 പേ​ർ. ബൈ​ത് ലാ​ഹി​യ, നു​സൈ​റാ​ത്ത് അ​ഭ​യാ​ർ​ഥി ക്യാ​മ്പ്, ഖി​ർ​ബെ​ത് അ​ൽ അ​ദാ​സ് പ്ര​ദേ​ശ​ങ്ങ​ളി​ലാ​ണ് വ്യോ​മാ​ക്ര​മ​ണം ന​ട​ത്തി​യ​ത്. ഗ​സ്സ​യു​ടെ മ​ധ്യ​മേ​ഖ​ല​യി​ലും തെ​ക്ക​ൻ ന​ഗ​ര​മാ​യ ഖാ​ൻ യൂ​നു​സി​ലും തു​ട​ർ​ച്ച​യാ​യ ആ​ക്ര​മ​ണ​ങ്ങ​ളാ​ണ് ഇ​സ്രാ​യേ​ൽ ന​ട​ത്തു​ന്ന​തെ​ന്ന് അ​ൽ ജ​സീ​റ ചാ​ന​ൽ റി​പ്പോ​ർ​ട്ട് ചെ​യ്തു.

ഖാ​ൻ യൂ​നു​സി​ന്റെ കി​ഴ​ക്ക​ൻ പ്ര​ദേ​ശ​ങ്ങ​ളി​ൽ ഒ​ന്നും അ​വ​ശേ​ഷി​ക്കാ​ത്ത വി​ധ​മാ​ണ് നാ​ശ​ന​ഷ്ട​ങ്ങ​ൾ. നു​സൈ​റാ​ത്ത് അ​ഭ​യാ​ർ​ഥി ക്യാ​മ്പി​നെ ല​ക്ഷ്യം​വെ​ച്ച് നി​ര​വ​ധി ത​വ​ണ ആ​ക്ര​മ​ണ​ങ്ങ​ൾ ഉ​ണ്ടാ​യി.

ഒ​ക്ടോ​ബ​ർ ഏ​ഴി​ലെ ഹ​മാ​സി​ന്റെ ഇ​സ്രാ​യേ​ൽ ആ​ക്ര​മ​ണ​ത്തി​നു ശേ​ഷം, ഗ​സ്സ​ക്കെ​തി​രാ​യ ഇ​സ്രാ​യേ​ലി​ന്റെ യു​ദ്ധ​ത്തി​ൽ 41,495 പേ​രാ​ണ് ഇ​തു​വ​രെ കൊ​ല്ല​പ്പെ​ട്ട​തെ​ന്ന് ഫ​ല​സ്തീ​ൻ ആ​രോ​ഗ്യ മ​ന്ത്രാ​ല​യം അ​റി​യി​ച്ചു.

അ​തേസമയം, അ​ധി​നി​വേ​ശ വെ​സ്റ്റ് ബാ​ങ്കി​ലെ ഹെ​ബ്രോ​ണി​ൽ ഇ​സ്രാ​യേ​ൽ സൈ​ന്യം ന​ട​ത്തി​യ റെ​യ്ഡി​ൽ ആ​റു​പേ​രെ അ​റ​സ്റ്റ് ചെ​യ്ത​താ​യി ഫ​ല​സ്തീ​ൻ വാ​ർ​ത്ത ഏ​ജ​ൻ​സി​യാ​യ വ​ഫ റി​പ്പോ​ർ​ട്ട് ചെ​യ്തു. കാ​ഫെ​ൽ ഹാ​രി​സ്, ഇ​സ്‌​കാ​ക്ക, ബു​ർ​ഖി​ൻ പ​ട്ട​ണ​ങ്ങ​ളി​ൽ​നി​ന്ന് ഉ​ൾ​പ്പെ​ടെ നി​ര​വ​ധി ഫ​ല​സ്തീ​നി​ക​ളെ ഇ​സ്രാ​യേ​ൽ സൈ​ന്യം അ​റ​സ്റ്റ് ചെ​യ്തി​ട്ടു​ണ്ട്.

അതിനിടെ, ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന​തി​നി​ടെ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു വെ​ള്ളി​യാ​ഴ്ച ഐ​ക്യ​രാ​ഷ്ട്ര സ​ഭ​യെ അ​ഭി​സം​ബോ​ധ​ന ചെ​യ്യുന്നുണ്ട്. ഇ​സ്രാ​യേ​ലി​നെ​തി​രെ ലോ​ക​രാ​ഷ്ട്ര​ങ്ങ​ളു​ടെ പ്ര​തി​ഷേ​ധം ശ​ക്ത​മാ​യി​രി​ക്കെ ഇ​ക്കു​റി നെ​ത​ന്യാ​ഹു എ​ന്താ​ണ് പ​റ​യു​ന്ന​തെ​ന്നാ​ണ് നി​രീ​ക്ഷ​ക​ർ ഉ​റ്റു​നോ​ക്കു​ന്ന​ത്.

ഇ​സ്രാ​യേ​ലി​ൽ​നി​ന്ന് അ​യ​ച്ച 88 ഫ​ല​സ്തീ​നി​ക​ളു​ടെ മൃ​ത​ദേ​ഹ​ങ്ങ​ൾ ഏ​റ്റെ​ടു​ത്തി​ല്ല

ഗ​സ്സ സി​റ്റി: ഇ​സ്രാ​യേ​ലി​ൽ​നി​ന്ന് അ​യ​ച്ച 88 ഫ​ല​സ്തീ​നി​ക​ളു​ടെ മൃ​ത​ദേ​ഹ​ങ്ങ​ൾ സ്വീ​ക​രി​ക്കാ​ൻ ഗ​സ്സ​യി​ലെ ആ​രോ​ഗ്യ മ​ന്ത്രാ​ല​യം വി​സ​മ്മ​തി​ച്ചു.

ക​ണ്ടെ​യ്ന​റി​ൽ അ​യ​ച്ച​ത് ആ​രു​ടെ മൃ​ത​ദേ​ഹ​ങ്ങ​ളാ​ണെ​ന്ന് വ്യ​ക്ത​മാ​ക്കു​ക​യോ മ​ര​ണം എ​പ്പോ​ഴാ​യി​രു​ന്നു​വെ​ന്ന് പ​റ​യു​​ക​യോ ചെ​യ്യാ​ത്ത സാ​ഹ​ച​ര്യ​ത്തി​ലാ​ണ് ഏ​റ്റെ​ടു​ക്കാ​തി​രു​ന്ന​ത്. അ​ഴു​കി​യ നി​ല​യി​ലാ​യി​രു​ന്നു മൃ​ത​ദേ​ഹ​ങ്ങ​ൾ. ഇ​വ​ർ എ​ങ്ങ​നെ​യാ​ണ് ഇ​സ്രാ​യേ​ലി​ൽ എ​ത്തി​യ​തെ​ന്നോ ഫ​ല​സ്തീ​നി​ൽ എ​വി​ടെ​യു​ള്ള​വ​രാ​​ണെ​ന്നോ ഇ​സ്രാ​യേ​ൽ വ്യ​ക്ത​മാ​ക്കി​യി​ട്ടി​ല്ലെന്നും അധികൃതർ പറഞ്ഞു. ഗ​സ്സ​യി​ൽ​നി​ന്ന് പി​ടി​കൂ​ടി​യ നി​ര​വ​ധി ഫ​ല​സ്തീ​നി​​ക​ൾ ഇ​പ്പോ​ഴും ഇ​സ്രാ​യേ​ലി​ൽ ത​ട​വി​ലാ​ണ്.