വെസ്​റ്റ്​ബാങ്കിൽ 2166 വീടുകൾക്ക്​ ഇസ്ര​ായേൽ അംഗീകാരം

ജറൂസലം: അധിനിവേശ പ്രദേശങ്ങളിൽ സെറ്റിൽമെൻറുകൾ സ്ഥാപിക്കുന്നത്​ നിർത്തിവെക്കുമെന്ന വാഗ്​ദാനം ലംഘിച്ച്​ അധിനിവിഷ്​ട വെസ്​റ്റ്​ബാങ്കിൽ വീടുകൾക്ക്​ ഇസ്രായേൽ അനുമതി.

2166 വീടുകൾ നിർമിക്കുന്നതിനാണ്​ ബുധനാഴ്​ച അംഗീകാരം നൽകിയത്​. വ്യാഴാഴ്​ചയും 2000ത്തിലധികം വീടുകൾക്ക്​ അനുമതി നൽകുമെന്ന റിപ്പോർട്ടുകളുണ്ട്​. വെസ്​റ്റ്​ബാങ്കിൽ സെറ്റിൽമെൻറുകൾ സ്ഥാപിക്കുന്നതിനെതിരെ എട്ടു​ മാസമായി ഫലസ്​തീനി​െൻറയും ലോകരാജ്യങ്ങളുടെയും ശക്​തമായ എതിർപ്പ്​ തുടരുന്നതിനിടെയാണ്​ നടപടി.

വെസ്​റ്റ്​ബാങ്ക്​ അടക്കം അധിനിവേശ പ്രദേശങ്ങളിൽ സെറ്റിൽമെൻറുകൾ സ്ഥാപിക്കുന്നതിൽനിന്ന്​ പിന്മാറുമെന്ന ഇ​സ്രായേലി​െൻറ ഉറപ്പിലാണ്​ യു.എ.ഇയും ബഹ്​റൈനും നയതന്ത്ര ബന്ധം സ്ഥാപിച്ചത്​.

ഇതി​െൻറ ലംഘനമാണ്​ ബെഞ്ചമിൻ നെതന്യാഹു സർക്കാർ ഇപ്പോൾ നടത്തിയിരിക്കുന്നത്​. അന്താരാഷ്​ട്ര നിയമമനുസരിച്ച്​ സെറ്റിൽമെൻറുകൾ നിയമവിരുദ്ധമാണ്​. വെസ്​റ്റ്​ബാങ്കിൽ സെറ്റിൽമെൻറുകൾ സ്ഥാപിക്കുന്നത്​ ഇസ്രായേൽ, ഫലസ്​തീൻ എന്നിങ്ങനെ രണ്ട്​ രാഷ്​ട്രങ്ങളായി സമാധാന ഉടമ്പടിയിൽ എത്താനുള്ള സാധ്യതയും ഇല്ലാതാക്കും.