ഗസ്സയിൽ ഇസ്രായേൽ കൊന്നവരിൽ 44 ശ​ത​മാ​നവും കുട്ടികളെന്ന് യു.എൻ റിപ്പോർട്ട്; ഭൂ​രി​ഭാ​ഗ​വും 5-9 വ​യ​സ്സു​കാർ

ഗ​സ്സ സി​റ്റി: ഗ​സ്സ​യി​ൽ ഇ​സ്രാ​യേ​ൽ ന​ര​നാ​യാ​ട്ടി​ൽ ജീ​വ​ൻ ന​ഷ്ട​പ്പെ​ട്ട​വ​രി​ൽ ഭൂ​രി​ഭാ​ഗ​വും സ്ത്രീ​ക​ളും കു​ട്ടി​ക​ളുമെന്ന് യു.​എ​ൻ മ​നു​ഷ്യാ​വ​കാ​ശ സം​ഘ​ട​ന റി​പ്പോ​ർ​ട്ട്. ആ​റ് മാ​സ​ത്തി​നി​ടെ കൊ​ല്ല​പ്പെ​ട്ട​വ​രി​ൽ 70 ശ​ത​മാ​ന​ത്തോ​ളം പേ​ർ സ്ത്രീ​ക​ളും കു​ട്ടി​ക​ളു​മാ​ണെ​ന്ന് റി​പ്പോ​ർ​ട്ടിൽ പ​റ​യു​ന്നു. ഇ​വ​രി​ൽ 44 ശ​ത​മാ​നവും കുട്ടികളാ​ണ്. 26 ശ​ത​മാ​നം സ്ത്രീ​ക​ളു​ം. ക​ഴി​ഞ്ഞ വ​ർ​ഷം ന​വം​ബ​ർ മു​ത​ൽ ഈ ​വ​ർ​ഷം ഏ​പ്രി​ൽ വ​രെ​യു​ള്ള കാ​ല​യ​ള​വി​ലെ ക​ണ​ക്കാ​ണി​ത്. മ​രി​ച്ച കു​ട്ടി​ക​ളി​ൽ ഭൂ​രി​ഭാ​ഗ​വും അ​ഞ്ച് മു​ത​ൽ ഒ​മ്പ​ത് വ​യ​സ്സു​വ​രെ​യു​ള്ള​വ​രാ​ണെ​ന്നും 32 പേ​ജു​ള്ള റി​പ്പോ​ർ​ട്ട് വ്യ​ക്ത​മാ​ക്കു​ന്നു.

വീ​ടു​ക​ൾ​ക്കും റെ​സി​ഡ​ൻ​ഷ്യ​ൽ കെ​ട്ടി​ട​ങ്ങ​ൾ​ക്കും മേ​ൽ ബോം​ബി​ട്ട​തി​നെ തു​ട​ർ​ന്നാ​ണ് 80 ശ​ത​മാ​നം പേ​രു​ടെ​യും ജീ​വ​ൻ പൊ​ലി​ഞ്ഞ​ത്. സാ​ധാ​ര​ണ​ക്കാ​രും നി​ര​പ​രാ​ധി​ക​ളു​മാ​യ​വ​ർ​ക്കു​നേ​രെ ഇ​സ്രാ​യേ​ൽ ന​ട​ത്തു​ന്ന ആ​ക്ര​മ​ണം അ​ന്താ​രാ​ഷ്ട്ര നി​യ​മ​ങ്ങ​ളു​ടെ ലം​ഘ​ന​മാ​ണെ​ന്ന് യു.​എ​ൻ മ​നു​ഷ്യാ​വ​കാ​ശ സം​ഘ​ട​ന മേ​ധാ​വി വോ​ൾ​ക​ർ ടേ​ർ​ക് പ​റ​ഞ്ഞു.

അതിനിടെ, ഇസ്രായേൽ ബോംബിട്ട് തകർത്ത കെട്ടിടങ്ങളുടെ അ​വി​ശി​ഷ്ട​ങ്ങ​ളിൽ​ കുടുങ്ങിയവരെ രക്ഷിക്കാനെത്തുന്നവർക്ക് നേരെയും ഇ​സ്രാ​യേ​ൽ ആ​ക്ര​മ​ണം രൂ​ക്ഷ​മാക്കി​യ​തോ​ടെ ഉ​ത്ത​ര ഗ​സ്സ​യി​ലേ​ക്ക് ക​ട​ക്കാ​നാ​വാ​തെ ര​ക്ഷാ​പ്ര​വ​ർ​ത്ത​ന സം​ഘ​ങ്ങ​ൾ. ആ​രോ​ഗ്യ പ്ര​വ​ർ​ത്ത​ക​രു​ടെ​യും ര​ക്ഷാ​പ്ര​വ​ർ​ത്ത​ക​രു​ടെ​യും സേ​വ​നം ​നി​ല​ച്ച​തോ​ടെ ആയിരങ്ങളാണ് ചി​കി​ത്സ കി​ട്ടാ​തെ ദുരിതത്തിലായ​ത്. പ​രി​ക്കേ​റ്റ​വ​ർ​ക്ക് ചി​കി​ത്സ ല​ഭ്യ​മാ​ക്കാ​ൻ ക​ഴു​ത​വ​ണ്ടി​യി​ലോ ചു​മ​ന്നോ കൊ​ണ്ടു​പോ​കേ​ണ്ട ഗ​തി​കേ​ടി​ലാ​ണ് മേ​ഖ​ല​യി​ലു​ള്ള​വ​ർ.

