അധിനിവിഷ്ട വെസ്റ്റ് ബാങ്കിൽ ജൂത കുടിയേറ്റം വ്യാപിപ്പിക്കാൻ നീക്കം; 1000ത്തോ​ളം പു​തി​യ വീ​ടു​ക​ൾ നി​ർ​മി​ക്കാ​നാ​ണ് നീക്കം

ജ​റൂ​സ​ലം: അ​ധി​നി​വി​ഷ്ട വെ​സ്റ്റ് ബാ​ങ്കി​ൽ അ​ന​ധി​കൃ​ത ജൂ​ത കു​ടി​യേ​റ്റം വ്യാ​പി​പ്പി​ക്കാ​ൻ ഇ​സ്രാ​യേ​ൽ നീ​ക്കം തു​ട​ങ്ങി​യ​താ​യി റി​പ്പോ​ർ​ട്ട്. ജൂ​ത കു​ടി​യേ​റ്റ​ക്കാ​ർ​ക്ക് 1000ത്തോ​ളം പു​തി​യ വീ​ടു​ക​ൾ നി​ർ​മി​ക്കാ​നാ​ണ് ശ്ര​മം ന​ട​ക്കു​ന്ന​ത്. ദ്വി​രാ​ഷ്ട്ര വാ​ദം ഉ​യ​ർ​ത്തു​ന്ന ഇ​സ്രാ​യേ​ലി​ലെ പീ​സ് നൗ ​ഏ​ജ​ൻ​സി​യാ​ണ് ഇ​തു​സം​ബ​ന്ധി​ച്ച റി​പ്പോ​ർ​ട്ട് പു​റ​ത്തു​വി​ട്ട​ത്.

ഇ​ഫ്രാ​ത് കു​ടി​യേ​റ്റ ജ​ന​സം​ഖ്യ 40 ശ​ത​മാ​നം വ​ർ​ധി​പ്പി​ക്കാ​നും ഫ​ല​സ്തീ​ൻ ന​ഗ​ര​മാ​യ ബ​ത്‍ല​ഹേ​മി​ന്റെ വി​ക​സ​നം ത​ട​യാ​നും ല​ക്ഷ്യ​മി​ട്ടാ​ണ് പ​ദ്ധ​തി. ക​രാ​ർ ന​ൽ​കു​ക​യും അ​നു​മ​തി ന​ൽ​കു​ക​യും ചെ​യ്യു​ന്ന​തോ​ടെ വീ​ടു​ക​ളു​ടെ നി​ർ​മാ​ണ​ത്തി​ന് തു​ട​ക്ക​മാ​കു​മെ​ന്ന് പീ​സ് നൗ ​ഏ​ജ​ൻ​സി​യു​ടെ കു​ടി​യേ​റ്റ പ്ര​വ​ർ​ത്ത​നം നി​രീ​ക്ഷി​ക്കു​ന്ന സം​ഘ​ത്തി​ന്റെ ത​ല​വ​നാ​യ ഹ​ഗി​ത് ഒ​ഫ്റാ​ൻ പ​റ​ഞ്ഞു.

എ​ന്നാ​ൽ, ക​രാ​ർ ന​ൽ​കു​ന്ന​തി​നും പെ​ർ​മി​റ്റ് അ​നു​വ​ദി​ക്കു​ന്ന​തി​നും ഒ​രു വ​ർ​ഷ​ത്തോ​ള​മെ​ടു​ക്കു​മെ​ന്നാ​ണ് സൂ​ച​ന. ബ​ന്ദി​ക​ളെ മോ​ചി​പ്പി​ക്കാ​നും യു​ദ്ധം അ​വ​സാ​നി​പ്പി​ക്കാ​നും ഇ​സ്രാ​യേ​ൽ ജ​ന​ത ആ​ഗ്ര​ഹി​ക്കു​മ്പോ​ൾ സ​മാ​ധാ​ന​വും വി​ട്ടു​വീ​ഴ്ച​ക്കു​ള്ള അ​വ​സ​ര​വും ഇ​ല്ലാ​താ​ക്കു​ന്ന നീ​ക്ക​മാ​ണ് നെ​ത​ന്യാ​ഹു സ​ർ​ക്കാ​ർ ന​ട​ത്തു​ന്ന​തെ​ന്ന് പീ​സ് നൗ ​ആ​രോ​പി​ച്ചു.

വെ​സ്റ്റ് ബാ​ങ്കി​ൽ ഇ​തി​ന​കം 100ലേ​റെ കു​ടി​യേ​റ്റ മേ​ഖ​ല​ക​ൾ ഇ​സ്രാ​യേ​ൽ നി​ർ​മി​ച്ചി​ട്ടു​ണ്ട്. ചെ​റി​യ ടൗ​ണു​ക​ളും ഭ​വ​ന സ​മു​ച്ച​യ​ങ്ങ​ളും ഷോ​പ്പി​ങ് മാ​ളു​ക​ളും പാ​ർ​ക്കു​ക​ളും ഉ​ൾ​പ്പെ​ടു​ന്ന​താ​ണ് ഇ​സ്രാ​യേ​ൽ കു​ടി​യേ​റ്റ മേ​ഖ​ല​ക​ൾ. 30 ല​ക്ഷ​ത്തോ​ളം ഫ​ല​സ്തീ​നി​ക​ൾ ക​ഴി​യു​ന്ന ​അ​ധി​നി​വി​ഷ്ട വെ​സ്റ്റ് ബാ​ങ്കി​ൽ അ​ഞ്ച് ല​ക്ഷ​ത്തി​ലേ​റെ ജൂ​ത കു​ടി​യേ​റ്റ​ക്കാ​രു​ണ്ട്.

ഇ​വ​ർ​ക്കെ​ല്ലാം ഇ​സ്രാ​യേ​ൽ പൗ​ര​ത്വ​മു​ണ്ട്. ഫ​ല​സ്തീ​നി​ക​ളോ​ട് ഇ​സ്രാ​യേ​ൽ വി​വേ​ച​നം കാ​ണി​ക്കു​ന്നെ​ന്ന് നി​ര​വ​ധി മ​നു​ഷ്യാ​വ​കാ​ശ ഏ​ജ​ൻ​സി​ക​ൾ ചൂ​ണ്ടി​ക്കാ​ട്ടി​യി​രു​ന്നു.