കോവിഡ്​ വാക്​സിന്​ പകരം നഴ്​സ്​ ഉപ്പുലായനി കുത്തിവെച്ചു; 9000 പേർക്ക്​ വീണ്ടും വാക്​സിനേഷൻ

ബർലിൻ: നഴ്​സ്​ ഉപ്പുലായനി കുത്തിവെച്ചതിനെ തുടർന്ന്​്​ ജർമനിയിൽ 9000ത്തിനടുത്ത്​ ആളുകളെ വീണ്ടും വാക്​സിനേഷന്​ വിധേയമാക്കും. ഏപ്രിലിലാണ്​ ഫൈസർ വാക്​സിന്​ പകരം ജർമൻ നഴ്​സ്​ ഉപ്പുവെള്ളം കുത്തിവെച്ചതെന്ന്​ 'മെട്രോ യു.കെ' റിപ്പോർട്ട്​ ചെയ്​തു​.

ആരോപണം ഉയർന്നതോടെ ആറ്​ പേർക്ക്​ ഉപ്പുലായനി കുത്തിവെച്ചത്​ താനാണെന്ന്​ നഴ്​സ്​ സമ്മതിച്ചിരുന്നു. ഫൈസർ വാക്​സിന്‍റെ ഒരു കുപ്പി ​തന്‍റെ കൈയിൽ നിന്ന്​ നഷ്​ടപ്പെട്ട്​ പോയതിനാലാണ്​ അങ്ങനെ ചെയ്​തതെന്നായിരുന്നു​ വിശദീകരണം​.

എന്നാൽ ധാരാളം പേരെ ഇവർ കബളിപ്പിച്ചതായി ആൻഡിബോഡി പരിശോധനയിൽ തെളിഞ്ഞു. വാക്​സിനെ വിമർശിച്ച്​​ ഇവർ സാമൂഹിക മാധ്യമങ്ങളിൽ നിരവധി പോസ്റ്റുകൾ പങ്കു​െവച്ചതായി പൊലീസ്​ കണ്ടെത്തി.

ഇതോടെയാണ്​​ മാർച്ച്​ അഞ്ചിനും ഏപ്രിൽ 20നും ഇടയിൽ കുത്തിവെപ്പെടുത്തവർക്ക്​ വീണ്ടും വാക്​സിൻ നൽകുമെന്ന്​ ഫ്രീസ്​ലാൻഡ്​ ജില്ല അഡ്​മിനിസ്​ട്രേറ്റർ സ്വെൻ ആംബ്രോസി വ്യക്തമാക്കിയത്​​. ഇക്കാലയളവിൽ കുത്തിവെപ്പെടുത്ത എത്ര പേർക്ക്​ യഥാർഥ വാക്​സിൻ ലഭിച്ചുവെന്ന കാര്യത്തിൽ വ്യക്തതതയില്ലാത്തതിനാലാണ്​ 8577 പേർക്കും വീണ്ടും വാക്​സിൻ നൽകാൻ തീരുമാനിച്ചത്​.

കുത്തിവെപ്പെടുത്ത എല്ലാവരും 70 വയസിന്​ മുകളിൽ പ്രായമുള്ളവരാണെന്നതാണ്​ ആശങ്കയെന്ന്​ ജർമൻ മാധ്യമങ്ങൾ റിപ്പോർട്ട്​ ചെയ്​തു. ഉപ്പുവെള്ളം കുത്തിവെച്ചത്​ കാരണം മറ്റ്​ ആരോഗ്യ പ്രശ്​നങ്ങൾ ഒന്നും വരില്ലെന്നാണ്​​ ആരോഗ്യ പ്രവർത്തകർ പറയുന്നത്​.

ജർമൻ ജനസംഖ്യയുടെ 57 ശതമാനം പേരും കോവിഡ്​ പ്രതിരോധ കുത്തി​വെപ്പെടുത്തതായാണ്​ കണക്കുകൾ. 91000 പേരാണ്​ ജർമനിയിൽ കോവിഡ്​്​ ബാധിച്ച്​ മരിച്ചത്​.