റാമല്ലയിലെ അൽ ജസീറ ഓഫിസിൽ ഇസ്രായേൽ സൈന്യത്തിന്റെ റെയ്ഡ്; ഓഫിസ് പൂട്ടാൻ ഉത്തരവിട്ടു

തെൽ അവീവ്: അധിനിവേശ വെസ്റ്റ്ബാങ്കിലെ റാമല്ലയിലെ അൽ ജസീറ ഓഫിസിൽ ഇസ്രായേൽ സേനയുടെ റെയ്ഡ്. 45 ദിവസത്തേക്ക് ഓഫിസ് പൂട്ടാനും ഉത്തരവ് നൽകിയിട്ടുണ്ട്. ഓഫിസ് പൂട്ടിയതോടെ വാർത്താവിതരണത്തിൽ പ്രതിസന്ധി നേരിടുമെന്ന് അൽ ജസീറ അറിയിച്ചു.

മാസ്ക് ധരിച്ച ആയുധങ്ങളുമായെത്തിയ സൈനികരാണ് ഓഫിസ് പൂട്ടാൻ നിർദേശച്ചതെന്ന് അൽ ജസീറയുറെ റിപ്പോർട്ടിൽ പറയുന്നു. വെസ്റ്റ് ബാങ്ക് ബ്യൂറോ ചീഫ് വാലിദ്-അൽ-ഒമാരിക്ക് ഓഫീസ് പൂട്ടാനുള്ള ഉത്തരവും നൽകി. എന്നാൽ, ഓഫിസ് പൂട്ടുന്നതിനുള്ള വ്യക്തമായ കാരണം അൽ ജസീറയോട് ഇസ്രായേൽ സൈന്യം വ്യക്തമാക്കിയിട്ടില്ല.കാമറകളുമെടുത്ത് ഉടൻ ഓഫിസിൽ നിന്നും പുറത്തിറങ്ങാൻ ഇസ്രായേൽ സൈന്യം ആവശ്യപ്പെട്ടുവെന്നും ഒമാരി കൂട്ടിച്ചേർത്തു.

നേരത്തെ ഇസ്രായേലിനുള്ളിൽ നിന്നും വാർത്തകൾ റിപ്പോർട്ട് ചെയ്യുന്നതിന് അൽ ജസീറക്ക് വിലക്കേർപ്പെടുത്തിയിരുന്നു. ഇതിന് പിന്നാലെയാണ് ചാനലിന് നേരെ കൂടുതൽ നിയന്ത്രണങ്ങൾ കൊണ്ടു വരുന്നത്.

നേരത്തെ അ​ഭ​യാ​ർ​ഥി​ക​ൾ താ​മ​സി​ക്കു​ന്ന സ്കൂ​ളി​ൽ അ​ധി​നി​വേ​ശ സേ​ന ന​ട​ത്തി​യ ബോം​ബി​ങ്ങി​ൽ 22 പേ​ർ കൊ​ല്ല​പ്പെ​ട്ടിരുന്നു. 13 കു​ട്ടി​ക​ളും ആ​റ് സ്ത്രീ​ക​ളും കൊ​ല്ല​പ്പെ​ട്ട​വ​രി​ൽ ഉ​ൾ​പ്പെ​​ടും. ജീ​വ​ൻ ന​ഷ്ട​പ്പെ​ട്ട​വ​രി​ൽ ഒ​രാ​ൾ ഗ​ർ​ഭി​ണി​യാ​യി​രു​ന്നെ​ന്ന് സി​വി​ൽ ഡി​ഫ​ൻ​സ് ഏ​ജ​ൻ​സി വ​ക്താ​വ് മ​ഹ​മൂ​ദ് ബ​സ്സ​ൽ പ​റ​ഞ്ഞു. ഒ​മ്പ​ത് കു​ട്ടി​ക​ള​ട​ക്കം 30 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്.