പ്ര​ദേ​ശ​വാ​സി​ക​ൾ ത​ന്നെ​യാ​ണ് നി​ല​വി​ൽ അ​വ​ശി​ഷ്ട​ങ്ങ​ൾ​ക്കി​ട​യി​ൽ​നി​ന്ന് പ​രി​ക്കേ​റ്റ​വ​രെ പു​റ​​ത്തെ​ടു​ക്കു​ന്ന​തും അ​ടി​യ​ന്ത​ര ചികിത്സ ന​ൽ​കു​ന്ന​തും. സ്‌​ട്രെ​ച്ച​റു​ക​ൾ ഇ​ല്ലാ​ത്ത​തി​നാ​ൽ മ​ര​പ്പ​ല​ക​ക​ളും വാ​തി​ലു​ക​ളും ഉ​പ​യോ​ഗി​ച്ചാ​ണ് പ​രി​ക്കേ​റ്റ​വ​രെ ആ​ശു​പ​ത്രി​യി​ലെ​ത്തി​ക്കു​ന്ന​തെ​ന്ന് ബൈ​ത് ലാ​ഹി​യ​യി​ലെ മ​സീ​ൻ അ​ഹ​മ്മ​ദ് പ​റ​ഞ്ഞു.

ഒ​രു മാ​സ​മാ​യി വടക്കൻ ഗ​സ്സ​ പൂർണമായും വളഞ്ഞ ഇസ്രായേൽ, ഇവിടെ കൂട്ടക്കുരുതി നടത്തുകയാണ്. ബോം​ബി​ങ്ങി​ലും വെ​ടി​വെ​പ്പി​ലും 1500ലേ​റെ പേ​ർ​ക്കാ​ണ് ജീ​വ​ൻ ന​ഷ്ട​പ്പെ​ട്ട​ത്. ബൈ​ത് ലാ​ഹി​യ ഉ​ൾ​പ്പെ​ടെ പ്ര​ദേ​ശ​ങ്ങ​ളി​ൽ​നി​ന്ന് ഒ​ഴി​ഞ്ഞു​പോ​കാ​നും ഇ​സ്രാ​യേ​ൽ ഉ​ത്ത​ര​വി​ട്ടി​രു​ന്നു. ഇ​തോ​ടെ​യാ​ണ് ര​ണ്ടാ​ഴ്ച മു​മ്പ് ഏ​റ്റ​വും വ​ലി​യ ര​ക്ഷാ​പ്ര​വ​ർ​ത്ത​ന സം​ഘ​മാ​യ ഗ​സ്സ​യി​ലെ സി​വി​ൽ ഡി​ഫ​ൻ​സ് ഫോ​ഴ്സ് പ്ര​വ​ർ​ത്ത​നം അ​വ​സാ​നി​പ്പി​ക്കാ​ൻ നി​ർ​ബ​ന്ധി​ത​രാ​യ​ത്.

പ​രി​ക്കേ​റ്റ​വ​രെ ക​ഴു​ത​വ​ണ്ടി​യി​ലും മ​റ്റും ആ​ശു​പ​ത്രി​യി​ലെ​ത്തിക്കേണ്ടിവരുന്നത്​ ചി​കി​ത്സ വൈ​കാനും മ​ര​ണ​ത്തി​നി​ട​യാ​ക്കു​മെ​ന്നും യു.​എ​ൻ സ​ന്ന​ദ്ധ സം​ഘ​ട​ന​യാ​യ യു.​എ​ൻ.​ആ​ർ.​ഡ​ബ്ല്യു.​എ വ​ക്താ​വ് ലൂ​യി​സ് വാ​ട്ട​റി​ഡ്ജ് പ​റ​ഞ്ഞു. ര​ക്ഷാ​പ്ര​വ​ർ​ത്ത​ക​രെ ബോ​ധ​പൂ​ർ​വം ആ​ക്ര​മി​ക്കു​ക​യും പരിക്കേറ്റവർക്ക് അ​ടി​യ​ന്ത​ര ചി​കി​ത്സ ല​ഭ്യ​മാ​ക്കാ​ൻ ന​ട​ത്തു​ന്ന ശ്ര​മം പ​രാ​ജ​യ​പ്പെ​ടു​ത്തു​ക​യു​മാ​ണ് ഇ​സ്രാ​യേ​ൽ ചെ​യ്യു​ന്ന​തെ​ന്ന് സം​യു​ക്ത പ്ര​സ്താ​വ​ന​യി​ൽ യു​നി​സെ​ഫും ലോ​ക ഭ​ക്ഷ്യ പ​ദ്ധ​തി​യും ലോ​കാ​രോ​ഗ്യ സം​ഘ​ട​ന​യും കു​റ്റ​പ്പെ​ടു​ത്തി​യി​രു​ന്നു.