സ്ഥാപിതമായതിന് ശേഷം രാജ്യം നേരിടുന്ന ഏറ്റവും വലിയ പ്രതിസന്ധിയാണ് കോവിഡെന്ന് കിം ജോങ് ഉൻ
text_fieldsസിയോൾ: കോവിഡ് രാജ്യത്തിന് വലിയ കുഴപ്പമുണ്ടാക്കുന്നുവെന്ന് സമ്മതിച്ച് ഉത്തരകൊറിയൻ ഏകാധിപതി കിം ജോങ് ഉൻ. സ്ഥാപിതമായതിന് ശേഷം ഉത്തരകൊറിയ നേരിടുന്ന വലിയ പ്രതിസന്ധിയാണിതെന്നും അദ്ദേഹം കൂട്ടിച്ചേർത്തു. കോവിഡ് ബാധിച്ച് 21 പേർ മരിച്ചതിന് പിന്നാലെയാണ് കിം ജോങ് ഉന്നിന്റെ പ്രതികരണം.
കോവിഡ് ബാധ റിപ്പോർട്ട് ചെയ്തതിനെ തുടർന്ന് ഉത്തരകൊറിയ ലോക്ഡൗൺ പ്രഖ്യാപിച്ചിരുന്നു. എന്നാൽ, രാജ്യത്ത് വ്യാപകമായി കോവിഡ് പരിശോധനയോ രോഗം സ്ഥിരീകരിച്ചവർക്ക് കൃത്യമായ ചികിത്സയോ നൽകുന്നില്ലെന്നാണ് റിപ്പോർട്ട്.
രോഗബാധ സ്ഥിരീകരിച്ചതിനെ തുടർന്ന് വർക്കേഴ്സ് പാർട്ടിയുടെ അടിയന്തര യോഗം വിളിക്കാൻ കിം ജോങ് ഉൻ നിർദേശം നൽകി. രോഗമുണ്ടായ സാഹചര്യത്തിൽ പകർച്ചവ്യാധിക്കെതിരായ ഏകീകൃതമായ പോരാട്ടം വേണമെന്നും എല്ലാവരും ഒറ്റക്കെട്ടായി നിൽക്കണമെന്നും കിം ജോങ് ഉൻ ആഹ്വാനം ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.