130 ഇ​സ്രാ​യേ​ലി സൈ​നി​ക​ർ ജോ​ലി വി​ടുമെന്ന് ഭീഷണി; ‘ഗ​സ്സ യു​ദ്ധം ബ​ന്ദി​ക​ളു​ടെ മ​ട​ക്കം വൈ​കി​പ്പി​ക്കും’

തെ​ൽ അ​വീ​വ്: ഗ​സ്സ​യി​ൽ നി​ല​ക്കാ​ത്ത കൂ​ട്ട​ക്കൊ​ല​ക്കി​ടെ വെ​ടി​നി​ർ​ത്ത​ലി​നും ബ​ന്ദി മോ​ച​ന​ത്തി​നും ന​ട​പ​ടി​ക​ൾ സ്വീ​ക​രി​ക്കാ​ൻ വി​സ​മ്മ​തി​ക്കു​ന്ന പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു​വി​ന്റെ ന​ട​പ​ടി​ക​ളി​ൽ പ്ര​തി​ഷേ​ധി​ച്ച് സൈ​നി​ക ജോ​ലി ഉ​പേ​ക്ഷി​ക്കു​ക​യാ​ണെ​ന്ന് പ്ര​ഖ്യാ​പി​ച്ച് 130ഓളം സൈ​നി​ക​ർ.

വെ​ടി​നി​ർ​ത്ത​ൽ ക​രാ​റി​ൽ ഒ​പ്പു​വെ​ച്ച് ബ​ന്ദി​ക​ളെ വി​ട്ട​യ​ക്കാ​ൻ സ​ന്ന​ദ്ധ​മാ​കു​ന്നി​ല്ലെ​ങ്കി​ൽ ജോ​ലി​യി​ൽ തു​ട​രി​ല്ലെ​ന്നാ​ണ് ഇ​സ്രാ​യേ​ൽ മ​ന്ത്രി​സ​ഭ​യെ​യും സൈ​നി​ക മേ​ധാ​വി​യെ​യും അ​ഭി​സം​ബോ​ധ​ന ചെ​യ്ത് സൈ​നി​ക​ർ കൂ​ട്ട​മാ​യി ഒ​പ്പു​വെ​ച്ച ക​ത്ത് ന​ൽ​കി​യ​ത്. ‘‘ഗ​സ്സ യു​ദ്ധം ബ​ന്ദി​ക​ളു​ടെ മ​ട​ക്കം വൈ​കി​പ്പി​ക്കു​മെ​ന്ന് മാ​ത്ര​മ​ല്ല, അ​വ​രു​ടെ മോ​ച​നം അ​പാ​യ​പ്പെ​ടു​ത്തു​ക​യും ചെ​യ്യും. ഇ​നി​യും ക​രാ​റി​ലെ​ത്തു​ന്നി​ല്ലെ​ങ്കി​ൽ ജോ​ലി​യി​ൽ തു​ട​രി​ല്ല’’ -ക​ത്തിൽ പ​റ​യു​ന്നു.

അതിനിടെ, വ​ട​ക്ക​ൻ ഗ​സ്സ​യി​ൽ ദി​വ​സ​ങ്ങ​ൾ​ക്കി​ടെ നാ​ലു ​ല​ക്ഷം ഫ​ല​സ്തീ​നി​ക​ളെ വീണ്ടും കുടിയൊഴിപ്പിച്ചു. വ​ട​ക്ക​ൻ ഗ​സ്സ​യെ വാ​സ​യോ​ഗ്യ​മ​ല്ലാ​താ​ക്കി സ​മ്പൂ​ർ​ണ അ​ധി​നി​വേ​ശം ന​ട​ത്തു​ന്ന​തി​ന്റെ ഭാ​ഗ​മാ​യാ​ണ് പു​തി​യ കു​ടി​യൊ​ഴി​പ്പി​ക്ക​ലെ​ന്നാ​ണ് സൂ​ച​ന. ഇ​വി​ടെ ആ​ക്ര​മ​ണ​ങ്ങ​ളി​ൽ ഇ​തി​ന​കം 17 ഫ​ല​സ്തീ​നി​ക​ളു​ടെ മ​ര​ണം സ്ഥി​രീ​ക​രി​ച്ചി​ട്ടു​ണ്ട്. മൂ​ന്ന് ആ​ശു​പ​ത്രി​ക​ൾ പൂ​ർ​ണ​മാ​യി ഒ​ഴി​യണമെന്ന് ഇസ്രായേൽ ഭീഷണിപ്പെടുത്തിയിട്ടുണ്ട്.

