'നാസി ആശയമുള്ള ആർ.എസ്​.എസ്​ തലവനെ സന്ദർശിച്ചു'; ഹൈകമീഷണർക്കെതിരെ ആസ്​ട്രേലിയയിൽ പ്രതിഷേധം

സിഡ്​നി: നാഗ്​പുരിലെ ആർ.എസ്​.എസ്​ ആസ്ഥാനം സന്ദർശിച്ച ആസ്​ട്രേലിയൻ ഹൈകമീഷണർക്കെതിരെ സ്വന്തം നാട്ടിൽ പ്രതിഷേധം. സന്ദർശനം രാജ്യത്തിന്​ നാണക്കേടാണെന്ന്​ മുൻ ആസ്​ട്രേലിയൻ സെനറ്റർ ലീ റിയന്നൻ പ്രതികരിച്ചു. നവംബർ 15നാണ്​ ആസ്​ട്രേലിയൻ ഹൈകമീഷണണർ ബാരി ഓ ഫെറൽ ആർ.എസ്​.എസ്​ തലവൻ മോഹൻ ഭാഗവതിനെ സന്ദർശിച്ചത്​.

''ആർ.എസ്​.എസ്​ ഹിറ്റ്​ലറിൽ നിന്നും പ്രചോദനം ഉൾകൊണ്ട്​ വംശീയ ആശയത്തിനും തീവ്ര ഹിന്ദുത്വത്തിനും വേണ്ടി നിലകൊണ്ടുന്നവരാണ്​''- 2011 മുതൽ 2018 വരെ ന്യൂ സൗത്ത്​ വെയിൽസിനെ പ്രതിനിധീകരിച്ച സെനറ്റർ റിയന്നോൻ പ്രതികരിച്ചു.

ഓസ്​ട്രേലിയൻ മാധ്യമ പ്രവർത്തകരായ സി.ജെ വെർലെമാൻ, പീറ്റർ ഫ്രെഡറിക്​ അടക്കമുള്ളവരും ഹൈകമീഷണർക്കെതിരെ രംഗത്തെത്തിയിട്ടുണ്ട്​. ഹൈകമീഷണറുടെ രാജി ആവ​ശ്യപ്പെട്ടുള്ള കത്തിൽ 1300ഓളം പേർ ഒപ്പുവെച്ചു​.

എന്നാൽ ആർ.എസ്​.എസ്​ ആസ്ഥാനം സന്ദർശിച്ചത്​ കോവിഡ്​ പ്രതിരോധ പ്രവർത്തനങ്ങൾക്ക്​ നന്ദിയർപ്പിക്കാൻ വേണ്ടി മാത്രമാ​െണന്നാണ്​ ഹൈകമീഷണർ ഓഫെറലിൻെറ പ്രതികരണം.