യു.എസിൽ ഫെഡറൽ ജഡ്​ജിയായി ഇന്ത്യൻ വംശജ​യെ നിയമിച്ച്​ ബൈഡൻ

വാഷിങ്ടൺ: യു.എസിൽ ഫെഡറൽ ജഡ്​ജിയായി ഇന്ത്യൻ വംശജ. സർക്യൂട്ട്​ കോടതി ജഡ്​ജിയായിരുന്ന ഷാലിന ഡി കുമാറിനെയാണ്​ മിഷിഗൺ ചുമ​തലയുള്ള ഫെഡറൽ ജഡ്​ജിയായി വൈറ്റ്​ ഹൗസ്​ പ്രഖ്യാപിച്ചത്​. ഓക്​ലൻഡ്​ കൗണ്ടി സിക്​സ്​ത്​ സർക്യുട്ട്​ കോടതിയിൽ 2007 മുതൽ സേവനമനുഷ്​ഠിച്ചുവരികയായിരുന്നു. സിവിൽ, ക്രിമിനൽ കേസുകൾ ഇവർ പരിഗണിക്കും. നേരത്തെ 10 വർഷത്തോളം സ്വകാര്യ മേഖലയിൽ സേവനം ചെയ്​ത ശേഷമാണ്​ 2007ൽ സർക്കാർ സർവീസിലെത്തിയത്​.

1993ൽ മിഷിഗൺ യൂനിവേഴ്​സിറ്റിയിലും 1996ൽ ഡെട്രോയിറ്റ്​ യൂനിവേഴ്​സിറ്റിയിലുമായിരുന്നു വിദ്യാഭ്യാസം.