ജനരോഷത്തിനിടെ ഇറാഖിൽ വോ​​ട്ടെടുപ്പ്​

ബഗ്​ദാദ്​: കടുത്ത ജനരോഷത്തിനിടെ ഇറാഖിൽ പൊതുതെരഞ്ഞെടുപ്പ്​ നടന്നു. പോളിങ്ങിൽ വലിയ ഇടിവുണ്ടാകാൻ സാധ്യതയുണ്ടെന്നാണ്​ വിലയിരുത്തൽ. അഴിമതിയും സർക്കാറി​െൻറ കെടുകാര്യസ്​ഥതയുമാണ്​ എതിർപ്പിനു കാരണം.

നാലു കോടിയിലേറെ ​ജനസംഖ്യയു​ള്ള ഇറാഖിൽ രണ്ടരകോടി വോട്ടർമാരാണുള്ളത്​. തെരഞ്ഞെടുപ്പിൽ ശിയ നേതാവ്​ മുഖ്​തദ അൽ സദ്​റി​െൻറ നേതൃത്വത്തിലുള്ള വിഭാഗം മുന്നിലെത്തുമെന്നാണ്​ കരുതുന്നത്​.2018ലെ തെരഞ്ഞെടുപ്പിൽ 44.5 ശതമാനമായിരുന്നു പോളിങ്​. സുരക്ഷസേനാംഗങ്ങൾ, ജയിൽ പുള്ളികൾ, പ്രാദേശികമായി കുടിയേറിപ്പാർത്തവർ എന്നിവർക്ക്​ രണ്ടു ദിവസംമുമ്പ്​ വോട്ട്​ ചെയ്യാൻ സംവിധാനമൊരുക്കിയിരുന്നു.

തെരഞ്ഞെടുപ്പിന്​ തൊട്ടുമുമ്പ്​ മാധ്യമപ്രവർത്തകനെ കാണാതായി

ബഗ്​ദാദ്​: ഇറാഖിൽ പാർലമെൻറ്​ തെരഞ്ഞെടുപ്പിനു തൊട്ടുമുമ്പ്​ മാധ്യമപ്രവർത്തകനെ കാണാതായതായി പരാതി. അൽസുമാരിയ ടി.വി, ഡ്യൂട്​ഷെ വെല്ലെ എന്നീ മാധ്യമസ്​ഥാപനങ്ങൾക്കുവേണ്ടി ജോലിചെയ്യുന്ന അലി അബ്​ദുൽ സഹ്​റനെ കാണാനില്ലെന്നു കുടുംബാംഗങ്ങളാണ്​ പരാതി നൽകിയത്​.