ഇസ്രായേലിലെ തെൽ അവീവിൽ മിസൈൽ ആക്രമണം; 14 പേർക്ക് പരിക്ക്

തെൽ അവീവ്: ഇസ്രായേൽ തലസ്ഥാനമായ തെൽ അവീവിൽ യെമനിൽ നിന്നുള്ള മിസൈലുകൾ പതിച്ചു. ആക്രമണത്തിൽ 14 പേർക്ക് പരിക്കേറ്റുവെന്നാണ് റിപ്പോർട്ട്. എന്നാൽ, നിസ്സാര പരിക്കാണ് എല്ലാവർക്കും ഏറ്റിരിക്കുന്നതെന്നും ഗ്ലാസ് തകർന്നത് മൂലമാണ് ഇത് ഉണ്ടായതെന്നും ഇസ്രായേൽ അവകാശപ്പെട്ടു.

മിസൈൽ ആക്രമണം തടയുന്നതിൽ ഇസ്രായേലിന്റെ എയർ ഡിഫൻസ് സിസ്റ്റം പരാജയപ്പെട്ടുവെന്നാണ് റിപ്പോർട്ട്. അതേസമയം, ഗസ്സയിൽ ഇസ്രായേലിന്റെ ആക്രമണങ്ങൾ മാറ്റമില്ലാതെ തുടരുകയാണ്. ഇസ്രായേൽ നടത്തിയ വ്യോമാക്രമണത്തിൽ വെള്ളിയാഴ്ച 25 പേരാണ് കൊല്ലപ്പെട്ടതെന്ന് ഗസ്സ ആരോഗ്യമന്ത്രാലയം അറിയിച്ചു.

കഴിഞ്ഞ 24 മണിക്കൂറിനിടെ ഗസ്സയിൽ 77 പേരാണ് ഇസ്രായേൽ ആക്രമണങ്ങളിൽ മരിച്ചതെന്ന് ഗസ്സ ആരോഗ്യമന്ത്രാലയം അറിയിച്ചു. അതേസമയം, ഗ​സ്സ​യി​ൽ ഇ​സ്രാ​യേ​ൽ ന​ട​ത്തു​ന്ന​ത് വം​ശീ​യ ഉ​ന്മൂ​ല​നം​ത​ന്നെ​യെ​ന്ന് അ​ടി​വ​ര​യി​ട്ട് ഡോ​ക്ടേ​ഴ്സ് വി​ത്തൗ​ട്ട് ബോ​ർ​ഡേ​ഴ്സ് (മെ​ഡി​സി​ൻ​സ് സാ​ൻ​സ് ഫ്ര​ണ്ടി​യേ​ഴ്സ് -എം.​എ​സ്.​എ​ഫ്) റി​പ്പോ​ർ​ട്ട്. സം​ഘ​ട​ന​ക്ക് വേ​ണ്ടി ഗ​സ്സ​യി​ൽ പ്ര​വ​ർ​ത്തി​ച്ചി​രു​ന്ന ആ​രോ​ഗ്യ ജീ​വ​ന​ക്കാ​രി​ൽ​നി​ന്ന് വി​വ​രം ശേ​ഖ​രി​ച്ചാ​ണ് റി​പ്പോ​ർ​ട്ട് ത​യാ​റാ​ക്കി​യ​ത്.

ഇ​സ്രാ​യേ​ൽ സൈ​ന്യം കൂ​ട്ട​ന​ശീ​ക​ര​ണ​വും മ​നു​ഷ്യ​ത്വ​വി​രു​ദ്ധ പ്ര​വ​ർ​ത്ത​ന​ങ്ങ​ളും ന​ട​ത്തി​യ​തി​ന് ആ​രോ​ഗ്യ ജീ​വ​ന​ക്കാ​ർ സാ​ക്ഷി​യാ​ണ്. വ​ട​ക്ക​ൻ ഗ​സ്സ​യി​ൽ​നി​ന്ന് ബോ​ധ​പൂ​ർ​വം ആ​ളു​ക​ളെ പു​റ​ന്ത​ള്ളി. തി​രി​ച്ചു​വ​രാ​ൻ ക​ഴി​യാ​ത്ത​വി​ധം അ​വി​ടെ ന​ശി​പ്പി​ച്ചു​വെ​ന്നും റി​പ്പോ​ർ​ട്ടി​ൽ പ​റ​യു​ന്നു. യു​ദ്ധം ഇ​ന്ന് അ​വ​സാ​നി​ച്ചാ​ലും ത​ല​മു​റ​ക​ളോ​ളം അ​വി​ടെ ജീ​വി​ക്കാ​ൻ ക​ഴി​യാ​ത്ത​വി​ധം അ​ടി​സ്ഥാ​ന സൗ​ക​ര്യ​ങ്ങ​ളും പ്ര​കൃ​തി​യും ന​ശി​പ്പി​ച്ചി​രി​ക്കു​ക​യാ​ണെ​ന്ന് റി​പ്പോ​ർ​ട്ടി​ൽ പ​റ​യു​ന്നു.