നിരോധിത ഭൂഖണ്ഡാന്തര ബാലിസ്റ്റിക് മിസൈൽ പരീക്ഷിച്ച് ഉത്തര കൊറിയ

സോ​ൾ: ഉ​ത്ത​ര കൊ​റി​യ നി​രോ​ധി​ത ഭൂ​ഖ​ണ്ഡാ​ന്ത​ര ബാ​ലി​സ്റ്റി​ക് മി​സൈ​ൽ പ​രീ​ക്ഷി​ച്ച​താ​യി ദ​ക്ഷി​ണ കൊ​റി​യ​യും ജ​പ്പാ​നും അ​റി​യി​ച്ചു.ത​ല​സ്ഥാ​ന​മാ​യ പ്യോ​ങ്‌​യാ​ങ്ങി​ന് സ​മീ​പ​മു​ള്ള സു​ന​ൻ മേ​ഖ​ല​യി​ൽ​നി​ന്ന് തൊ​ടു​ത്ത മി​സൈ​ൽ 1,080 കി​ലോ​മീ​റ്റ​ർ സ​ഞ്ച​രി​ച്ച് 6,200 കി​ലോ​മീ​റ്റ​റി​ല​ധി​കം ഉ​യ​ര​ത്തി​ൽ എ​ത്തി​യ​താ​യി ദ​ക്ഷി​ണ കൊ​റി​യ​യു​ടെ സം​യു​ക്ത സൈ​നി​ക മേ​ധാ​വി​യും പ്ര​തി​രോ​ധ മ​ന്ത്രാ​ല​യ​വും അ​റി​യി​ച്ചു.

സാ​ധാ​ര​ണ ആ​യി​ര​ക്ക​ണ​ക്കി​ന് കി​ലോ​മീ​റ്റ​റു​ക​ൾ സ​ഞ്ച​രി​ക്കാ​ൻ ക​ഴി​യു​ന്ന മി​സൈ​ലി​ന് യു.​എ​സി​ൽ​വ​രെ എ​ത്താ​ൻ ശേ​ഷി​യു​ണ്ട്.

ക​ഴി​ഞ്ഞ ആ​ഴ്ച​ക​ളി​ൽ ഉ​ത്ത​ര കൊ​റി​യ മി​സൈ​ൽ പ​രീ​ക്ഷ​ണ​ങ്ങ​ൾ ന​ട​ത്തി​യി​രു​ന്നു. ഉ​പ​ഗ്ര​ഹ വി​ക്ഷേ​പ​ണ​ങ്ങ​ളാ​യി നേ​ര​ത്തെ ഉ​ത്ത​ര കൊ​റി​യ വ്യ​ക്ത​മാ​ക്കി​യ ചി​ല പ​രീ​ക്ഷ​ണ​ങ്ങ​ൾ മി​സൈ​ൽ ഭാ​ഗ​ങ്ങ​ളു​ടെ പ​രീ​ക്ഷ​ണ​ങ്ങ​ളാ​ണെ​ന്ന് യു.​എ​സും ദ​ക്ഷി​ണ കൊ​റി​യ​യും പ​റ​ഞ്ഞു.

2017 ന​വം​ബ​റി​ലാ​ണ് അ​വ​സാ​ന​മാ​യി ഇ​ത്ത​രം മി​സൈ​ലാ​യ ഹ്വാ​സോം​ഗ്-15 പ​രീ​ക്ഷി​ച്ച​ത്. വ്യാ​ഴാ​ഴ്ച​ത്തെ മി​സൈ​ൽ അ​ഞ്ചു വ​ർ​ഷം മു​മ്പ് തൊ​ടു​ത്തു​വി​ട്ട​തി​നേ​ക്കാ​ൾ പു​തി​യ​തും ശ​ക്ത​വു​മാ​ണെ​ന്ന് ജാ​പ്പ​നീ​സ് ഉ​ദ്യോ​ഗ​സ്ഥ​ർ പ​റ​ഞ്ഞു.ദേ​ശീ​യ സു​ര​ക്ഷാ കൗ​ൺ​സി​ലി​ന്റെ അ​ടി​യ​ന്ത​ര യോ​ഗം വി​ളി​ച്ച ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് മൂ​ൺ ജെ ​ഇ​ൻ ഇ​ത്ത​രം പ​രീ​ക്ഷ​ണ​ങ്ങ​ൾ​ക്ക് സ്വ​യം ഏ​ർ​പ്പെ​ടു​ത്തി​യ മൊ​റ​ട്ടോ​റി​യം ലം​ഘി​ച്ച​തി​ന് ഉ​ത്ത​ര കൊ​റി​യ​ൻ നേ​താ​വ് കിം ​ജോ​ങ് ഉ​ന്നി​നെ വി​മ​ർ​ശി​ച്ചു.

മേ​ഖ​ല​ക്കും അ​ന്താ​രാ​ഷ്ട്ര സ​മൂ​ഹ​ത്തി​നും ഗു​രു​ത​ര ഭീ​ഷ​ണി​യാ​ണി​തെ​ന്നും ആ​രോ​പി​ച്ചു.ബാ​ലി​സ്റ്റി​ക്, ആ​ണ​വാ​യു​ധ പ​രീ​ക്ഷ​ണ​ങ്ങ​ളി​ൽ​നി​ന്ന് യു.​എ​ൻ ഉ​ത്ത​ര കൊ​റി​യ​യെ വി​ല​ക്കു​ക​യും മു​ൻ പ​രീ​ക്ഷ​ണ​ങ്ങ​ൾ​ക്ക് ശേ​ഷം ക​ർ​ശ​ന​മാ​യ ഉ​പ​രോ​ധം ഏ​ർ​പ്പെ​ടു​ത്തു​ക​യും ചെ​യ്തി​രു​ന്നു. 2018ൽ ​കിം ജോ​ങ് ഉ​ൻ, അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പു​മാ​യി ന​ട​ത്തി​യ ച​ർ​ച്ച​ക​ളെ​ത്തു​ട​ർ​ന്ന് ദീ​ർ​ഘ​ദൂ​ര ബാ​ലി​സ്റ്റി​ക് മി​സൈ​ൽ, ആ​ണ​വ പ​രീ​ക്ഷ​ണ​ങ്ങ​ൾ എ​ന്നി​വ​ക്ക് ഉ​പ​രോ​ധം ഏ​ർ​പ്പെ​ടു​ത്തി. എ​ന്നാ​ൽ 2020ൽ ​കിം ഈ ​വാ​ഗ്ദാ​ന​ത്തി​ൽ​നി​ന്ന് പി​ന്മാ​റി. എ​ല്ലാ ആ​ണ​വ പ​രീ​ക്ഷ​ണ​ങ്ങ​ളും നി​ർ​ത്തു​മെ​ന്ന് കിം ​വാ​ഗ്ദാ​നം ചെ​യ്ത​തി​ന് ശേ​ഷം 2018ൽ ​രാ​ജ്യ​ത്തി​ന്റെ വ​ട​ക്ക്-​കി​ഴ​ക്ക് ഭാ​ഗ​ത്ത് സ്ഥി​തി ചെ​യ്യു​ന്ന ആ​ണ​വ സം​വി​ധാ​നം പൊ​ട്ടി​ത്തെ​റി​ച്ചി​രു​ന്നു.