മ്യാന്മർ ഭൂകമ്പം: മരണസംഖ്യ 2700 കടന്നു; പ്രതീക്ഷ മങ്ങി ര​ക്ഷാ​പ്ര​വ​ർ​ത്ത​കർ

യാം​ഗോ​ൻ: മ്യാ​​ന്മ​​റി​​നെ പി​ടി​ച്ചു​കു​ലു​ക്കി​യ ഭൂ​ക​മ്പ​ത്തി​ൽ മ​രി​ച്ച​വ​രു​ടെ എ​ണ്ണം 2700 ക​ട​ന്നു. ചൊ​വ്വാ​ഴ്ച കെ​ട്ടി​ടാ​വ​ശി​ഷ്ട​ങ്ങ​ൾ​ക്ക​ടി​യി​ൽ​നി​ന്ന് 63കാ​രി​യെ ജീ​വ​നോ​ടെ പു​റ​ത്തെ​ത്തി​ച്ചു. ഭൂ​ക​മ്പം ന​ട​ന്ന് 91 മ​ണി​ക്കൂ​റി​ന് ശേ​ഷ​മാ​ണ് വി​ജ​യ​ക​ര​മാ​യി സ്ത്രീ​യെ ര​ക്ഷി​ച്ച​ത്. അ​ഞ്ചു ദി​വ​സ​മാ​യി പു​രോ​ഗ​മി​ക്കു​ന്ന ര​ക്ഷാ​പ്ര​വ​ർ​ത്ത​ന​ത്തി​ൽ ഇ​നി​യും ജീ​വ​നോ​ടെ ആ​രെ​യെ​ങ്കി​ലും ക​ണ്ടെ​ത്താ​മെ​ന്ന പ്ര​തീ​ക്ഷ മ​ങ്ങി.

വെ​​ള്ളി​​യാ​​ഴ്ച​യാ​ണ് മ്യാ​​ന്മ​​റി​​നെ​​യും അ​​യ​​ൽ​​രാ​​ജ്യ​​മാ​​യ താ​​യ്‍ല​​ൻ​​ഡി​​നെ​​യും വി​​റ​​പ്പി​​ച്ച് റി​​ക്ട​​ർ ​സ്കെ​​യി​​ലി​​ൽ 7.7 തീ​​വ്ര​ത രേ​​ഖ​​പ്പെ​​ടു​​ത്തി​​യ ഭൂ​​ക​​മ്പ​​മു​​ണ്ടാ​​യ​​ത്. സൈ​നി​ക ഭ​ര​ണ​കൂ​ട​ത്തി​ന്റെ നി​യ​ന്ത്ര​ണ​ങ്ങ​ൾ കാ​ര​ണം ര​ക്ഷാ​പ്ര​വ​ർ​ത്ത​നം മ​ന്ദ​ഗ​തി​യി​ലാ​ണ് ന​ട​ക്കു​ന്ന​ത്. ആ​വ​ശ്യ​ത്തി​ന് യ​ന്ത്ര​സാ​മ​ഗ്രി​ക​ൾ ല​ഭ്യ​മ​ല്ലാ​തി​രു​ന്ന​തും ര​ക്ഷാ​പ്ര​വ​ർ​ത്ത​ന​ത്തെ ബാ​ധി​ച്ചു. അ​തേ​സ​മ​യം, ഭൂ​ക​മ്പ​ത്തി​ന് ഇ​ര​യാ​യ കു​ടും​ബ​ങ്ങ​ൾ ക​ടു​ത്ത ഭ​ക്ഷ്യ, കു​ടി​വെ​ള്ള ക്ഷാ​മം നേ​രി​ടു​ന്ന​താ​യാ​ണ് റി​പ്പോ​ർ​ട്ട്. ആ​വ​ശ്യ​ങ്ങ​ൾ വ​ള​രെ വ​ലു​താ​ണെ​ന്നും അ​വ ഓ​രോ മ​ണി​ക്കൂ​റി​ലും വ​ർ​ധി​ച്ചു​കൊ​ണ്ടി​രി​ക്കു​ക​യാ​ണെ​ന്നും മ്യാ​ന്മ​റി​ലെ യു​നി​സെ​ഫ് ഉ​പ​പ്ര​തി​നി​ധി ജൂ​ലി​യ റീ​സ് പ​റ​ഞ്ഞു.

2719 പേ​ർ ഭൂ​ക​മ്പ​ത്തി​ൽ മ​രി​ച്ച​താ​യും 4521 പേ​ർ​ക്ക് പ​രി​ക്കേ​റ്റ​താ​യും സൈ​നി​ക ഭ​ര​ണ​കൂ​ട​ത്തി​ന്റെ ത​ല​വ​നാ​യ സീ​നി​യ​ർ ജ​ന​റ​ൽ മി​ൻ ഓ​ങ് ഹ്ല​യി​ങ് പ​റ​ഞ്ഞു. മ​ര​ണ​സം​ഖ്യ ഇ​നി​യും ഉ​യ​രാ​നാ​ണ് സാ​ധ്യ​ത. 441 പേ​ർ ഇ​പ്പോ​ഴും കാ​ണാ​മ​റ​യ​ത്താ​ണെ​ന്ന് മ്യാ​ന്മ​റി​ലെ പാ​ശ്ചാ​ത്യ​ൻ ഓ​ൺ​ലൈ​ൻ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. താ​യ്‍ല​ൻ​ഡി​ന്റെ ത​ല​സ്ഥാ​ന​മാ​യ ബാ​ങ്കോ​ക്കി​ൽ കെ​ട്ടി​ട​ങ്ങ​ൾ ത​ക​ർ​ന്ന് 21 പേ​രാ​ണ് മ​രി​ച്ച​ത്. 34 പേ​ർ​ക്ക് പ​രി​ക്കേ​റ്റു.