വയനാടിന്റെ ദുഃഖത്തിൽ പങ്കുചേരുന്നു; അനുശോചനം അറിയിച്ച് ജോ ബൈഡൻ

വാഷിങ്ടൺ: വയനാട്ടിലെ ഉരുൾപൊട്ടൽ ദുരന്തത്തിൽ അനുശോചനം അറിയിച്ച് യു.എസ് പ്രസിഡന്റ് ജോ ബൈഡൻ. വ്യാഴാഴ്ചയാണ് അനുശോചനം അറിയിച്ചുള്ള യു.എസ് പ്രസിഡന്റിന്റെ പ്രസ്താവന പുറത്ത് വന്നത്. വയനാട് ഉരുൾപൊട്ടൽ ദുരന്തത്തിൽ താൻ അനുശോചനം അറിയിക്കുകയാണെന്ന് ബൈഡൻ പറഞ്ഞു. ദുരന്തത്തിന് ഇരയായവർക്കൊപ്പം ഞങ്ങളുടെ പ്രാർഥനകളുണ്ടാവുമെന്നും ബൈഡൻ പറഞ്ഞു.

ദുരന്തത്തിൽ പ്രിയപ്പെട്ടവരെ നഷ്ടപ്പെട്ടവരുടെ ദുഃഖത്തിൽ പങ്കു​ചേരുന്നു. സങ്കീർണമായ രക്ഷാപ്രവർത്തനത്തിൽ പങ്കാളികളായ സൈനികരേയും ആദ്യ രക്ഷാദൗത്യത്തിനിറങ്ങിയവരുടേയും ധീരമായ ഇടപെടലുകളെ അഭിവാദ്യം ചെയ്യുകയാണ്. ദുരന്തം അനുഭവിക്കുന്ന ഇന്ത്യൻ ജനത എപ്പോഴും ചിന്തകളിലുണ്ടാവുമെന്നും ബൈഡൻ പറഞ്ഞു.

വ​യ​നാ​ട് മേ​പ്പാ​ടി പ​ഞ്ചാ​യ​ത്തി​ലെ മു​ണ്ട​ക്കൈ​യി​ലും ചൂ​ര​ൽ​മ​ല​യി​ലു​മു​ണ്ടാ​യ ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ മ​രി​ച്ച​വ​രു​ടെ എ​ണ്ണം 300 ക​ട​ന്നു. എ​ന്നാ​ൽ, 189 പേ​ർ മ​രി​ച്ചു​വെ​ന്നാ​ണ് ഔ​ദ്യോ​ഗി​ക ക​ണ​ക്ക്. ഇ​തി​ൽ 85 പു​രു​ഷ​ന്മാ​രും 76 സ്ത്രീ​ക​ളു​മാ​ണ്. 107 മൃ​ത​ദേ​ഹ​ങ്ങ​ളാ​ണ് തി​രി​ച്ച​റി​ഞ്ഞ​ത്. 100 മൃ​ത​ദേ​ഹ അ​വ​ശി​ഷ്ട​ങ്ങ​ൾ ക​ണ്ടു​കി​ട്ടി. 225 പേ​ർ ആ​ശു​പ​ത്രി​ക​ളി​ൽ ചി​കി​ത്സ​യി​ലു​ണ്ട്.

ഉ​രു​ൾ​പൊ​ട്ട​ൽ ഉ​ണ്ടാ​യ​ശേ​ഷം മൂ​ന്നു ദി​വ​സ​ങ്ങ​ളി​ലാ​യി ന​ട​ത്തി​യ ര​ക്ഷാ​പ്ര​വ​ർ​ത്ത​ന​ങ്ങ​ളി​ൽ ജീ​വ​നോ​ടെ​യു​ള്ള എ​ല്ലാ​വ​രെ​യും ര​ക്ഷ​പ്പെ​ടു​ത്താ​ൻ ക​ഴി​ഞ്ഞ​താ​യി ഉ​ന്ന​ത​ത​ല യോ​ഗം വി​ല​യി​രു​ത്തി. മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ലാ​ണ് യോ​ഗം ചേ​ർ​ന്ന​ത്.

മു​ണ്ട​ക്കൈ, അ​ട്ട​മ​ല ഭാ​ഗ​ങ്ങ​ളി​ൽ ഇ​നി ആ​രും ജീ​വ​നോ​ടെ കു​ടു​ങ്ങി​ക്കി​ട​ക്കാ​നു​ള്ള സാ​ധ്യ​ത​യി​ല്ലെ​ന്ന് കേ​ര​ള -ക​ർ​ണാ​ട​ക സ​ബ് ഏ​രി​യ ജ​ന​റ​ൽ ഓ​ഫി​സ​ർ ക​മാ​ൻ​ഡി​ങ് (ജി.​ഒ.​സി) മേ​ജ​ർ ജ​ന​റ​ൽ വി.​ടി. മാ​ത്യു യോ​ഗ​ത്തെ അ​റി​യി​ച്ചു. ഒ​റ്റ​പ്പെ​ട്ട ആ​രെ​ങ്കി​ലും കു​ടു​ങ്ങി​ക്കി​ട​ക്കു​ന്നു​ണ്ടോ എ​ന്ന് പ​രി​ശോ​ധി​ക്കു​ന്നു​ണ്ട്. വീ​ടു​ക​ൾ ഉ​ൾ​പ്പെ​ടെ 348 കെ​ട്ടി​ട​ങ്ങ​ളെ​യാ​ണ് ഉ​രു​ൾ​പൊ​ട്ട​ൽ ബാ​ധി​ച്ച​തെ​ന്ന് ലാ​ൻ​ഡ് റ​വ​ന്യൂ ക​മീ​ഷ​ണ​ർ ഡോ. ​എ. കൗ​ശി​ഗ​ൻ അ​റി​യി​ച്ചു.