നെഞ്ചിൽ കത്തിയുമായി യുവാവ്​ ജീവിച്ചത്​ ഒരു വർഷത്തിലധികം; വിവരം പുറത്തറിയുന്നത്​ ആരോഗ്യ പരിശോധനക്കെത്തിയപ്പോൾ

​ജോലി ആവശ്യത്തിനായി ആരോഗ്യപരിശോധനക്കെത്തിയതായിരുന്നു 36കാരനായ ഫിലിപ്പീൻ യുവാവ്​ കെന്‍റ്​ റയാൻ തോമോ. ആരോഗ്യ പരിശോധനയിൽ തെളിഞ്ഞതാ​ക​ട്ടെ ഞെട്ടിക്കുന്ന വിവരവും. 14മാസത്തോളമാണ്​ ശ്വാസകോശത്തിനും വാരി​െയല്ലിനും ഇടയിൽ നാലിഞ്ച്​ വലിപ്പത്തിലുള്ള കത്തിയുമായി കെന്‍റ്​ ജീവിച്ചത്​.

കഴിഞ്ഞവർഷം ജനുവരിയിൽ ജോലി കഴിഞ്ഞ്​ വീട്ടിലേക്ക്​ മടങ്ങുന്നതിനിടെ കെന്‍റ്​ ആക്രമിക്ക​െപ്പട്ടിരുന്നു. ​കത്തികൊണ്ട്​ പരിക്കേറ്റ കെന്‍റിനെ ആശുപത്രിയിൽ പ്രവേശിപ്പിക്കുകയും ചെയ്​തു. തന്‍റെ മുറിവ്​ മാത്രമാണ്​ ഡോക്​ടർമാർ തുന്നിച്ചേർത്തതെന്നും ശരീരത്തിനകത്ത്​ അക​െപ്പട്ട കത്തി എടുത്തുമാറ്റിയില്ലെന്നും യുവാവ്​ ആരോപിച്ചു.

ശരീരത്തിനകത്തുനിന്ന്​ കത്തിയെടുത്താൽ മാത്രമേ ഖനിയിലെ പുതിയ ജോലിയിൽ യുവാവിന്​ പ്രവേശിക്കാൻ സാധിക്കൂ. ശരീരത്തിൽ കത്തിയുമായി ജീവിക്കുന്ന ഒരാളെ ജോലിയിൽ പ്രവേശിപ്പിക്കുന്നത്​ അപകടകരമാണെന്ന്​ തൊഴിലുടമ പറഞ്ഞു.

'കഴിഞ്ഞവർഷം എന്നെ ചികിത്സിച്ച ഡോക്​ടർമാർ മുറിവ്​ സൂക്ഷ്​മമായി പരിശോധിച്ചില്ല. അവർ ശരിയായി പരിശോധിച്ചിരുന്നെങ്കിൽ ഇത്​ സംഭവിക്കില്ലായിരുന്നു. ഇത്​ അവരുടെ തെറ്റാണ്​. അവർ തന്നെ ശരിയാക്കി നൽകണം' - കെന്‍റ്​ പ്രദേശിക മാധ്യമത്തോട്​ പറഞ്ഞു​.

മുറിവുമായി ആശുപത്രിയിലെത്തിയപ്പോൾ അവർ അത്​ തുന്നിച്ചേർത്തു. ശേഷം വേദന സംഹാരി നൽകുകയും വീട്ടിലേക്ക്​ അയക്കുകയുമായിരുന്നു. ശൈത്യകാലത്തും മറ്റും നെഞ്ചിന്​ വേദന അനുഭവപ്പെട്ടിരുന്നു. എന്നാൽ ഇത്രയും ഗുരുതരമാണെന്ന്​ കരുതിയിരുന്നില്ല. ശരീരത്തിൽ കത്തിയുണ്ടാകുമെന്ന്​ ചിന്തിക്കാൻ പോലും കഴിഞ്ഞില്ല. വേദന അനു​ഭ​വപ്പെട​ു​േമ്പാൾ ഡോക്​ടറെ സമീപിക്കാൻ പോലും തയാറായില്ല. വേദന മാറുന്നത്​ വരെ വി​ശ്രമിച്ചു. ഇപ്പോൾ അതിന്‍റെ യഥാർഥ കാരണം മനസിലായതായും കെന്‍റ്​ പറഞ്ഞു.

ശരീരത്തിൽനിന്ന്​ കത്തി നീക്കം ​െചയ്യണമെങ്കിൽ ശസ്ത്രക്രിയ വേണ്ടിവരും. എന്നാൽ അതിനുള്ള പണം തന്‍റെ കൈയിലില്ല. കത്തി നീക്കം ​െചയ്യാൻ പണം ​കണ്ടെത്തണമെങ്കിൽ ​േജാലി ചെയ്യണം. ജോലി ലഭിക്കണമെങ്കിൽ കത്തി നീക്കം ​െചയ്യുകയും വേണമെന്നും കെന്‍റ്​ പറഞ്ഞു.