കേസ്​ റദ്ദാക്കണമെന്നാവശ്യപ്പെട്ട് ചോക്​സി ഡൊമിനിക്കൻ ഹൈകോടതിയിൽ

ന്യൂഡൽഹി: നിയമവിരുദ്ധമായി രാജ്യത്തേക്ക്​ പ്രവേശിച്ചുവെന്ന കേസ്​ റദ്ദാക്കണമെന്നാവശ്യപ്പെട്ട്​ മെഹുൽ ചോക്​സി ഡൊമിനിക്കൻ ഹൈകോടതിയിൽ ഹരജി നൽകി. ഇന്ത്യൻ സർക്കാറിന്‍റെ ആളുകൾ തന്നെ ആന്‍റിഗയിൽ നിന്ന്​ തട്ടിക്കൊണ്ടുവന്നതാണെന്നും അദ്ദേഹം ബോധിപ്പിച്ചു.

13,500 കോടിയുടെ വായ്​പ തട്ടിപ്പ്​ കേസിൽ പ്രതിയായ ചോക്​സി ഇന്ത്യയിൽ നിന്ന്​ രക്ഷപ്പെട്ട ശേഷം 2018 മുതൽ ആന്‍റിഗയിലായിരുന്നു. മേയ്​ 23നാണ്​ ഇദ്ദേഹം അയൽ രാജ്യമായ ഡൊമിനിക്കയിൽ അറസ്റ്റിലായത്​.

താൻ ആന്‍റിഗൻ പൗരനാണെന്നും ഇന്ത്യക്ക്​ കൈമാറരുതെന്നും ആവശ്യപ്പെട്ട്​ അവിടെ കോടതിയെ സമീപിച്ചിരുന്നു.