ഈ രാജ്യത്ത്​ കോവിഡ്​ ചട്ടം ലംഘിച്ചാൽ പിഴയിടും; അത്​ പ്രധാനമന്ത്രിയായാലും ശരി

ഓസ്​ലോ: കോവിഡ്​ പ്രതിരോധ പ്രവർത്തനങ്ങളുടെ ഭാഗമായുള്ള സാമൂഹിക അകല വ്യവസ്​ഥകൾ ലംഘിച്ചതിന്​ നോർവീജിയൻ ​െപാലീസ്​ പ്രധാനമന്ത്രി എർന സോൽബർഗിന്​ പിഴയിട്ടു. തന്‍റെ 60ാം ജന്മദിനാഘോഷത്തിന്‍റെ ഭാഗമായി ബന്ധുക്കൾക്ക്​ വിരുന്ന്​ നടത്തിയതിനാണ്​ പ്രധാനമന്ത്രിക്ക്​ പിഴ ലഭിച്ചത്​.

പ്രധാനമന്ത്രിക്ക്​ 20,000 നോർവീജിയൻ ക്രൗൺസ്​ (ഏകദേശം 1.75 ലക്ഷം രൂപ) പിഴയിട്ടതായി പൊലീസ്​ മേധാവി ഒലെ സീവറൂദ്​ മാധ്യമങ്ങളോട്​ വ്യക്തമാക്കി.

കഴിഞ്ഞ ഫെബ്രുവരിയിൽ റിസോർട്ടിൽ വെച്ച്​ കുടുംബത്തോടൊപ്പം തന്‍റെ 60ാം ജന്മദിനം ആഘോഷിച്ച സംഭവത്തിൽ നോർവെ പ്രധാനമന്ത്രി നേരത്തെ ക്ഷമാപണം നടത്തിയിരുന്നു. കോവിഡ്​ ചട്ടങ്ങൾ പ്രകാരം രാജ്യത്ത്​ 10ൽ കൂടുതൽ ആളുകളെ പ​ങ്കെടുപ്പിച്ച്​ പരിപാടികൾ നടത്താൻ പാടില്ല. എന്നാൽ ജന്മദിന പരിപാടിക്ക്​ 13 പേർ എത്തിയിരുന്നു.