ജ​ബാ​ലി​യ അ​ഭ​യാ​ർ​ഥി ക്യാ​മ്പി​ൽ ക​ന​ത്ത ആ​ക്ര​മ​ണം തു​ട​രു​ക​യാ​ണ്. പു​റ​ത്തി​റ​ങ്ങു​ന്ന​വ​ർ​ക്ക് നേ​രെ വെ​ടി​വെ​പ്പും ബോം​ബി​ങ്ങും ന​ട​ക്കു​ന്ന​തി​നാ​ൽ പു​റ​ത്തി​റ​ങ്ങാ​നും ജ​നം ഭ​യ​ക്കു​ന്നു​ണ്ട്. ഒ​രു വ​ർ​ഷം പി​ന്നി​ട്ട അ​ധി​നി​വേ​ശ​ത്തി​നി​ടെ മൂ​ന്നാം ത​വ​ണ​യാ​ണ് ക്യാ​മ്പ് ആ​ക്ര​മി​ക്ക​പ്പെ​ടു​ന്ന​ത്. ഇ​വി​ടെ 24 മ​ണി​ക്കൂ​റി​നി​ടെ ഒ​മ്പ​ത് പേ​ർ മ​രി​ക്കു​ക​യും 25 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​ട്ടു​ണ്ട്. മ​രി​ച്ച​വ​രി​ൽ ര​ണ്ട് സ്ത്രീ​ക​ളും ര​ണ്ട് കു​ട്ടി​ക​ളും പെ​ടും.

ശ​നി​യാ​ഴ്ച വീ​ണ്ടും തു​ടങ്ങി​യ സൈ​നി​ക നീ​ക്ക​ത്തെ തു​ട​ർ​ന്ന് വ​ട​ക്ക​ൻ ഗ​സ്സ​യി​ലെ യു.​എ​ൻ കേ​ന്ദ്ര​ങ്ങ​ൾ അ​ട​ച്ചി​ട്ടു. അ​വ​ശ്യ​വ​സ്തു​ക്ക​ൾ വി​ൽ​പ​ന ന​​ട​ത്തു​ന്ന കേ​ന്ദ്ര​ങ്ങ​ൾ അ​ട​ച്ചു​പൂ​ട്ടി​യ​തി​നൊ​പ്പം ഇ​ന്ധ​ന​മ​ട​ക്കം വ​സ്തു​ക്ക​ൾ എ​ത്തി​ക്കു​ന്ന​തും വി​ല​ക്കി. ബ​യ്ത് ലാ​ഹി​യ​യി​ലെ ക​മാ​ൽ അ​ദ്‍വാ​ൻ ആ​ശു​പ​ത്രി​യി​ൽ ഇ​സ്രാ​യേ​ൽ സൈ​നി​ക ആ​ക്ര​മ​ണം തു​ട​രു​ക​യാ​ണ്. 24 മ​ണി​ക്കൂ​റി​ന​കം ആ​ശു​പ​ത്രി സ​മ്പൂ​ർ​ണ​മാ​യി ഒ​ഴി​യ​ണ​മെ​ന്നാ​ണ് അ​ന്ത്യ​ശാ​സ​നം. ഗ​സ്സ​യി​ലെ ഏ​റ്റ​വും വ​ലി​യ ആ​തു​രാ​ല​യ​മാ​യി​രു​ന്ന അ​ൽ​ശി​ഫ ആ​ശു​പ​ത്രി ക​ഴി​ഞ്ഞ ഏ​പ്രി​ലി​ൽ ത​ക​ർ​ത്തു​ത​രി​പ്പ​ണ​മാ​ക്കി​യ​തി​ന് സ​മാ​ന​മാ​യി ക​മാ​ൽ അ​ദ്‍വാ​ൻ ആ​ശു​പ​ത്രി​യും ത​ക​ർ​ക്കു​മെ​ന്നാ​ണ് ഭീ​ഷ​ണി.

