കുഞ്ഞിക്കാൽ കാണാൻ ​െകാതിയുണ്ടോ? ഈ നഗരത്തിൽ ഒരു കുഞ്ഞ്​ പിറന്നാൽ​ സർക്കാർ വക 70 ലക്ഷം

സോൾ: സന്താന നിയന്ത്രണത്തിന്​ പ്രേരണ നൽകുന്നവയാണ്​ നമ്മുടെതുൾപെടെ പല രാജ്യങ്ങളും. എന്നാൽ, ഒരു കുഞ്ഞ്​ പുതുതായി പിറന്ന കുടുംബത്തിന്​ സ്വപ്​നങ്ങളിൽ മാത്രം പരിചയിച്ച വലിയ തുക സർക്കാർ വക ദാനമായി കിട്ടിയാലോ? ജനസംഖ്യ കുത്തനെ ഇടിഞ്ഞ്​ ആധി പെരുക്കുന്ന ദക്ഷിണ കൊറിയയിലെ ഒരു പട്ടണത്തിലാണ്​ കുഞ്ഞ്​ ജനിക്കുന്ന കുടുംബ​ത്തെ കാത്ത്​ ഞെട്ടിക്കുന്ന 'ഓഫറു'ള്ളത്​.

ഗ്യോങ്​സാങ്​ പ്രവിശ്യയുടെ തലസ്​ഥാനമായ ചാങ്​വൺ ഗ്രാമത്തിൽ ചുരുങ്ങിയത്​ മൂന്നു കുട്ടികളുള്ള മാതാപിതാക്കൾക്ക്​ സർക്കാർ വെറുതെ നൽകുക ഒരു ലക്ഷം ഡോളറാണ്​ (ഏകദേശം 74 ലക്ഷം രൂപ). പട്ടണത്തിലെ പുതിയ നയപ്രകാരം പുതുതായി വിവാഹിതരായ ദമ്പതികൾക്ക്​ ഭരണകൂടം വക 92,000 ഡോളർ വായ്​പയും നൽകും. തുക തിരിച്ചടക്കു​േമ്പാഴാണ്​ പക്ഷേ, കുഞ്ഞ്​ പിറന്നവർക്ക്​ ഇരട്ടി മധുരമാകുക. തുകയുടെ മുഴുവൻ പലിശയയും പൂർണമായി ഇളവു ചെയ്യും. രണ്ടു കുട്ടികളുള്ള കുടുംബമാണെങ്കിൽ യഥാർഥ തുകയുടെ 30 ശതമാനം ഇളവു ലഭിക്കും. കുട്ടികള​ുടെ എണ്ണം മൂന്നിലെത്തിയാൽ തുക പൂർണമായി ഇളവു നൽകും.

സമ്പദ്​വ്യവസ്​ഥ താഴോട്ടുപോകുകയും ജനസംഖ്യ വർധന വെല്ലുവിളിയാകുകയും ചെയ്യുന്ന രാജ്യങ്ങൾക്ക്​ ആലോചിക്കാവുന്നതല്ല നിർദേശമെങ്കിലും ജനസംഖ്യ കുത്തനെ താഴോട്ടുപോകുന്ന ദക്ഷിണാഫ്രിക്കയിൽ സമാന പോംവഴികൾ തേടുകയാണ്​ ഭരണകൂടങ്ങൾ.

2020ൽ 275,815 ജനനം റിപ്പോർട്ട്​ ചെയ്​ത ദക്ഷിണാഫ്രിക്കയിൽ 307,764 പേരാണ്​ മരിച്ചത്​. പുതിയ 'ഓഫർ' പ്രഖ്യാപിച്ച ചാങ്​വണിൽ ജനസംഖ്യ സമീപകാലത്ത്​ ആദ്യമായി 10 ലക്ഷത്തിൽ താഴെയെത്തുമെന്നും ആശങ്കയുണ്ട്​.