​'പ്രധാനമന്ത്രി മോദി പറഞ്ഞത്​ ശരിയാണ്​, യുദ്ധത്തി​​െൻറ കാലഘട്ടമല്ല ഇത്'​ -പുടിനുമായുള്ള മോദിയുടെ സംഭാഷണത്തെ യു.എന്നിൽ പരാമർശിച്ച്​​ മാക്രോൺ

ന്യൂയോർക്ക്​: ന്യൂയോർക്​ സിറ്റിയിൽ നടന്ന യു.എൻ പൊതുസഭ 77ാം സെഷനിൽ പ്രധാനമന്ത്രി നരേന്ദ്രമോദിയെ പരാമർശിച്ച്​ ഫ്രാൻസ്​ പ്രസിഡൻറ്​ ഇമ്മാനുവൽ മാക്രോൺ. ''ഇത്​ യുദ്ധത്തിനുള്ള സമയമല്ല എന്ന്​ ഇന്ത്യൻ പ്രധാനമന്ത്രി നരേന്ദ്രമോദി പറഞ്ഞത്​ വളരെ ശരിയാണ്​. പടിഞ്ഞാറിനോടുള്ള പ്രതികാരമല്ല ഇത്​. കിഴക്കും പടിഞ്ഞാറും മത്സരത്തിൽ ഏർ​പ്പെട്ടുകൊണ്ടിരിക്കേണ്ട സമയമല്ല. എല്ലാ രാജ്യങ്ങളുടെയും പരമാധികാരത്തെ മാനിക്കാനുള്ള സമയമാണിത്​. നമ്മൾ നേരിട്ടുകൊണ്ടിരിക്കുന്ന വെല്ലുവിളികളെ ഒരുമിച്ചു നേരിടണം''-എന്നാണ്​ യു.എൻ പൊതുസഭയിൽ മാക്രോൺ സൂചിപ്പിച്ചത്​.

''ഇത്​ യുദ്ധത്തിനായി കാഹളം മുഴക്കേണ്ട സമയമല്ല, നമ്മളിന്ന്​ ഫോണിൽ സംസാരിക്കുന്നത്​ സമാധാനത്തി​െൻറ വഴിയെ കുറിച്ചാണ്​. വളരെയധികം വർഷങ്ങളായി ഇന്ത്യയും റഷ്യയും ഒത്തൊരുമയോടെ കഴിയുന്ന രാജ്യങ്ങളാണ്​''-എന്നാണ്​ പുടിനുമായി നടത്തിയ ടെലിഫോൺ സംഭാഷണത്തിൽ മോദി പറഞ്ഞത്​.

ഉസ്​ബെസ്​കിസ്​താനിലെ സമർകന്ദിൽ നടന്ന ഷാങ്​ഹായി ഉച്ചകോടിയുടെ അനുബന്ധമായാണ്​ മോദി പുടിനുമായി സംസാരിച്ചത്​. ''നിരവധി തവണ ഇന്ത്യയും റഷ്യയും തമ്മിലുള്ള ഉഭയകക്ഷി ബന്ധത്തെ കുറിച്ചും മറ്റ്​ വിഷയങ്ങളെ കുറിച്ചും നാം ഫോണിൽ സംസാരിച്ചിട്ടുണ്ട്​. ഭക്ഷണം, ഇന്ധനം, സുരക്ഷ, വളം തുടങ്ങി എല്ലാ കാര്യങ്ങളും ചർച്ചയിൽ വരേണ്ടതുണ്ട്​. ഞങ്ങളുടെ വിദ്യാർഥികളെ യുക്രെയ്​നിൽ നിന്ന്​ സുരക്ഷിതരായി തിരിച്ചെത്തിക്കാൻ സാധിച്ചതിന്​ റഷ്യയോടും യുക്രെയ്​നോടും നന്ദിയുണ്ട്​''-മോദി കൂട്ടിച്ചേർത്തു.

യുക്രെയ്​ൻ സംഘർഷത്തിൽ ഇന്ത്യയുടെ നിലപാട്​ എന്താണെന്ന്​ റഷ്യക്ക്​ വ്യക്തമായി അറിയാമെന്ന്​ പുടിൻ പ്രതികരിച്ചു. നിങ്ങളുടെ ആശങ്കകൾ എനിക്ക്​ മനസിലാകും. എല്ലാം കഴിയുന്നത്ര വേഗത്തിൽ അവസാനിപ്പിക്കാനാണ്​ ഞങ്ങൾ ആഗ്രഹിക്കുന്നതെന്നും പുടിൻ വ്യക്തമാക്കി. എന്നാൽ മറുവശത്ത്​ യുക്രെയ്​ൻ നേതൃത്വം അനുരഞ്​ജന ചർച്ചകൾക്ക്​ തയാറാകുന്നില്ല. അവർക്ക്​ അവരുടെ ലക്ഷ്യങ്ങൾ നേടുകയാണ്​ വലുതെന്നാണ്​ അവർ പറയുന്നത്​.-എന്നും പുടിൻ സൂചിപ്പിച്ചു.