2019ലെ ഭീകരാക്രമണം: സിരിസേന അഴിയെണ്ണും

കൊളംബോ: ശ്രീലങ്കയിൽ 279 പേരുടെ ജീവനെടുത്ത ഭീകരാക്രമണം തടയുന്നതിൽ പരാജ​യപ്പെട്ടതിൽ മുൻ പ്രസിഡൻറ്​ മൈത്രിപാല സിരിസേനയും ഇൻറലിജൻസ്​ മേധാവി നീലാണ്ട ജയവർധനയും ശിക്ഷിക്കപ്പെ​ട്ടേക്കും. 2019 ഏപ്രിൽ 21നാണ്​ രാജ്യത്തെ നടുക്കിയ ഭീകരാക്രമണം. സംഭവത്തിന്​ അഞ്ചുമാസത്തിനുശേഷം അന്വേഷണക്കമീഷനെ നിയമിച്ചു.

ലങ്കയിൽ ഭീകരാക്രമണമുണ്ടാകുമെന്ന ഇൻറലിജൻസ്​ മുന്നറിയിപ്പ്​ സിരിസേന അവഗണിച്ചതായാണ്​ റിപ്പോർട്ടിൽ പറയുന്നത്​. മുന്നറിയിപ്പ്​ ലഭിച്ചിട്ടും ആക്രമണം തടയാൻ നടപടി സ്വീകരിച്ചില്ല എന്നതാണ്​ ഇൻറലിജൻസ്​ മേധാവിക്കെതിരായ കുറ്റം. വീഴ്​ച കണക്കിലെടുത്ത്​ പൊലീസ്​ ഐ.ജി പുജിത്​ ജയസുന്ദരയും ശിക്ഷിക്കപ്പെ​ട്ടേക്കും.