ഉദര ശസ്ത്രക്രിയക്കു ശേഷം ഫ്രാൻസിസ് മാർപാപ്പ ആശുപത്രി വിട്ടു

വത്തിക്കാൻ സിറ്റി: ഉദര സംബന്ധമായ അസുഖത്തെ തുടർന്ന് ഒമ്പതു ദിവസമായി ചികിത്സയിൽ കഴിഞ്ഞിരുന്ന പോപ് ഫ്രാൻസിസ് ആശുപത്രി വിട്ടു. അദ്ദേഹം വത്തിക്കാനിൽ തിരിച്ചെത്തിയതായി വത്തിക്കാൻ അധികൃതർ അറിയിച്ചു.

ഹെർണിയയുമായി ബന്ധപ്പെട്ട ശസ്ത്രക്രിയക്കായി ജൂൺ ഏഴിനാണ് മാർപാപ്പയെ ജെമല്ലി ​പോളി ക്ലിനിക് ആശുപത്രിയിൽ പ്രവേശിപ്പിച്ചത്. വെള്ളിയാഴ്ച രാവിലെയാണ് അദ്ദേഹം ആശുപത്രി വിട്ടത്. ശസ്ത്രക്രിയ വിജയമായിരുന്നുവെന്ന് ആശുപത്രി അധികൃതർ പറഞ്ഞു.

ഏതാനും ദിവസങ്ങൾക്കകം മാർപാപ്പക്ക് സാധാരണ ജീവിതത്തിലേക്ക് മടങ്ങിയെത്താനാകുമെന്നും വത്തിക്കാൻ അധികൃതർ വ്യക്തമാക്കി.