ജി20 ​ഉ​ച്ച​കോ​ടി: നേ​താ​ക്ക​ളു​മാ​യി കൂ​ടി​ക്കാ​ഴ്ച ന​ട​ത്തി മോ​ദി

റി​യോ ഡെ ​ജ​നീ​റോ: ജി20 ​ഉ​ച്ച​കോ​ടി​ക്കി​ടെ വി​വി​ധ ലോ​ക നേ​താ​ക്ക​ളു​മാ​യി കൂ​ടി​ക്കാ​ഴ്ച ന​ട​ത്തി പ്ര​ധാ​ന​മ​​ന്ത്രി ന​രേ​ന്ദ്ര മോ​ദി. ഇ​ന്ത്യ​യി​ൽ സാ​മ്പ​ത്തി​ക ത​ട്ടി​പ്പ് ന​ട​ത്തി ബ്രി​ട്ട​നി​ൽ അ​ഭ​യം തേ​ടി​യ വി​ജ​യ് മ​ല്യ, നീ​ര​വ് മോ​ദി എ​ന്നി​വ​രെ വി​ട്ടു​ന​ൽ​ക​ണ​മെ​ന്ന് യു.​കെ പ്ര​ധാ​ന​മ​ന്ത്രി കീ​ർ സ്റ്റാ​ർ​മ​റു​മാ​യു​ള്ള കൂ​ടി​ക്കാ​ഴ്ച​യി​ൽ മോ​ദി ആ​വ​ശ്യ​പ്പെ​ട്ടു. ബെ​ൽ​ഫാ​സ്റ്റ്, മാ​ഞ്ച​സ്റ്റ​ർ എ​ന്നി​വി​ട​ങ്ങ​ളി​ൽ ഇ​ന്ത്യ​ൻ കോ​ൺ​സു​ലേ​റ്റ് തു​റ​ക്കാ​നും തീ​രു​മാ​നി​ച്ചു.

ഇ​ന്ത്യ​യും യു.​കെ​യും ത​മ്മി​ൽ സ്വ​ത​ന്ത്ര വ്യാ​പാ​ര ക​രാ​റി​നു​ള്ള ച​ർ​ച്ച​ക​ൾ അ​ടു​ത്ത വ​ർ​ഷം പു​ന​രാ​രം​ഭി​ക്കു​മെ​ന്ന് സ്റ്റാ​ർ​മ​ർ പ​റ​ഞ്ഞു. കീ​ർ സ്റ്റാ​ർ​മ​ർ ബ്രി​ട്ടീ​ഷ് പ്ര​ധാ​ന​മ​ന്ത്രി​യാ​യ ശേ​ഷം ഇ​രു​വ​രും ത​മ്മി​ൽ ന​ട​ക്കു​ന്ന ആ​ദ്യ കൂ​ടി​ക്കാ​ഴ്ച​യാ​ണി​ത്. ഇ​ന്ത്യ​യും ബ്രി​ട്ട​നും ത​മ്മി​ലു​ള്ള സ്വ​ത​ന്ത്ര വ്യാ​പാ​ര ക​രാ​റി​നു​ള്ള ച​ർ​ച്ച​ക​ൾ 2022 ജ​നു​വ​രി​യി​ലാ​ണ് തു​ട​ങ്ങി​യ​ത്.