23 ല​ക്ഷം ഫ​ല​സ്തീ​നി​ക​ൾ താ​മ​സി​ച്ചു​വ​ന്ന കെ​ട്ടി​ട​ങ്ങ​ളി​ൽ മൂ​ന്നി​ൽ ര​ണ്ടും അ​തി​ലേ​റെ​യും ഇ​തി​ന​കം ത​ക​ർ​ക്ക​പ്പെ​ട്ടു​ക​ഴി​ഞ്ഞ ഗ​സ്സ​യി​ൽ മ​ഹാ​ഭൂ​രി​പ​ക്ഷ​വും താ​മ​സി​ക്കു​ന്ന​ത് ത​മ്പു​ക​ളി​ലാണ്. 1948ലെ ​ന​ക്ബ​യു​ടെ ഭാ​ഗ​മാ​യ കു​ടി​യൊ​ഴി​പ്പി​ക്ക​ൽ മു​ത​ൽ ഫ​ല​സ്തീ​നി​ക​ൾ പ​ല​പ്പോ​ഴാ​യി ത​മ്പു​ക​ളി​ൽ താ​മ​സി​ച്ചി​ട്ടു​ണ്ടെ​ങ്കി​ലും നി​ല​വി​ൽ ഗ​സ്സ​യെ സ​മ്പൂ​ർ​ണ​മാ​യി ചാ​ര​മാ​ക്കി എ​ല്ലാ​വ​രെ​യും പു​റ​ത്താ​ക്ക​ലാ​ണ് ഇ​സ്രാ​യേ​ൽ ല​ക്ഷ്യം. എ​ന്നാ​ൽ, ത​ങ്ങ​ൾ​ക്ക് മ​റ്റു രാ​ജ്യ​ങ്ങ​ളി​ലേ​ക്ക് പ​ലാ​യ​ന​ത്തി​ന് താ​ൽ​പ​ര്യ​മി​ല്ലെ​ന്ന് മ​ഹാ​ഭൂ​രി​പ​ക്ഷ​വും പ​റ​യു​ന്നു. അ​ത​ത് കാ​ല​ത്ത് ഇ​സ്രാ​യേ​ൽ പു​റ​ന്ത​ള്ളു​ന്ന​വ​രെ സ്വീ​ക​രി​ക്കു​ന്ന​തി​ന് പ​ക​രം അ​വ​ർ​ക്ക് സ്വ​ന്തം നാ​ട്ടി​ൽ താ​മ​സി​ക്കാ​ൻ അ​വ​സ​ര​മൊ​രു​ക്കു​ക​യാ​ണ് വേ​ണ്ട​തെ​ന്ന് അ​യ​ൽ​രാ​ജ്യ​ങ്ങ​ളും നി​ല​പാ​ട് വ്യ​ക്ത​മാ​ക്കി​ക്ക​ഴി​ഞ്ഞു. പ​ല​വ​ട്ടം കു​ടി​യൊ​ഴി​പ്പി​ച്ച് എ​ന്നെ​ങ്കി​ലും ഗ​സ്സ വി​ട്ടു​പോ​കാ​ൻ ഫ​ല​സ്തീ​നി​ക​ളു​ടെ മ​ന​സ്സ് പാ​ക​പ്പെ​ടു​ത്തി​യെ​ടു​ക്ക​ലാ​ണ് നി​ല​വി​ൽ ഇ​സ്രാ​യേ​ൽ രീ​തി. 10ലേ​റെ ത​വ​ണ​യെ​ങ്കി​ലും അ​ഭ​യം മാ​റി​മാ​റി​ക്ക​യ​റി​യ​വ​രാ​ണ് നി​ല​വി​ൽ ല​ക്ഷ​ക്ക​ണ​ക്കി​ന് ഫ​ല​സ്തീ​നി​ക​ൾ. 90 ശ​ത​മാ​ന​ത്തി​ലേ​റെ​യും ഒ​രി​ക്ക​ലെ​ങ്കി​ലും നാ​ടു​വി​ട്ട​വ​രാ​ണ്.