അ​ര​നൂ​റ്റാ​ണ്ടി​ന് ശേ​ഷം മ​നു​ഷ്യ​ൻ വീ​ണ്ടും ച​ന്ദ്ര​നി​ലേ​ക്ക്

ന്യൂ​യോ​ർ​ക്: അ​ര​നൂ​റ്റാ​ണ്ടി​ന് ശേ​ഷം മ​നു​ഷ്യ​ൻ വീ​ണ്ടും ച​ന്ദ്ര​നി​ൽ കാ​ലു​കു​ത്താ​ൻ ഒ​രു​ങ്ങു​ന്നു. 2025ൽ ​മ​നു​ഷ്യ​നെ ച​ന്ദ്ര​നി​ൽ എ​ത്തി​ക്കാ​നാ​ണ് നാ​സ പ​ദ്ധ​തി ത​യാ​റാ​ക്കി​യ​ത്. ആ​ർ​ട്ടി​മി​സ് പ​ദ്ധ​തി​യി​ലെ യാ​ത്രാ​പേ​ട​ക​മാ​യ ഒ​റി​യോ​ണി​നെ വ​ഹി​ക്കു​ന്ന പ​രീ​ക്ഷ​ണ വി​ക്ഷേ​പ​ണം (ആ​ർ​ട്ടി​മി​സ് 1) ഫ്ലോ​റി​ഡ​യി​ലെ കെ​ന്ന​ഡി ബ​ഹി​രാ​കാ​ശ കേ​ന്ദ്ര​ത്തി​ൽ വി​ജ​യ​ക​ര​മാ​യി ന​ട​ന്നു. 410 കോ​ടി യു.​എ​സ് ഡോ​ള​റാ​ണ് ഇ​തി​നാ​യി ചെ​ല​വ​ഴി​ച്ച​ത്.

ബ​ഹി​രാ​കാ​ശ യാ​ത്രി​ക​ർ​ക്ക് ച​ന്ദ്ര​നി​ലെ സാ​ഹ​ച​ര്യ​ങ്ങ​ൾ അ​നു​യോ​ജ്യ​മാ​ണോ എ​ന്ന് പ​രി​ശോ​ധി​ക്കു​ക, പേ​ട​ക​ത്തി​നു​ള്ളി​ലെ ച​ല​ന​വും അ​ണു​വി​കി​ര​ണ​ തോ​തും മ​ന​സ്സി​ലാ​ക്കു​ക എ​ന്നി​വ​യാ​ണ് ആ​ർ​ട്ടി​മി​സ് ഒ​ന്നി​ന്റെ ല​ക്ഷ്യം. 98 മീ​റ്റ​ർ നീ​ള​വും 46 ട​ൺ ഭാ​ര​വു​മു​ള്ള എ​സ്.​എ​ൽ.​എ​സ് റോ​ക്ക​റ്റി​ലേ​​റി പ​റ​ന്നു​യ​ർ​ന്ന 7700 കി​ലോ ഭാ​ര​മു​ള്ള ഒ​റി​യോ​ൺ പേ​ട​കം തി​ങ്ക​ളാ​ഴ്ച​യോ​ടെ ച​ന്ദ്ര​ന്റെ ഭ്ര​മ​ണ​പ​ഥ​ത്തി​ൽ പ്ര​വേ​ശി​ച്ചേ​ക്കും. 21 ദി​വ​സം ഒ​റി​യോ​ൺ ച​ന്ദ്ര​നെ ചു​റ്റും.

ദൗ​ത്യം പൂ​ർ​ത്തി​യാ​ക്കി ഡി​സം​ബ​ർ 11ന് ​ശാ​ന്ത​സ​മു​ദ്ര​ത്തി​ൽ പ​തി​ക്കും. മ​നു​ഷ്യ​ർ​ക്ക് പ​ക​ര​മാ​യ മൂ​ന്ന് ബൊ​മ്മ​ക​ളെ​യാ​ണ് ബു​ധ​നാ​ഴ്ച ഒ​റി​യോ​ൺ പേ​ട​കം കൊ​ണ്ടു​പോ​യ​ത്. ഇ​വ​യു​ടെ സ്​​പേ​സ് സ്യൂ​ട്ട് തി​രി​ച്ചെ​ത്തി​യ ശേ​ഷം പ​രി​ശോ​ധി​ക്കും.

