ഇസ്രായേലിന് നിരീക്ഷണ പദവി: തീരുമാനം റദ്ദാക്കി ആഫ്രിക്കൻ യൂനിയൻ

കേപ്ടൗൺ: ഇസ്രായേലിന് നിരീക്ഷണ പദവി നൽകാനുള്ള തീരുമാനം റദ്ദാക്കി ആഫ്രിക്കൻ യൂനിയൻ. യൂനിയനിൽ അംഗങ്ങൾക്കിടയി​ൽ ഇതേക്കുറിച്ച് വ്യത്യസ്ത അഭിപ്രായങ്ങൾ ഉയർന്ന സാഹചര്യത്തിലാണ് തീരുമാനം. ആറംഗ കമ്മിറ്റിയെയാണ് വിഷയം പഠിക്കാൻ നിയോഗിച്ചിരുന്നത്.

കഴിഞ്ഞവർഷം ജൂലൈയിലാണ് ആഫ്രിക്കൻ യൂനിയൻ കമീഷൻ തലവനായ മൗസ ഫകി മഹമത് ഇസ്രായേലിന് നിരീക്ഷണ പദവി അനുവദിക്കാൻ തയാറായത്. യൂനിയനിലെ അംഗങ്ങളോട് അഭിപ്രായം ചോദിക്കാതെയായിരുന്നു തീരുമാനം. തുടർന്ന് ദക്ഷിണാഫ്രിക്ക, ഈജിപ്ത്, അൽജീരിയ തുടങ്ങിയ രാജ്യങ്ങൾ ഇതിനെതിരെ രംഗത്തുവന്നു.