സമാധാനത്തിനുള്ള നൊബേൽ ബെലാറസ് മനുഷ്യാവകാശ പ്രവർത്തകനും റഷ്യൻ- യുക്രെയ്ൻ സംഘടനകൾക്കും

ഓ​സ്​​ലോ: ജ​നാ​ധി​പ​ത്യ​ത്തി​നും മ​നു​ഷ്യാ​വ​കാ​ശ​ത്തി​നും വേ​ണ്ടി അ​ച​ഞ്ച​ല​മാ​യി നി​ല​കൊ​ണ്ട ബെ​ല​റൂ​സ് ആ​ക്ടി​വി​സ്റ്റ് എ​ലി​സ് ബ്യാ​ല്യാ​ട്സ്കി​ക്കും റ​ഷ്യ​ൻ ഗ്രൂ​പ്പാ​യ 'മെ​മ്മോ​റി​യ​ൽ', യു​ക്രെ​യ്ൻ സം​ഘ​ട​ന 'സെ​ന്റ​ർ ഫോ​ർ സി​വി​ൽ ലി​ബ​ർ​ട്ടീ​സ്' എ​ന്നി​വ​ക്കു​മാ​ണ് സ​മാ​ധാ​ന നൊ​ബേ​ൽ. റ​ഷ്യ​ൻ പ്ര​സി​ഡ​ന്റ് വ്ലാ​ദ്മി​ർ പു​ടി​നു​ള്ള തി​രി​ച്ച​ടി​യാ​യാ​ണ് ഇ​ത്ത​വ​ണ​ത്തെ പു​ര​സ്കാ​രം വി​ല​യി​രു​ത്ത​പ്പെ​ടു​ന്ന​ത്. ബെ​ല​റൂ​സ്, റ​ഷ്യ, യു​ക്രെ​യ്ൻ എ​ന്നീ അ​യ​ൽ​രാ​ജ്യ​ങ്ങ​ളി​ലെ നി​ർ​ഭ​യ​രാ​യ ജ​നാ​ധി​പ​ത്യ പോ​രാ​ളി​ക​ൾ​ക്കാ​ണ് ആ​ദ​ര​മെ​ന്ന് നൊ​ബേ​ൽ സ​മി​തി അ​ധ്യ​ക്ഷ ബെ​രി​റ്റ് റെ​യ്സ് ആ​ൻ​ഡേ​ഴ്സ​ൺ പ​റ​ഞ്ഞു.

1980ക​ൾ മു​ത​ൽ ബെ​ല​റൂ​സി​ലെ ജ​നാ​ധി​പ​ത്യ മു​ന്നേ​റ്റ​ങ്ങ​ളു​ടെ നേ​താ​ക്ക​ളി​ലൊ​രാ​ളാ​ണ് ബ്യാ​ല്യാ​ട്സ്കി. ഏ​കാ​ധി​പ​ത്യം അ​ര​ങ്ങു​വാ​ണ രാ​ജ്യ​ത്ത് മ​നു​ഷ്യാ​വ​കാ​ശ​ത്തി​നും പൗ​ര​സ്വാ​ത​ന്ത്ര്യ​ത്തി​നും വേ​ണ്ടി പോ​രാ​ടി. സ​ർ​ക്കാ​റി​ത​ര സം​ഘ​ട​ന​യാ​യ 'ഹ്യൂ​മ​ൻ​റൈ​റ്റ്സ് സെ​ന്റ​ർ വി​യ​സ്ന' സ്ഥാ​പ​ക​നാ​ണ്. സ​മാ​ന്ത​ര ​നൊ​ബേ​ൽ എ​ന്ന​റി​യ​പ്പെ​ടു​ന്ന 'റൈ​റ്റ് ലൈ​വ്‍ലി​ഹു​ഡ് പു​ര​സ്കാ​രം' 2020ൽ ​നേ​ടി. ഇ​തേ വ​ർ​ഷം സ​ർ​ക്കാ​ർ വി​രു​ദ്ധ പ്ര​ക്ഷോ​ഭ​ത്തി​ന്റെ പേ​രി​ൽ അ​റ​സ്റ്റി​ലാ​യ​തി​നു​പി​ന്നാ​ലെ ഇ​പ്പോ​ഴും വി​ചാ​ര​ണ​യി​ല്ലാ​തെ ത​ട​വി​ൽ ക​ഴി​യു​ക​യാ​ണ്. ബ്യാ​ല്യാ​ട്സ്കി​യെ ബെ​ല​റൂ​സ് ഭ​ര​ണ​കൂ​ടം അ​ടി​യ​ന്ത​ര​മാ​യി മോ​ചി​പ്പി​ക്ക​ണ​മെ​ന്ന് നൊ​ബേ​ൽ സ​മി​തി ആ​വ​ശ്യ​പ്പെ​ട്ടു.

