ഇസ്രായേൽ സൈന്യത്തിന്‍റെ വെടിയേറ്റ്​ ഫലസ്​തീൻ ബാലൻ മരിച്ചു

ഇസ്രായേൽ സൈന്യത്തിന്‍റെ വെടിയേറ്റ്​ ഫലസ്​തീൻ ബാലൻ മരിച്ചു. വടക്കൻ അധിനിവേശ വെസ്റ്റ് ബാങ്കിലെ സൈനിക ചെക്ക് പോയിന്‍റിലേക്ക് കാർ ഓടിച്ചുകയറ്റിയെന്നാരോപിച്ചാണ്​ പ്രായപൂർത്തിയാകാത്ത ഫലസ്തീൻ ബാലനെ ഇസ്രായേൽ സൈന്യം വെടിവച്ചു കൊന്നത്​.

നാബ്​ലസ് നഗരത്തിൽ നിന്നുള്ള 16 കാരനായ മുഹമ്മദ് നിദാൽ യൂനുസ് ആണ്​ കൊല്ലപ്പെട്ടത്​. ദുൽകറം നഗരത്തിന് തെക്ക്, ബാര ചെക്ക്പോസ്റ്റിൽ വെച്ചാണ്​ സൈനികർ നിദാലിനുമേൽ വെടിയുതിർത്തത്​. കഫാർ സബയിലെ ആശുപത്രിയിലേക്ക് എത്തിച്ചെങ്കിലും മരിച്ചിരുന്നു. മരണം ആരോഗ്യ മന്ത്രാലയം സ്ഥിരീകരിച്ചിട്ടില്ല.