മ്യാന്മറിൽ 2153 രാഷ്ട്രീയ തടവുകാരെ മോചിപ്പിച്ചു

ബാ​ങ്കോ​ക്: മ​നു​ഷ്യ​ത്വ​പ​ര​മാ​യ കാ​ര​ണ​ങ്ങ​ളാ​ൽ 2153 രാ​ഷ്ട്രീ​യ ത​ട​വു​കാ​രെ മോ​ചി​പ്പി​ക്കു​ക​യാ​ണെ​ന്ന് മ്യാ​ന്മ​റി​ലെ സൈ​നി​ക ഭ​ര​ണ​കൂ​ടം അ​റി​യി​ച്ചു. അ​തേ​സ​മ​യം, അ​ക്ര​മ​ര​ഹി​ത സ​മ​ര​ങ്ങ​ളി​ൽ പ​​ങ്കെ​ടു​ത്ത​തി​നും സൈ​നി​ക ഭ​ര​ണ​കൂ​ട​ത്തെ വി​മ​ർ​ശി​ച്ച​തി​നും ആ​യി​ര​ങ്ങ​ൾ ഇ​പ്പോ​ഴും ജ​യി​ലു​ക​ളി​ൽ ക​ഴി​യു​ക​യാ​ണ്.

ബു​ദ്ധ​മ​ത​ത്തി​ലെ പ്ര​ധാ​ന​പ്പെ​ട്ട ദി​നാ​ച​ര​ണ​ത്തോ​ട​നു​ബ​ന്ധി​ച്ചാ​ണ് ത​ട​വു​കാ​രെ വി​ട്ട​യ​ക്കാ​ൻ മി​ലി​ട്ട​റി കൗ​ൺ​സി​ൽ അ​ധ്യ​ക്ഷ​ൻ സീ​നി​യ​ർ ജ​ന​റ​ൽ മി​ൻ ഓ​ങ് ഹ്ലെ​യ്ങ് ഉ​ത്ത​ര​വി​ട്ട​തെ​ന്ന് സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള എം.​ആ​ർ.​ടി.​വി റി​പ്പോ​ർ​ട്ട് ചെ​യ്തു. ബു​ധ​നാ​ഴ്ച​യാ​ണ് ത​ട​വു​കാ​രെ മോ​ചി​പ്പി​ക്കാ​ൻ തു​ട​ങ്ങി​യ​ത്.

ഏ​താ​നും ദി​വ​സ​ങ്ങ​ൾ​ക്ക​കം മു​ഴു​വ​ൻ പേ​രെ​യും വി​ട്ട​യ​ക്കു​ന്ന​തി​നു​ള്ള ന​ട​പ​ടി​ക​ൾ പൂ​ർ​ത്തി​യാ​കും. ആ​രൊ​ക്കെ​യാ​ണ് വി​ട്ട​യ​ക്ക​പ്പെ​ട്ട​തെ​ന്ന​ത് സം​ബ​ന്ധി​ച്ച് സൂ​ച​ന​ക​ളി​ല്ല. എ​ന്നാ​ൽ, വി​വി​ധ കു​റ്റ​ങ്ങ​ൾ ചു​മ​ത്തി 33 വ​ർ​ഷ​ത്തെ ത​ട​വി​ന് ശി​ക്ഷി​ച്ച ഓ​ങ് സാ​ൻ സൂ​ചി ഇ​ക്കൂ​ട്ട​ത്തി​ലി​ല്ലെ​ന്നാ​ണ് വി​വ​രം.