ക്യൂ​ബ​യി​ൽ വൈ​ദ്യു​തി മു​ട​ങ്ങി​യി​ട്ട് ര​ണ്ടു ദി​വ​സം; ല​ക്ഷ​ക്ക​ണ​ക്കി​ന് കു​ടും​ബ​ങ്ങ​ൾ ഇ​രു​ട്ടി​ൽ

ഹ​വാ​ന: ക്യൂ​ബ​യി​ൽ വൈ​ദ്യു​തി മു​ട​ങ്ങി​യി​ട്ട് ര​ണ്ടു ദി​വ​സം പി​ന്നി​ട്ടു. ശ​നി​യാ​ഴ്ച രാ​ത്രി വൈ​ദ്യു​തി ഗ്രി​ഡ് മൂന്നാമതും ത​ക​ർ​ന്ന​തോ​ടെ ല​ക്ഷ​ക്ക​ണ​ക്കി​ന് കു​ടും​ബ​ങ്ങ​ൾ ഇ​രു​ട്ടി​ൽ ക​ഴി​യു​ക​യാ​ണ്. ക​മ്യൂ​ണി​സ്റ്റ് രാ​ജ്യ​മാ​യ ക്യൂ​ബ​യി​ലെ ഏ​റ്റ​വും വ​ലി​യ ഉ​ൽ​പാ​ദ കേ​ന്ദ്രം ത​ക​രാ​റി​ലാ​യ​തോ​ടെ വെ​ള്ളി​യാ​ഴ്ച ഉ​ച്ച മു​ത​ലാ​ണ് വൈ​ദ്യു​തി മു​ട​ങ്ങി​യ​ത്.

വൈ​ദ്യു​തി ഗ്രി​ഡ് ന​ന്നാ​ക്കി​യെ​ങ്കി​ലും ശ​നി​യാ​ഴ്ച രാ​വി​​ലെ​യോ​ടെ ര​ണ്ടാ​മ​തും ത​ക​ർ​ന്നു. പി​ന്നീ​ട് ചി​ല​യി​ട​ങ്ങ​ളി​ൽ വൈ​ദ്യു​തി പു​നഃ​സ്ഥാ​പി​ക്കാ​ൻ ക​ഴി​ഞ്ഞെ​ങ്കി​ലും വൈ​കീ​ട്ടോ​ടെ വീ​ണ്ടും നി​ല​ച്ചു. പ്ര​ശ്ന​ം പ​രി​ഹ​രി​ച്ച് ഉ​ട​ൻ വൈ​ദ്യു​തി വി​ത​ര​ണം പു​ന​രാ​രം​ഭി​ക്കു​മെ​ന്ന് ക്യൂ​ബ​യു​ടെ ഊ​ർ​ജ മ​ന്ത്രാ​ല​യം അ​റി​യി​ച്ചു.

വൈ​ദ്യു​തി പു​നഃ​സ്ഥാ​പി​ക്കാ​നു​ള്ള ശ്ര​മം ഏ​റെ സ​ങ്കീ​ർ​ണ​മാ​ണെ​ന്നും മ​ന്ത്രാ​ല​യം ‘എ​ക്സി’​ൽ കു​റി​ച്ചു. വൈ​ദ്യു​തി മു​ട​ക്ക​ത്തെ തു​ട​ർ​ന്ന് സ്കൂ​ളു​ക​ളും വ്യ​വ​സാ​യ ശാ​ല​ക​ളും പൂ​ട്ടി. രാ​ജ്യ​ത്ത് വൈദ്യുതി അടിയന്തരാവസ്ഥ പ്ര​ഖ്യാ​പി​ച്ചിരിക്കുകയാണ്.