സാനിറ്റൈസർ ദേഹത്ത്​ പുരട്ടി പൊലീസ്​ സ്​റ്റേഷനിലെത്തി; പൊലീസിന്‍റെ ഇലക്​ട്രിക്​ ഷോക്കിൽ ഗുരുതര പൊള്ളൽ​

വാഷിങ്​ടൺ: സാനിറ്റൈസർ പുരട്ടി പൊലീസ്​ സ്​റ്റേഷനിലെത്തിയയാൾക്ക്​ ഇലക്​ട്രിക്​ ഷോക്കിൽ ഗുരുതര പൊള്ളൽ. തങ്ങളെ ആക്രമിക്കാൻ ഇയാൾ മുതിർന്നപ്പോൾ​ ഷോക്കടിപ്പിക്കുന്ന ഉപ​കരണം ഉപയാഗിക്കുകയായിരുന്നുവെന്നാണ്​ ​െപാലീസ്​ വിശദീകരണം. കാറ്റ്​സ്​കിൽ ഗ്രാമത്തിലെ പൊലീസ്​ സ്​റ്റേഷനിലെത്തിയ ആൾക്കാണ്​ പൊളളലേറ്റത്​.

ഇയാൾ ആക്രമിക്കാൻ വരികയാണെന്ന ഭയത്തിലാണ്​ ഇലക്​ട്രിക്​ ഷോക്ക്​ നൽകിയതെന്ന്​ ഉദ്യോഗസ്ഥർ വിശദീകരിച്ചു. എന്നാൽ, ഇതുസംബന്ധിച്ച കൂടുതൽ വിവരങ്ങൾ പുറത്ത്​ വന്നിട്ടില്ല. പരിക്കേറ്റയാളിനെ വെസ്റ്റ്​ചെസ്റ്റർ മെഡിക്കൽ സെന്‍ററിലേക്ക്​ മാറ്റി​.

ഇയാളുടെ ആരോഗ്യനില ഗുരുതരമായി തുടരുന്നുവെന്നാണ്​ റിപ്പോർട്ട്​. ഞെട്ടിപ്പിക്കുന്ന സംഭവമാണുണ്ടായതെന്നും ഗ്രീറ്റ്​ കൺട്രി അറ്റോണി ഓഫിസ്​ ഇതുസംബന്ധിച്ച്​ അന്വേഷണം നടത്തുമെന്നും പൊലീസ്​ മേധാവി പറഞ്ഞു. അതേസമയം, സംഭവത്തെക്കുറിച്ച്​ പ്രതികരിക്കാൻ പരിക്കേറ്റയാളുടെ കുടുംബം തയാറായിട്ടില്ല.