അ​ൽ അ​ഹ്​​ലി ആ​ശുപത്രി ആ​ക്രമണം: ഇസ്രായേൽ വാദത്തിന്‍റെ മുനയൊടിച്ച്​ ന്യൂയോർക്​ ടൈംസ്​

ന്യൂ​യോ​ർ​ക്: നൂ​റു​ക​ണ​ക്കി​നു​ പേ​രു​ടെ മ​ര​ണ​ത്തി​നി​ട​യാ​ക്കി​യ ഗ​സ്സ​യി​ലെ അ​ൽ അ​ഹ്​​ലി ആ​ശു​പ​ത്രി ആ​ക്ര​മ​ണ​ത്തി​ൽ ഇ​സ്രാ​യേ​ൽ, യു.​എ​സ്​ വാ​ദ​ങ്ങ​ൾ ത​ള്ളി ന്യൂ​യോ​ർ​ക്​ ടൈം​സ്. ഇ​സ്​​ലാ​മി​ക്​ ജി​ഹാ​ദി​ന്‍റെ മി​സൈ​ൽ ഗ​തി​തെ​റ്റി വീ​ണാ​ണ്​ അ​പ​ക​ട​മെ​ന്നാ​യി​രു​ന്നു പാ​ശ്ചാ​ത്യ മാ​ധ്യ​മ​ങ്ങ​ളെ കൂ​ട്ടു​പി​ടി​ച്ചു​ള്ള പ്ര​ചാ​ര​ണം. അ​മേ​രി​ക്ക​ൻ​ പ്ര​സി​ഡ​ന്‍റ്​ ജോ ​ബൈ​ഡ​ൻ തെ​ൽ അ​വീ​വ് സ​ന്ദ​ർ​ശ​ന​ത്തി​നെ​ത്തു​ന്ന​തി​ന്‍റെ ത​ലേ​ന്ന്​ രാ​ത്രി​യാ​ണ്​ ലോ​ക​ത്തെ ഞെ​ട്ടി​ച്ച ആ​ക്ര​മ​ണ​മു​ണ്ടാ​യ​ത്.

ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​ൽ 500 പേ​ർ മ​രി​ച്ചു​വെ​ന്നാ​യി​രു​ന്നു ആ​ദ്യ വാ​ർ​ത്ത​ക​ൾ. ഇ​സ്രാ​യേ​ലി ഭ​ര​ണ നേ​തൃ​ത്വ​വു​മാ​യും സൈ​ന്യ​വു​മാ​യും അ​ടു​പ്പ​മു​ള്ള​വ​ർ ഈ ​ആ​ക്ര​മ​ണം ഏ​റ്റെ​ടു​ക്കു​ക​യും ഹ​മാ​സി​ന്‍റെ കേ​ന്ദ്ര​മാ​ണ്​ ആ​ക്ര​മി​ച്ച​തെ​ന്ന്​ അ​വ​കാ​ശ​പ്പെ​ടു​ക​യും ചെ​യ്തി​രു​ന്നു. ആ​ശു​പ​ത്രി ആ​ക്ര​മി​ക്ക​പ്പെ​ട്ടു​വെ​ന്ന വാ​ർ​ത്ത കാ​ട്ടു​തീ പോ​ലെ പ​ട​രു​ക​യും രാ​ജ്യാ​ന്ത​ര ത​ല​ത്തി​ൽ വ​ലി​യ പ്ര​തിഛാ​യ ന​ഷ്​​ടം സം​ഭ​വി​ക്കു​മെ​ന്ന്​ ഉ​റ​പ്പാ​കു​ക​യും ചെ​യ്ത​തോ​ടെ ഇ​​സ്രാ​യേ​ൽ മെ​ല്ലെ നി​ല​പാ​ട്​ മാ​റ്റി. ഇ​സ്​​ലാ​മി​ക്​ ജി​ഹാ​ദി​ന്‍റെ മി​സൈ​ൽ വ​ഴി തെ​റ്റി വീ​ണ​താ​ണെ​ന്ന പു​തി​യ ആ​ഖ്യാ​നം ച​മ​യ്ക്ക​പ്പെ​ട്ട​ത്​ അ​ങ്ങ​നെ​യാ​ണ്.

