മ്യാൻമർ ഭൂകമ്പത്തിന്‍റെ ആഘാതം 334 അണുബോംബുകൾക്ക് തുല്യം

നയ്പീഡോ: മ്യാൻമറിനെ പിടിച്ചുകുലുക്കിയ 7.7 തീവ്രത രേഖപ്പെടുത്തിയ ഭൂകമ്പം 334 അണുബോംബുകൾക്ക് തുല്യമായ ഊർജമാണ് പുറത്തുവിട്ടതെന്ന് ജിയോളജിസ്റ്റിനെ ഉദ്ധരിച്ച് സി.എൻ.എൻ റിപ്പോർട്ട് ചെയ്തു. ഇത്തരമൊരു ഭൂകമ്പം പുറപ്പെടുവിക്കുന്ന ശക്തി ഏകദേശം 334 അണുബോംബുകൾക്ക് തുല്യമാണ്. മേഖലയിൽ തുടർചലനങ്ങൾക്ക് സാധ്യതയുണ്ട്, അത് മാസങ്ങളോളം നീണ്ടു നിൽക്കാം -അമേരിക്കൻ ജിയോളജിസ്റ്റ് ജെസ് ഫീനിക്സ് മുന്നറിയിപ്പ് നൽകുന്നു.

അതേസമയം, ഭൂകമ്പത്തിൽ മരണം 1600 കവിഞ്ഞതായാണ് റിപ്പോർട്ട്. 3000ത്തിലേറെ പേർക്ക് പരിക്കുണ്ട്. കെ​ട്ടി​ട​ങ്ങ​ളി​ൽ കു​ടു​ങ്ങി​ക്കി​ട​ക്കു​ന്ന​വ​ർ​ക്കാ​യി തി​ര​ച്ചി​ൽ തു​ട​രു​കയാണ്. മരണസംഖ്യ ഇനിയും ഉയരുമെന്നാണ് കരുതുന്നത്.

വെ​ള്ളി​യാ​ഴ്ച പ്രാ​ദേ​ശി​ക സ​മ​യം ഉ​ച്ച​ക്ക് 12.50ന് ​ആ​ണ് 7.7 തീ​വ്ര​ത രേ​ഖ​പ്പെ​ടു​ത്തി​യ ഭൂ​ച​ല​നം മ്യാ​ന്മ​റി​നെ​യും താ​യ്‍ല​ൻ​ഡി​നെ​യും പി​ടി​ച്ചു​കു​ലു​ക്കി​യ​ത്. പി​ന്നാ​ലെ 6.4 തീ​വ്ര​ത​യു​ള്ള മ​റ്റൊ​രു ഭൂ​ക​മ്പ​വു​മു​ണ്ടാ​യി. മ്യാൻമറിലെ സാഗെയിങ് നഗരത്തിനു സമീപത്താണ് പ്രഭവകേന്ദ്രമെന്ന് യു.എസ് ജിയോളജിക്കൽ സർവേ പറയുന്നത്.

ലോ​ക​ത്തെ ഏ​റ്റ​വും ഭൂ​ക​മ്പ​സാ​ധ്യ​ത​യു​ള്ള മേ​ഖ​ല​ക​ളി​ലൊ​ന്നി​ലാ​ണ് മ്യാ​ന്മ​ർ സ്ഥി​തി​ചെ​യ്യു​ന്ന​ത്. രാ​ജ്യ​ത്തെ ആ​റു മേ​ഖ​ല​ക​ളി​ൽ സൈ​നി​ക ഭ​ര​ണ​കൂ​ടം അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചി​ട്ടു​ണ്ട്. ദുരന്ത ഭൂമിയിലേക്ക് വിവിധ രാജ്യങ്ങളും അന്താരാഷ്ട്ര സംഘടനകളും സഹായങ്ങളുമായി എത്തിത്തുടങ്ങിയിട്ടുണ്ട്.