പ​രീ​ക്ഷ​ണ ഘ​ട്ടം വി​ജ​യ​മാ​യാ​ൽ 2024ൽ ​ആ​ർ​ട്ടി​മി​സ് 2 ദൗ​ത്യ​ത്തി​ൽ നാ​ലു​പേ​ര​ട​ങ്ങി​യ യാ​ത്രാ​സം​ഘ​ത്തെ അ​യ​ക്കും. ഈ ​ദൗ​ത്യ​ത്തി​ൽ ച​ന്ദ്ര​നെ ഭ്ര​മ​ണം ചെ​യ്യും. ബ​ഹി​രാ​കാ​ശ​ത്ത് ഏ​റ്റ​വും കൂ​ടു​ത​ൽ ദൂ​രം യാ​ത്ര ചെ​യ്ത​വ​രാ​യി ഇ​തി​ലെ യാ​ത്രി​ക​ർ മാ​റും.

2025ൽ ​ന​ട​ത്തു​ന്ന ആ​ർ​ട്ടി​മി​സ് 3 ദൗ​ത്യ​ത്തി​ലാ​ണ് മ​നു​ഷ്യ​ൻ ച​ന്ദ്ര​നി​ലി​റ​ങ്ങു​ക. ച​ന്ദ്ര​നി​ലെ​ത്തു​ന്ന ആ​ദ്യ വ​നി​ത​യും സം​ഘ​ത്തി​ലു​ണ്ടാ​കും. ഒ​റി​യോ​ൺ പേ​ട​കം ച​ന്ദ്ര​ന്റെ ​ഭ്ര​മ​ണ​പ​ഥ​ത്തി​ലെ​ത്തു​ക​യും ഭ്ര​മ​ണം തു​ട​രു​ക​യും ചെ​യ്യും. ഇ​തി​ൽ​നി​ന്ന് സ്​​പേ​സ് എ​ക്സ് നി​ർ​മി​ച്ച പ്ര​ത്യേ​ക ലാ​ൻ​ഡ​റി​ലാ​ണ് ര​ണ്ട് യാ​ത്രി​ക​ർ ച​ന്ദ്ര​നി​ൽ ഇ​റ​ങ്ങു​ക.

ഒ​രാ​ഴ്ച​ത്തെ പ​രീ​ക്ഷ​ണ​ത്തി​ന് ശേ​ഷം തി​രി​കെ ഒ​റി​യോ​ണി​ലെ​ത്തി ഭൂ​മി​യി​ലേ​ക്ക് തി​രി​ക്കും. മൂ​ന്ന് ഘ​ട്ട​മു​ള്ള ആ​ർ​ട്ടി​മി​സ് ദൗ​ത്യ​ത്തി​നാ​യി ആ​കെ 9300 കോ​ടി യു.​എ​സ് ഡോ​ള​റാ​ണ് ചെ​ല​വ് ക​ണ​ക്കാ​ക്കു​ന്ന​ത്. 13 ദൗ​ത്യ​ങ്ങ​ളി​ലേ​ക്ക് ​വ​രെ ആ​ർ​ട്ടി​മി​സ് നീ​ട്ടാ​നും നാ​സ​ക്ക് പ​ദ്ധ​തി​യു​ണ്ട്.

മ​നു​ഷ്യ​നെ ആ​ദ്യ​മാ​യി ച​ന്ദ്ര​നി​ലി​റ​ക്കി​യ​ത് 1969 ജൂ​ലൈ​യി​ൽ ന​ട​ത്തി​യ അ​പ്പോ​ളോ 11 ദൗ​ത്യ​മാ​യി​രു​ന്നു. നീ​ൽ ആം​സ്ട്രോ​ങ്, എ​ഡ്വി​ൻ ആ​ൾ​ഡ്രി​ൻ, മൈ​ക്ക​ൽ കോ​ളി​ൻ​സ് എ​ന്നി​വ​രാ​യി​രു​ന്നു യാ​ത്രി​ക​ർ. 1972ൽ ​ന​ട​ന്ന അ​പ്പോ​ളോ 17 വ​രെ​യു​ള്ള ദൗ​ത്യ​ങ്ങ​ളി​ലാ​യി 12 പേ​രാ​ണ് ച​ന്ദ്ര​നി​ൽ എ​ത്തി​യി​ട്ടു​ള്ള​ത്.