ഇറാനിൽ മൃഗശാല ജീവനക്കാരനെ കൊന്ന് ഇണയുമായി സിംഹം രക്ഷപ്പെട്ടു

തെഹ്റാൻ: ഇറാനിലെ മൃഗശാലയിൽ സിംഹത്തി​ന്‍റെ ആക്രമണത്തിൽ സൂക്ഷിപ്പുകാരൻ മരിച്ചു. ജീവനക്കാരനെ കടിച്ചുകൊന്ന ശേഷം സിംഹം ഇണയുമായി മൃഗശാലയിൽ നിന്ന് രക്ഷപ്പെടുകയും ചെയ്തു. തെഹ്റാനിൽ നിന്ന് 200 കി.മി പടിഞ്ഞാറുള്ള മാർക്കസി പ്രവിശ്യയിലെ അറാക് നഗരത്തിലെ മൃഗശാലയിലാണ് സംഭവം.

വർഷങ്ങളായി മൃഗശാലയിലുണ്ടായിരുന്ന സിംഹമാണ് ആക്രമണം നടത്തിയത്. കൂടി​ന്‍റെ വാതിൽ തുറന്ന് പുറത്തിറങ്ങിയ സിംഹം, ഭക്ഷണവുമായെത്തിയ 40 കാരനായ മൃഗശാല ജീവനക്കാരനെ ആക്രമിച്ച് കൊലപ്പെടുത്തുകയായിരുന്നു.

സംഭവത്തിനു പിന്നാലെ മൃഗശാലയുടെ നിയന്ത്രണം സുരക്ഷ സേന ഏറ്റെടുത്തു.