ഫ്രാ​ൻ​സ്, ഇ​റ്റ​ലി, ഇ​ന്തോ​നേ​ഷ്യ, നോ​ർ​വേ, പോ​ർ​ചു​ഗ​ൽ എ​ന്നീ രാ​ജ്യ​ങ്ങ​ളു​ടെ നേ​താ​ക്ക​ളു​മാ​യും മോ​ദി കൂ​ടി​ക്കാ​ഴ്ച ന​ട​ത്തി. ഫ്ര​ഞ്ച് പ്ര​സി​ഡ​ന്റ് ഇ​മ്മാ​നു​വ​ൽ മാ​ക്രോ​ണു​മാ​യു​ള്ള കൂ​ടി​ക്കാ​ഴ്ച​യി​ൽ ബ​ഹി​രാ​കാ​ശം, ഊ​ർ​ജം, നി​ർ​മ്മി​ത ബു​ദ്ധി തു​ട​ങ്ങി​യ മേ​ഖ​ല​ക​ളി​ലെ സ​ഹ​ക​ര​ണ​ത്തെ​ക്കു​റി​ച്ച് ച​ർ​ച്ച ചെ​യ്തു. ഇ​റ്റാ​ലി​യ​ൻ പ്ര​ധാ​ന​മ​ന്ത്രി ജോ​ർ​ജി മെ​ലോ​നി​യു​മാ​യി പ്ര​തി​രോ​ധം, സു​ര​ക്ഷ, വ്യാ​പാ​രം, സാ​​ങ്കേ​തി​ക വി​ദ്യ എ​ന്നീ മേ​ഖ​ല​ക​ളി​ലെ സ​ഹ​ക​ര​ണം ച​ർ​ച്ച ചെ​യ്തു. അ​ന്താ​രാ​ഷ്ട്ര നാ​ണ്യ​നി​ധി (ഐ.​എം.​എ​ഫ്) ഡെ​പ്യൂ​ട്ടി മാ​നേ​ജി​ങ് ഡ​യ​റ​ക്ട​ർ ഗീ​ത ഗോ​പി​നാ​ഥും മോ​ദി​യു​മാ​യി കൂ​ടി​ക്കാ​ഴ്ച ന​ട​ത്തി.

പുടിൻ ഇന്ത്യ സന്ദർശനത്തിന്

ന്യൂ​ഡ​ൽ​ഹി: യു​ക്രെ​യ്നു​മാ​യു​ള്ള യു​ദ്ധം തു​ട​രു​ന്ന​തി​നി​ടെ റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ൻ ഇ​ന്ത്യ സ​ന്ദ​ർ​ശ​ന​ത്തി​ന്. ക്രെം​ലി​ൻ പ്ര​സ് സെ​ക്ര​ട്ട​റി ദി​മി​ത്രി പെ​സ്കോ​വ് ആ​ണ് ഇ​ക്കാ​ര്യം അ​റി​യി​ച്ച​ത്.

ഇ​ന്ത്യ​ൻ പ്ര​ധാ​ന​മ​ന്ത്രി​യു​ടെ ര​ണ്ട് റ​ഷ്യ​ൻ സ​ന്ദ​ർ​ശ​ന​ങ്ങ​ൾ​ക്ക് ശേ​ഷ​മാ​ണ് പു​ടി​ന്റെ ഇ​ന്ത്യ സ​ന്ദ​ർ​ശ​ന​മെ​ന്നും സ​ന്ദ​ർ​ശ​ന തീ​യ​തി​യി​ൽ അ​ന്തി​മ​മാ​യി തീ​രു​മാ​ന​മാ​യി​ട്ടി​ല്ലെ​ന്നും പെ​സ്കോ​വ് പ​റ​ഞ്ഞു. ഇ​ന്ത്യ- ചൈ​ന ബ​ന്ധ​ങ്ങ​ളി​ൽ റ​ഷ്യ വ​ഹി​ച്ച പ​ങ്ക് എ​ടു​ത്തു​പ​റ​ഞ്ഞ പെ​സ്കോ​വ് ലോ​ക​ത്തി​ന് ഇ​തൊ​രു ശു​ഭ​വാ​ർ​ത്ത​യാ​ണെ​ന്നും തു​ട​ർ​ന്നു. റ​ഷ്യ​യെ മാ​നി​ക്കു​ന്ന ഇ​ന്ത്യ റ​ഷ്യ​യു​മാ​യു​ള്ള സ​ഹ​ക​ര​ണ​ത്തെ വി​ല​മ​തി​ക്കു​ന്നു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.