ഇത്​ പുതിയകാലത്തെ ജാപ്പനീസ്​ 'റാപുൻസൽ', 15 വർഷമായി വെട്ടാത്ത ഇവരുടെ മുടിയുടെ നീളം കേട്ട്​അമ്പരന്ന്​ ലോകം

ലോകത്തെ ഏറ്റവും പ്രചാരമുള്ള ജർമൻ നാടോടി കഥകളിൽ ഒന്നാണ്​ റാപുൻസലി​േന്‍റത്​. ദുർമന്ത്രവാദി ഉയർന്ന ഗോപുരത്തിൽ തടവിലിട്ട സുന്ദരിയായ യുവതിയായിരുന്നു റാപുൻസൽ. റാപുൻസലിന്‍റെ പ്രത്യേകത അവളുടെ നീളൻ തലമുടിയായിരുന്നു. അവസാനം അവളെ രക്ഷിക്കാനെത്തിയ രാജകുമാരന്​ ഗോപുരത്തിലെ ജാലകത്തിലൂടെ തന്‍റെ തലമുടി താഴേക്ക്​ ഇട്ടുകൊടുക്കുകയായിരുന്നു റാപുൻസൽ. അതിലൂടെ പിടിച്ചുകയറിയ രാജകുമാരൻ റാപുൻസലിന്‍റെ അടുത്തെത്തിയതായാണ്​ കഥ. പുതിയ കാലത്തെ ജാപനീസ്​ റാപുൻസലിന്‍റെ കഥയാണ്​ ഇപ്പോൾ സമൂഹമാധ്യമങ്ങളിൽ പ്രചരിക്കുന്നത്​.

15 വർഷമായി മുറിച്ചിട്ടില്ലാത്ത ഇവരുടെ മുടിയുടെ നീളം ആറ്​ അടി, മൂന്ന്​ ഇഞ്ച് ആണ്​. 'റിൻ കമ്പെ' എന്ന മോഡൽകൂടിയായ 35 കാരി യുവതിയെ ജാപ്പനീസ് 'റാപുൻസൽ' എന്നാണ് ആരാധകർ​ വിളിക്കുന്നത്​. 20 വയസുമുതൽ താൻ മുടി മുറിച്ചിട്ടില്ലെന്ന്​ ഇവർപറയുന്നു. തലമുടി ആരോഗ്യകരമായി നിലനിർത്തുന്നത്​ അത്ര എളുപ്പമല്ലെന്നാണ്​ റിൻ പറയുന്നത്​. പലപ്പോഴും കുങ്കുമത്തിൽ നിന്ന് നിർമിച്ച ക്രീം പുരട്ടേണ്ടിവരുന്നതിനാൽ ചെലവ്​കൂടുതലാണ്​. പതിവ് പോഷണത്തിനുപുറമെ, വളർച്ച ഉറപ്പാക്കാൻ ശരീരത്തിലെ ഇരുമ്പിന്‍റെ അളവ് നിരീക്ഷിക്കേണ്ടതായുണ്ട്.

View this post on Instagram

A post shared by Rin Kambe (@rin_rapunzel)

'എന്‍റെ മുടി നീളമുള്ളതും പ്രകൃതിദത്തവുമായിരുന്നു. മോഡലിങ്ങിന്‍റെ ഭാഗമായുള്ള നൃത്ത ആവിഷ്കാരങ്ങൾക്ക്​ മുടി ആവശ്യവുമായിരുന്നു' -റിൻ പറഞ്ഞു. നീണ്ട മുടി കാരണം ജനപ്രീതി നേടിയ ഒരേയൊരാൾ റിൻ മാത്രമല്ല. ഗുജറാത്തിൽ നിന്നുള്ള കൗമാരക്കാരി നിലൻഷി പട്ടേൽ 2018ൽ ഏറ്റവും നീളമുള്ള മുടിയുടെ ഗിന്നസ് റെക്കോർഡ്​ സ്​ഥാപിച്ചിരുന്നു. ഒരു വർഷത്തിനുശേഷം പട്ടേൽ വീണ്ടും ആറ്​ അടി 2.8 ഇഞ്ച് തലമുടിയുമായി പുതിയ ലോക റെക്കോർഡ് സ്ഥാപിച്ചു. നിലൻ‌ഷിയുടെ ചിത്രം ഗിന്നസ് റെക്കോർഡ് അധികൃതർ ഇൻസ്റ്റാഗ്രാമിൽ പോസ്റ്റ് ചെയ്തിരുന്നു.