റോഹിങ്ക്യൻ വം​ശഹത്യക്ക്​ നേതൃത്വം നൽകിയ ബുദ്ധ സന്യാസിയെ പുറത്തുവിട്ടു

നേയ്​പീഡോ: മുസ്​ലീം വിരുദ്ധ റോഹിങ്ക്യൻ വ​ംശഹത്യക്ക്​ നേതൃത്വം നൽകിയ ബുദ്ധ സന്യാസി​യെ മ്യാൻമർ പട്ടാള ഭരണകൂടം ജയിൽ മോചിതനാക്കി. നിരവധി പേരെ കൊല്ലാൻ മുന്നിൽ നിന്ന വ്രദ്ധു സന്യാസിയെയാണ്​ സൈന്യം വെറുതെവിട്ടത്​. സ്​ഥാന ഭ്രഷ്​ടനാക്കപ്പെട്ട ഓങ്​ സാങ്​ സൂചിയുടെ ഭരണകാലത്ത്​ ഇയാളെ പിടികൂടി ജയിലിലടച്ചതായിരുന്നു.

അന്താരാഷ്​ട്ര മാഗസിനായ ടൈം 'ബുദ്ധ തീവ്രാവാദത്തിന്‍റെ മുഖം' എന്ന തലക്കെട്ടിൽ ഇയാളുടെ ചെയ്​തികൾ പുറംലോകത്തെത്തിച്ചിരുന്നു.

നേരത്തെ, മുസ്​ലിംകൾക്കെതിരായ വംശീയ സംഘത്തെ ഒരുക്കി ആക്രമണങ്ങൾക്ക്​ നേതൃത്വം നൽകിയ ഇയാളെ പലതവണ ഭരണകൂടം പിടികൂടി ജയിലിലടച്ചു. 969 ഗ്രൂപ്​ എന്നറിയപ്പെടുന്ന ഈ സംഘത്തിന്‍റെ ലക്ഷം റോഹിങ്ക്യൻ അടക്കമുള്ള മുസ്​ലിംകളെ രാജ്യത്തുനിന്ന്​ പുറത്താക്കലായിരുന്നു. 2003ൽ ജയിലിലടക്കപ്പെട്ട ഇയാളെ 2010ൽ വിട്ടയച്ചു.

പുറത്തിറങ്ങി രണ്ടു വർഷ​ങ്ങൾക്കു ശേഷമാണ്​ രാഖൈനിൽ ബുദ്ധ-മുസ്​ലിം ലഹളക്ക്​ വളമിട്ട്​ റോഹിങ്ക്യൻ വംശഹത്യ തുടക്കമിട്ടത്​. 2018ൽ ഫേ​സ്​ബുക്ക്​ അടക്കമുള്ള സമൂഹ മാധമ്യങ്ങൾ ഇയാളുടെ അക്കൗണ്ട്​ ​തടയുകയും ചെയ്​തിരുന്നു.