അ​ടു​ത്ത ദി​വ​സം നെ​ത​ന്യാ​ഹു​വു​മൊ​ത്ത്​ മാ​ധ്യ​മ​ങ്ങ​ളെ ക​ണ്ട ബൈ​ഡ​ൻ ‘മ​റ്റേ ടീം’ ​ആ​ണ്​ പ​ണി പ​റ്റി​ച്ച​തെ​ന്ന മ​ട്ടി​ൽ പ്ര​തി​ക​രി​ക്കു​ക​യും ചെ​യ്ത​തോ​ടെ ഇ​സ്രാ​യേ​ലി​ന്​ ആ​ശ്വാ​സ​മാ​യി. ഇ​സ്​​ലാ​മി​ക്​ ജി​ഹാ​ദി​ന്‍റെ മി​സൈ​ൽ ആ​ണ്​ വീ​ണ​തെ​ന്ന്​ കാ​ണി​ക്കാ​ൻ അ​ൽ ജ​സീ​റ​യു​ടേ​ത്​ ഉ​ൾ​പ്പെ​ടെ വി​ഡി​യോ ദൃ​ശ്യ​ങ്ങ​ളാ​ണ്​ ഇ​സ്രാ​​യേ​ൽ പ്ര​ച​രി​പ്പി​ച്ച​ത്. മി​ക്ക പാ​ശ്ചാ​ത്യ മാ​ധ്യ​മ​ങ്ങ​ളും ആ ​ക​ഥ ഏ​റ്റു​പാ​ടു​ക​യും ചെ​യ്തു.

അ​തി​നി​ട​ക്കാ​ണ്​ ഇ​സ്രാ​യേ​ൽ പു​റ​ത്തു​വി​ട്ട വി​ഡി​യോ ദൃ​ശ്യ​ങ്ങ​ളു​ടെ വി​ശ്വാ​സ്യ​ത ചോ​ദ്യം ചെ​യ്ത്​ ന്യൂ​യോ​ർ​ക്​ ടൈം​സ്​ ബു​ധ​നാ​ഴ്​​ച രം​ഗ​ത്തെ​ത്തി​യ​ത്. ഈ ​വി​ഡി​യോ വി​ശ​ദ​മാ​യി വി​ശ​ക​ല​നം ചെ​യ്യു​മ്പോ​ൾ മ​റ്റു​ചി​ല​താ​ണ്​ തെ​ളി​യു​ന്ന​തെ​ന്ന്​ ന്യൂ​യോ​ർ​ക്​ ടൈം​സ്​ സൂ​ചി​പ്പി​ക്കു​ന്നു. വി​ഡി​യോ​യി​ൽ കാ​ണു​ന്ന മി​സൈ​ൽ അ​ല്ല യ​ഥാ​ർ​ഥ​ത്തി​ൽ ആ​ശു​പ​ത്രി​യി​ൽ സ്​​ഫോ​ട​നം സൃ​ഷ്ടി​ച്ച​ത്. വി​ഡി​യോ​യി​ലെ മി​​സൈ​ൽ സം​ഭ​വ സ്ഥ​ല​ത്തു​നി​ന്ന് ര​ണ്ടു മൈ​ൽ അ​ക​ലെ ആ​കാ​ശ​ത്തു വെ​ച്ച്​ പൊ​ട്ടി​ച്ചി​ത​റു​ക​യാ​യി​രു​ന്നു​വത്രേ. ഇ​സ്രാ​യേ​ലി വാ​ദ​ങ്ങ​ളെ ഖ​ണ്ഡി​ക്കു​ന്നു​ണ്ടെ​ങ്കി​ലും യ​ഥാ​ർ​ഥ​ത്തി​ൽ എ​ന്താ​ണ്​ സം​ഭ​വി​ച്ച​തെ​ന്ന​തി​നെ​ക്കു​റി​ച്ച്​ ന്യൂ​യോ​ർ​ക്​ ടൈം​സ്​ വി​ശ​ദീ​ക​രി​ക്കു​ന്നി​ല്ല.

ആ​ശു​പ​ത്രി​യി​ൽ സ്​​​ഫോ​ട​നം ന​ട​ക്കു​ന്ന​തി​ന്​ തൊ​ട്ടു​മു​മ്പ്​ ഗ​സ്സ​യു​ടെ തെ​ക്കു​ പ​ടി​ഞ്ഞാ​റ്​ ഭാ​ഗ​ത്തു​നി​ന്ന്​ ഇ​സ്രാ​യേ​ലി​ലേ​ക്ക്​ മി​സൈ​ലാ​ക്ര​മ​ണം ഉ​ണ്ടാ​യി​രു​ന്നു. ഈ ​മി​സൈ​ലു​ക​​ളു​ടെ ഉ​റ​വി​ട​ത്തി​ലേ​ക്കു​ള്ള തി​രി​ച്ച​ടി​യി​ൽ ല​ക്ഷ്യം കാ​ണും മു​മ്പ്​ വീ​ണ ഇ​സ്രാ​യേ​ലി മി​സൈ​ലാ​കാം അ​പ​ക​ടം ഉ​ണ്ടാ​ക്കി​യ​തെ​ന്ന നേ​രി​യ സൂ​ച​ന മാ​ത്ര​മു​ണ്ട്. ന്യൂ​യോ​ർ​ക്​ ടൈം​സി​ന്‍റെ നി​ഗ​മ​ന​ങ്ങ​ളോ​ട്​ പ്ര​തി​ക​രി​ക്കാ​ൻ ഇ​സ്രാ​യേ​ൽ, യു.​എ​സ്​ അ​ധി​കാ​രി​ക​ൾ ത​യാ​റാ​യി​ട്ടി​ല്ല.