'ക​മ്യൂ​ണി​സ്റ്റ് ഏ​കാ​ധി​പ​ത്യ'​ത്തി​ന്റെ കാ​ല​ത്ത് വേ​ട്ട​യാ​ട​പ്പെ​ട്ട​വ​ർ സ്മ​രി​ക്ക​പ്പെ​ട​ണ​മെ​ന്ന ആ​വ​ശ്യ​മു​യ​ർ​ത്തി 1987ൽ ​സോ​വി​യ​റ്റ് യൂ​നി​യ​നി​ൽ സ്ഥാ​പി​ത​മാ​യ സം​ഘ​ട​ന​യാ​ണ് 'മെ​മ്മോ​റി​യ​ൽ'. സോ​വി​യ​റ്റ് യൂ​നി​യ​ന് ശേ​ഷം റ​ഷ്യ​യി​ലും ന​ട​ക്കു​ന്ന മ​നു​ഷ്യാ​വ​കാ​ശ നി​ഷേ​ധ​ങ്ങ​ൾ ഇ​വ​ർ രേ​ഖ​പ്പെ​ടു​ത്തി. രാ​ജ്യ​ത്തെ രാ​ഷ്ട്രീ​യ ത​ട​വു​കാ​രു​ടെ അ​വ​സ്ഥ​യും സം​ഘ​ട​ന പൊ​തു​ജ​ന​ങ്ങ​ൾ​ക്കു​മു​ന്നി​ൽ കൊ​ണ്ടു​വ​രാ​ൻ ശ്ര​മി​ച്ചു. നി​യ​മ​വാ​ഴ്ച​ക്കാ​യി ശ​ക്ത​മാ​യി വാ​ദി​ച്ചു. സൈ​നി​ക​വ​ത്ക​ര​ണ​ത്തി​നെ​തി​രെ നി​ല​കൊ​ണ്ടു. വെ​ള്ളി​യാ​ഴ്ച വ്ലാ​ദ്മി​ർ പു​ടി​ന്റെ 70ാം പി​റ​ന്നാ​ളാ​ണ്. ആ ​നി​ല​ക്ക് റ​ഷ്യ​ൻ പ്ര​സി​ഡ​ന്റി​നു​ള്ള ശ​ക്ത​മാ​യ സ​ന്ദേ​ശ​മെ​ന്ന നി​ല​ക്കാ​ണോ ഈ ​അ​വാ​ർ​ഡെ​ന്ന ചോ​ദ്യ​ത്തോ​ട് പ്ര​തി​ക​രി​ക്ക​വെ, 'എ​ക്കാ​ല​ത്തും ഈ ​അ​വാ​ർ​ഡ് ന​ൽ​കി​യ​ത് ഏ​തെ​ങ്കി​ലും കാ​ര്യ​ത്തി​നോ വ്യ​ക്തി​ക്കോ ആ​ണെ​ന്നും ആ​ർ​ക്കും എ​തി​രാ​യ​ല്ലെ​ന്നും' നൊ​ബേ​ൽ ക​മ്മി​റ്റി വ്യ​ക്ത​മാ​ക്കി.

അ​വാ​ർ​ഡ് പു​ടി​നെ​തി​ര​ല്ല. എ​ന്നാ​ൽ, ബെ​ല​റൂ​സ് സ​ർ​ക്കാ​റി​നെ​പ്പോ​ലെ പു​ടി​ൻ സ​ർ​ക്കാ​റും ഏ​കാ​ധി​പ​ത്യ ഭ​ര​ണ​രീ​തി​യാ​ണ് പി​ന്തു​ട​രു​ന്ന​ത്. അ​ത് മ​നു​ഷ്യാ​വ​കാ​ശ പ്ര​വ​ർ​ത്ത​ക​രെ അ​ടി​ച്ച​മ​ർ​ത്തു​ന്നു -ക​മ്മി​റ്റി അ​ധ്യ​ക്ഷ പ​റ​ഞ്ഞു.'ദ ​സെ​ന്റ​ർ ഫോ​ർ സി​വി​ൽ ലി​ബ​ർ​ട്ടീ​സ്' 2007ലാ​ണ് സ്ഥാ​പി​ത​മാ​യ​ത്. യു​ക്രെ​യ്നി​ൽ ജ​നാ​ധി​പ​ത്യ​വും മ​നു​ഷ്യാ​വ​കാ​ശ​വും ഉ​റ​പ്പാ​ക്കാ​നു​ള്ള പ്ര​വ​ർ​ത്ത​ന​ങ്ങ​ളാ​ണ് സം​ഘ​ട​ന ന​ട​ത്തു​ന്ന​ത്. റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശ​ത്തി​നു​​പി​ന്നാ​ലെ, അ​വി​ടെ ന​ട​ക്കു​ന്ന യു​ദ്ധ കു​റ്റ​കൃ​ത്യ​ങ്ങ​ൾ രേ​ഖ​പ്പെ​ടു​ത്തു​ന്ന​തി​ൽ സം​ഘ​ട​ന മു​ൻ​പ​ന്തി​യി​ലാ​ണ്. 10 ദ​ശ​ല​ക്ഷം സ്വീ​ഡി​ഷ് ക്രോ​ണ(7.40 കോ​ടി രൂ​പ)​യാ​ണ് അ​വാ​ർ​ഡ് തു​ക. ഡി​സം​ബ​ർ 10ന് ​പു​ര​സ്കാ​രം സ​മ്മാ​നി​ക്കും.