പ്രസിഡൻറ്​ ഷിയെ ​േഫാണിൽ വിളിച്ച്​ ബൈഡൻ; യു.എസ്​- ചൈന ബന്ധത്തിൽ മഞ്ഞുരുകുമോ?

വാഷിങ്​ടൺ: പരസ്​പരം കൊമ്പുകോർത്ത്​ ഡോണൾഡ്​ ട്രംപ്​ ഭരിച്ച നാലു വർഷത്തിനു ശേഷം സൗഹൃദത്തി​െൻറ വഴി തേടി ചൈനീസ്​- അമേരിക്കൻ പ്രസിഡൻറുമാരുടെ ഫോൺ സംഭാഷണം. സ്വതന്ത്രവും തുറസ്സാർന്നതുമായ ഇൻഡോ- പസഫിക്​ മേഖല പ്രധാനമാണെന്ന്​ ബൈഡനും പരസ്​പര സംഘർഷം ദുരന്തമാകുമെന്ന്​ ഷി ജിങ്​പിങ്ങും ഓർമിപ്പിച്ച ഫോൺ സംഭാഷണം ഇരു രാജ്യങ്ങൾക്കുമിടയിൽ മഞ്ഞുരുക്കത്തി​െൻറ ​തുടക്കമാകുമോ എന്ന്​​ ഉറ്റുനോക്കുകയാണ്​ ലോകം.

കഴിഞ്ഞ വർഷം മാർച്ചിൽ ഡോണൾഡ്​ ട്രംപും ഷിയും തമ്മിലാണ്​​ അവസാനമായി ഇരുരാജ്യങ്ങൾക്കുമിടയി​ൽ നേതൃതല സംഭാഷണം നടന്നത്​. ബൈഡൻ അധികാരമേറിയ ശേഷം ആദ്യത്തേതും. കഴിഞ്ഞ നവംബറിലെ തെ​രഞ്ഞെടുപ്പ്​ വിജയത്തിൽ ഷി ബൈഡനെ ഫോൺ സംഭാഷണത്തിൽ അനുമോദിച്ചു.

അതേ സമയം, പ്രചാരണ കാലയളവിൽ ഷിയെ തെമ്മാടിയെന്ന്​ ബൈഡൻ വിളിച്ചത്​ വാർത്തയായിരുന്നു. ''ചൈനയെ സമ്മർദത്തിലാക്കി ഒറ്റപ്പെടുത്താനും ശിക്ഷിക്കാനും രാജ്യാന്തര തലത്തിലെ ശ്രമങ്ങൾക്ക്​ മുന്നിൽനിൽക്കുമെന്നും'' അന്ന്​ പ്രഖ്യാപനം നടത്തി​.

ചൈനക്കു മേൽ സമ്മർദം തുടരുമെന്ന്​ തെരഞ്ഞെടുക്കപ്പെട്ട ശേഷവും ബൈഡൻ ഭരണകൂടം പറഞ്ഞു​. കാര്യങ്ങൾ ഇങ്ങനെയൊക്കെ ആണെങ്കിലും

ട്രംപിനു പകരം ഡെമോക്രാറ്റ്​ പ്രതിനിധിയായി ബൈഡ​െൻറ വരവ്​ പ്രതീക്ഷയോടെയാണ്​ ചൈന കാണുന്നത്​. ബൈഡൻ ''പ്രായോഗികമായി പ്രവർത്തിക്കുന്നയാളും യാഥാർഥ്യ ബോധമുള്ളയാളുമാണെന്ന്​'' ചൈനീസ്​ വക്​താവ്​ പ്രത്യാശ പങ്കുവെച്ചു.

മറുവശത്ത്​, തന്ത്രപ്രധാന സാ​ങ്കേതികതകളുടെ കയറ്റുമതി ഉൾപെടെ പുതിയ ഉൽപന്നങ്ങളിൽ കൂടി നിയന്ത്രണം വരുത്താൻ യു.എസ്​ നീക്കം ആരംഭിച്ചിട്ടുണ്ട്​. നേരത്തെ, ട്രംപ്​ ഭരണകൂടം നടപ്പാക്കിയ ഇറക്കുമതി നിരോധനം എടുത്തുകളയില്ലെന്നും അധികൃതർ പറയുന്നു.

ഇരു രാഷ്​ട്രത്തലവൻമാരും തമ്മിലെ സംഭാഷണത്തിന്​ മുന്നോടിയായി യു.എസ്​ സ്​റ്റേറ്റ്​ സെക്രട്ടറി ആൻറണി ബ്ലി​ങ്കെനും ചൈനീസ്​ നയതന്ത്ര പ്രതിനിധി യാങ്​ ജീച്ചിയും തമ്മിൽ ബന്ധപ്പെട്ടിരുന്നു. നേരത്തെ മൈക്​ പെൻസുമായും യാങ്​ സംഭാഷണം നടത്തിയിരുന്നു.

ബൈഡനും ഷിയും തമ്മിലെ സംഭാഷണത്തിൽ ഹോങ്​കോങ്​, തായ്​വാൻ വിഷയത്തിൽ യു.എസ്​ നടുക്കം രേഖപ്പെടുത്തി. നേരത്തെ ട്രംപ്​ ഭരണത്തിനിടെ, തുടർച്ചയായ ഉപരോധങ്ങളുമായി ചൈനക്കെതിരെ കടുത്ത നിലപാട്​ തുടർന്ന യു.എസ്​ ബൈഡൻ കാലത്തും സമാന നയം നടപ്പാക്കാനുള്ള സാധ്യത നിലനിൽക്കുകയാണ്​. സിൻജിയാങ്ങിലെ മുസ്​ലിം ഉയ്​ഗൂറുകൾക്കെതിരെ നടത്തുന്ന വംശഹത്യയുടെ പേരിൽ ചൈനക്കെതിരെ രാജ്യാന്തര തലത്തിൽ പ്രതി​േഷധം ശക്​തമാണ്​​. സാമ്പത്തിക പ്രാധാന്യമുള്ള ദക്ഷിണ ചൈന കടലിൽ ചൈന കൂടുതൽ ശക്​തിപ്പെടുത്തിയ സൈനിക സംവിധാനങ്ങൾക്കെതിരെയും വ്യാപക വിമർശനമുണ്ട്​. ഈ കടലിലെ പല കൊച്ചുദ്വീപുകളും ചൈന പൂർണമായി സൈനികവത്​കരിച്ചുകഴിഞ്ഞതായി റിപ്പോർട്ടുകൾ പറയുന്നു.